इफिसीयो 3 - Halbiरहस्य उजागर होली 1 ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय 2 अगर तुमी माहापुरू चो हुन अनुग्रह चो जुगाड़ चो खबर सुनलासास जोन तुमचो काजे मोके दिया गेली, 3 बल्लोने ऐ कि हुन भेद मोचो उपरे परकाशन चो दुबारा परकट होली, जसन मय पयले ची संक्षेप ने लिकुन चुकले से, 4 जेचो ले तुमी पढुन भाती जानुक सकास कि मय मसीह चो हुन भेद काहां तक समजु आंय। 5 जोन दुसर समयामन ने मानेमन चो पिलामन के असन नी सांगा जाऊ रये, जसन कि आत्मा चो दुवारा अदायं हुनचो पवितर पठालोबितामन आउर अगम गिआनीमन उपरे परकट कराय गेली से। 6 बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत। 7 मय माहापुरू चो अनुग्रह चो हुन दान चो अनुसार, जोन हुनचो सामरत चो असर चो अनुसार मोके दिया गेली, हुन नगतखबर चो सेवक बनले। रहस्य चो उद्देश्य 8 मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें, 9 आउर सपाय उपरे ऐ गोठ परकाशीत करें दें कि हुन भेद चो जुगाड़ काय आय, जोन सपाय चो बनातो बिता माहापुरू ने मुर ले गुपत रये। 10 बल्ले अदायं कलीसिया चो दुवारा, माहापुरू चो भिन-भिन परकार चो गिआन हुन परधानमन आउर अधिकारीमन उपरे जोन सरग चो जगामन ने आसोत, परकट कराय जाओ। 11 हुन जुग-जुग मनसा चो अनुसार जोन हुन आमचो परबु मसीह ईशु ने करू रये। 12 जोन थाने आमके हुनचो उपरे बिश्वास करलो ले साहास आउर भरसा चो संगे माहापुरू चो लगे ऐतोर अधिकार आसे। 13 ऐईकाजे मय बिनती करें से कि जोन कलेश तुमचो काजे मोके होये से, हुनचो लागुन साहास नी छांडा, कसनबल्लोने हुनमन ने तुमचो महिमा आसे। इफिसिमन चो काजे पारथना 14 मय ऐई लागुन हुन बुआ चो पुरे मांडी पाडू आंय, 15 जेचो ले सरग आउर धरतनी उपरे, हरकोनी घरलोगमन चो नाव संगाय जाऊ आय, 16 कि हुन आपलो महिमा चो धन चो अनुसार तुमके ऐ दान देओ कि तुमी हुनचो आत्मा ले आपलो भीतर चो मानेरूप ने सामरत पाऊन भाती बलवन्त होते जाआ; 17 आउर बिश्वास चो दुवारा मसीह तुमचो मन ने बसो कि तुमी मया ने जड़ धरून भाती आउर पाया खोडुन भाती, 18 सपाय पवितर लोगमन चो संगे नुकु-नुकु समजतोर शक्ति पाआ कि हुनचो ओसार आउर लाम, आउर डेंग आउर गड़ीयां कितलो आसे, 19 आउर मसीह चो हुन मया के जानुक सका जोन गिआन ले लापी आसे कि तुमी माहापुरू चो सपाय भरपूर ले समपूरन होऊन जाहा। 20 अदायं जोन असन सामरती आय कि आमचो गुहार आउर समज ले कितलो आगर काम करूक सके, हुन सामरत चो अनुसार जोन आमचो ने काम करू आय, 21 कलीसिया ने आउर मसीह ईशु ने हुनचो महिमा पीढ़ी ले पीढ़ी तक जुग-जुग होते रओ। आमीन। |
Halbi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation