इब्रानियो 6 - Halbiभुलकतोर फल 1 ऐईकाजे ईआ मसीह चो सिक्या चो मुर चो गोठमन के छांडुन भाती आमी सिद्धता चो बाटे पुरे बड़ते जाऊ, आउर मरलो बिती काममन ले मन फिरातो, आउर माहापुरू उपरे बिश्वास करतोर, 2 आउर डूबनमन आउर हाथ संगातोर, आउर मरलो बितामन चो जीव उठतोर, आउर आखरी नियाय चो सिक्या रूपी पाया फेर ले नी डालु। 3 अगर माहापुरू चाहा लो ने आमी ऐई करूं दे। 4 कसनबल्लोने जोनमन गोटक हार उजर पावला से, आउर जोन सरग चो बर चो सुआद चाकुन चुकला से आउर पवितर आत्मा चो शामिल होऊन गेला से, 5 आउर माहापुरू चो बड़ीया बचन चो आउर ऐतो बिती जुग चो सामरत चो सुआद चाकुन चुकला से, 6 अगर हुनमन भटकुन जादे तो हुनमन के मन फिरातो काजे फेर नवा बनातोर नी होये; कसनबल्लोने हुनमन माहापुरू चो बेटा के आपलो काजे फेर कुरूस उपरे चेगाऊ आत आउर परकट ने हुनचो उपरे कलंक लगाऊ आत। 7 कसनबल्लोने जोन भूईं बरसा चो पानी के, जोन हुनचो उपरे घन-घन पडु आय, पीऊन-पिऊन भाती जोन लोगमन चो काजे हुन जोपा बुना जाऊ आय हुनमन चो काम चो साग-डार उपजाऊ आय, हुन माहापुरू ले आशीष पाऊ आय। 8 मान्तर अगर हुन लाटा आउर काटा बुटा अकराऊ आय, तो बेकार आउर शरापित होतो थाने आसे, आउर हुनचो आखरी जलाया जातोर आय। 9 मान्तर हे लाड़रामन, अगर आमी ऐ गोठमन बोलु आंव तेबले बले तुमचो बारे ने आमी ऐचो ले अच्छा आउर मुक्ति बिती गोठमन चो भरसा करूं आंव। 10 कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले। 11 मान्तर आमी खुबे चाहाऊं आव कि तुमनमन ले हरकोनी सरोत ले पुरा आशा चो काजे असने ची कोशिश करते रओ। 12 बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत। बिश्वास लायक बायदा 13 माहापुरू अब्राहाम ले बायदा करतो समया जिदलदाय किरिया खातो काजे काकीई आपलो ले बड़े नी पावलो, तेबे आपलो ची किरिया खाऊन भाती बल्लो, 14 “मय सत-सत तुके खुबे आशीष देयें दें, आउर तुचो पिलामन के बड़ाते जायें दें।” 15 आउर ऐई रीति ले हुन धीरजा धरून भाती बायदा करलो बिती गोठ परापत करलो। 16 माने तो आपलो ले कोनी बड़े चो किरिया खाया करू आत, आउर हुनमन चो हरकोनी झगड़ा चो फयसला किरिया ले पक्का होऊ आय। 17 ऐईकाजे जिदलदाय माहापुरू चो बायदा चो हकदारमन उपरे आउर बले साफ रीति ले परकट करतोर चाह लो कि हुनचो उद्देश्य बदलुक नी सके, तेबे किरिया के मंजी ने आनलो। 18 बल्ले दुय नी बदल तो गोठमन चो लागुन, जेचो बारे ने माहापुरू चो फंदी ठेबतोर नी होऊक सके, मजबूती ले आमचो हिम्मत बन्दुन जाओ, जोन सरन धरतो काजे ऐईकाजे पराला से कि हुन आशा के जोन पुरे संगालोर आसे पाओत। 19 हुन आशा आमचो परान चो काजे असन लंगर आय जोन थीर आउर मजबूत आय, आउर परदा चो भीतर ले अमरू आय, 20 जोन थाने ईशु मलिकिसिदक चो रीति थाने अमरता चो माहायाजक बनुन भाती, आमचो काजे अगुवा चो रूप ने ओललो से। |
Halbi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation