इफिसीयो 2 - Halbiमरना ले जीवना चो बाटे 1 हुन तुमके बले जिआ लो, जोन आपलो अपराधमन आउर पापमन चो लागुन मरून रवत 2 जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय। 3 ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु। 4 मान्तर माहापुरू जोन दया चो सवकार आय, आपलो हुन बड़े मया चो लागुन जेचो ले हुन आमचो ले मया करलो, 5 जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से), 6 आउर मसीह ईशु ने हुनचो संगे उठालो, आउर सरग चो जगामन ने हुनचो संगे बसालो 7 कि हुन आपलो हुन किरपा ले जोन मसीह ईशु ने आमचो उपरे आसे, ऐतो बिती समयामन ने आपलो अनुग्रह चो असीम धन दकाओ। 8 कसनबल्लोने बिश्वास चो दुवारा अनुग्रह ची ले तुमनमन चो मुक्ति होली से; आउर ऐ तुमचो बाटले नुआय, मान्तर माहापुरू चो दान आय, 9 आउर ना काममन चो लागुन, असन नी होओ कि कोनी घमण्ड करोत। 10 कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो। मसीह ने गोटक 11 ऐई लागुन सुरता करा कि तुमी जोन शारीरिक रीति ले दुसर जाति आहास (आउर जोन लोग देंह ने हाथ चो करलो बिती खतना ले खतना बिता बलाय जाऊ आत, हुनमन तुमके खतना नाहलो बोलु आता), 12 तुमीमन हुन समया मसीह ले अलग, आउर इस्राएल चो परजा चो पन ले अलग करलो बिती, आउर बायदा चो बायदामन चो भागी नी राआस, आउर आशा हीन आउर जगत ने ईश्पर नाहलो रलास। 13 मान्तर अदायं मसीह ईशु ने तुमी जोन पयले लापी रलास, मसीह चो लऊ चो लागुन लगे होऊन गेलास। 14 कसनबल्लोने हुनी आमचो मेल आय जोन दुनो के गोटक करून दिलो आउर अलग करतो बिती भिती के जोन मंजी ने रली घसराऊन दिलो, 15 आउर आपलो देंह ने बईर बल्लोने हुन नियम जेचो हुकुममन बिदीमन चो रीति थाने रली, मेटाऊन दिलो कि दुनो ले आपलो ने गोटक नवा माने उपजास करून मेल कराऊन देओ, 16 आउर कुरूस उपरे बईर के नाश करून ऐचो लागुन दुनो के गोटक देंह बनान भाती माहापुरू ले मिसाओ। 17 हुन ऐऊन भाती तुमके जोन लापी रवत आउर हुनमन के जोन लगे रवत, दुनो के मेल मिलाप चो नगतखबर सुनालो। 18 कसनबल्लोने हुनचेई लागुन आमी दुनो चो गोटक आत्मा ने बुआ चो लगे पहुँच होऊ आय। मसीह आमचो कोनया चो पकना 19 ऐईकाजे तुमी अदायं परदेशीया आउर मुसाफिर नी रलास, मान्तर पवितर लोगमन चो संगवारी परदेशीया आउर माहापुरू चो घरलोगमन चो होऊन गेला। 20 आउर पठालोबिता आउर अगम गिआनीमन चो पाया थाने, जेचो कोना चो पकना मसीह ईशु खुद ची आय, बनाया गेलासास। 21 जोन थाने पुईतराय बनावटी गोटक संगे मिलुन भाती परबु ने गोटक पवितर मंदिर बनते जाऊ आय, 22 जोन थाने तुमी बले आत्मा चो दुवारा माहापुरू चो निवास जगा होतो काजे गोटक संगे बनाया जाऊ आस। |
Halbi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation