इब्रानियो 9 - Halbiसंवसारिक तम्बू 1 हुन पयला बायदा बले सेवा चो नियम रये, आउर असन पवितर जगा रये जोन ऐ जगत चो रये। 2 कसनबल्लोने गोटक तम्बू बनाया गेली, पयला तम्बू ने पटेरा, आउर टेबुल, आउर भेट चो रोटीमन रये; आउर हुन पवितर जगा बोला जाऊ आय। 3 दुसर, परदा चो पाटे हुन तम्बू रये, जोन परम पवितर जगा बोला जाऊ आय। 4 हुन थाने सोना चो धुपदानी, आउर चारो बाटे सोना ले मोड़लोर बायदा चो सन्दूक आउर ऐ थाने मन्ना ले भरलोर सोना चो भंडवा आउर हारून चो बड़गी जोन थाने फुल फर ऐऊन जाऊ रये आउर बायदा चो पटटीमन रये। 5 हुनचो उपरे दुनो तेजोमय सरगदूत रवत, जोन पश्तावा चो ढ़ाकना थाने छांय करून रवत; ऐ मन चो गोटक-गोटक करून वर्णन करतोर ऐबे मवका निआय। संवसारिक सेवा चो संदीमन 6 ऐ तीजमन ऐ रीति ले तिआर होऊन चुकली। हुन पयला तम्बू ने याजक हर समया परवेश करून सेवा चो काम सम्पन करू आत, 7 मान्तर दुसर ने मात्र माहायाजक बरक भर ने गोटक ची हार जाऊ आय, आउर बिना लऊ धरलोर नी जाये; जेके हुन आपलो काजे आउर लोगमन चो भुलक-भटक चो काजे चेगाऊ आय। 8 ऐचो ले पवितर आत्मा ऐई दकाऊ आय कि जिदलदाय ले पयला तम्बू उबा आसे, हुदलदाय ले पवितर जगा चो बाट परकट नी होली। 9 ऐ तम्बू ऐबे चो समया चो काजे गोटक कहनी आय; जोन थाने असन भेट आउर बलिदान चेगाया जाऊ आय, जोन आराधना करतो बितामन चो बिबक सिद्ध नी होऊक सके। 10 कसनबल्लोने हुनमन मात्र खातो पिवतोर तीजमन आउर किसम-किसम चो नाहातो बिदी चो आधार थाने देंह चो नियम आय, जोन सुधरातोर समया तक चो काजे नियुक्त करा गेला से। सरग चो तम्बू 11 मान्तर जिदलदाय मसीह ऐतो बिती अच्छा-अच्छा तीजमन माहायाजक होऊन भाती ईलो, तेबे हुन आउर बले बड़े आउर सिद्ध तम्बू ले होऊन भाती, जोन हाथ चो बनालोर बिती नुआय बल्लोने ऐ ब्रमांड चो नुआय, 12 आउर बोकड़ामन आउर बाचामन चो लऊ चो दुवारा नुआय मान्तर आपलो ची लऊ चो दुवारा, गोटक ची हार पवितर जगा ने ओललो आउर अमर छुटकारा परापत करलो। 13 कसनबल्लोने जिदलदाय बोकड़ामन आउर बयलामन चो लऊ आउर बुछड़ा चो लाकड़ी चो अशुद्ध लोगमन उपरे बिता जातोर देंह चो शुद्धता चो काजे हुनमन के पवितर करू आय, 14 तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा। 15 ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत। 16 कसनबल्लोने जोन थाने बायदा बान्दा गेली से हुन थाने बायदा बान्दु बितामन चो मरना चो समज धरतोर बले जरूरी आय। 17 कसनबल्लोने असन बायदा मरलो थाने पक्का होऊ आय, आउर जिदलदाय ले बायदा बान्दु बिता जीव रऊ आय हुदलदाय ले बायदा काम चो नी होये। 18 ऐईकाजे पयला बायदा बले बिना लऊ चो नी बान्दा गेली। 19 कसनबल्लोने जिदलदाय मूसा सपाय लोगमन के नियम चो हरकोनी हुकुम सुनान चुकलो तेबे हुन बाचामन आउर बोकड़ामन चो लऊ धरून भाती, पानी आउर लाल ऊन आउर जुफा चो संगे, हुन किताब थाने आउर सपाय लोगमन उपरे छिंचुन दिलो 20 आउर बल्लो, “ऐ हुन बायदा चो लऊ आय, जेचो हुकुम माहापुरू तुमचो काजे दिलो से।” 21 आउर ऐई रीति ले हुन तम्बू आउर सेवा चो पुईतराय समान उपरे लऊ छिंचलो। 22 सत तो ऐ आय कि नियम चो अनुसार लगभग: सपाय तीजमन लऊ चो दुवारा शुद्ध करा जाऊ आय, आउर बिना लऊ बहालोर पापमन चो छमा निआय। मसीह चो बलिदान लागुन पाप-छमा 23 ऐईकाजे जरूर आय कि सरग थानो तीजमन चो परतिरूप ऐ बलिदानमन चो दुवारा शुद्ध करा जाओ, मान्तर सरग थानो तीजमन खुदे ऐ मन ले बड़ीया बलिदानमन चो दुवारा शुद्ध करा जाति। 24 कसनबल्लोने मसीह हुन हाथ चो बनालो बिती पवितर जगा ने, जोन सते पवितर जगा चो नमूना आय, नी ओललो मान्तर सरग ने ची ओललो, बल्ले आमचो काजे अदायं माहापुरू चो पुरे दका देओ। 25 ऐ नाई कि हुन आपन खुद के घन-घन चेगा ओ, जसन कि माहायाजक हर बरक दुसर चो लऊ धरून पवितर जगा ने ओलु आय, 26 नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ। 27 आउर जसन मानेमन चो काजे गोटक हार मरतोर आउर हुनचो पाचे नियाय चो होतोर नियुक्त आसे, 28 असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे। |
Halbi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation