2 तीमुथियुस 3 - Halbi

आखरी दिनमन के जनातोर

¹ मान्तर ऐ सुरता कर कि आखरी दिनमन ने मशकिल समया ऐये दे।

² कसनबल्लोने माने हिंगसाहा, लोभीई, ढ़ोंगाहा, घमण्डाहा, निन्दा करू, आया बुआ चो हुकुम टालतो बिता, कृतध्न, अपवितर,

³ दया नी करू, छमा नी करू, दोष लगातो बिता, नी सहतो बिता, कठोर, अच्छा चो बयरी,

⁴ बिश्वासघाती, टेकाहा, घमण्डी, आउर माहापुरू चो नाई मान्तर सुक बिलास ची चो चाहतो बिता हो दे।

⁵ हुनमन भक्ति चो भेष तो धर दे, मान्तर हुनचो शक्ति के नी मान दे; असनमन ले अलग राहा।

⁶ ऐ मन थानले हुन लोगमन आत जोन घरमन ने खुसराय ओलुन ऐऊ आत, आउर हुन कमजोर बायले लेकीमन के बस ने करू आत जोन पापमन ले दबलोर आउर हर परकार चो इच्छामन चो बस ने आसोत,

⁷ आउर हरमेशा सिकते तो रऊ आत मान्तर सत चो पयचान लगले केबीई नी अमरोत।

⁸ जसन यन्नेस आउर यम्ब्रेस मूसा चो बिरूद करून रवत, असने ची ऐ मन बले सत चो बिरूद करू आत; ऐ असन मानेमन आत, जेचो अकल खराप होऊन गेली से आउर हुनमन बिश्वास चो बारे ने बिनकाम चो आत।

⁹ मान्तर हुनमन ऐचो ले पयले नी बडूक सकोत, कसनबल्लोने जसन हुनमन चो अगिआनता सपाय मानेमन चो थाने परकट होऊन जाऊ रये, असने ची ऐ मन चो बले होऊन जाये दे।

मसीही जीवना ने झंझट

¹⁰ मान्तर तुय उपदेश, चाल-चलन, मनसा, बिश्वास, सयनशक्ति, मया, धीरज आउर कन्दराया जातोर, आउर दुख उठातो ने मोचो सात दिलीस;

¹¹ आउर असन दुखमन ने बले जोन अन्ताकिया आउर इकुनियुम आउर लुस्त्रा ने मोचो उपरे पडुन रये, आउर दुसर दुखमन ने बले जोन मय उठाले से; मान्तर परबु मोके हुन सपाय ले छंडालो।

¹² मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

¹³ मान्तर दुष्ट आउर गोठ ने फासतो बितामन धोका देते आउर धोका खाते नशते जादे।

¹⁴ मान्तर तुय हुन गोठमन थाने जोन तुय सिकली सीस आउर बिश्वास करू लीस ऐ जानुन भाती बरसक बनुन रा कि तुय हुनमन के कोन लोगमन ले सिकली सीस,

¹⁵ आउर पिलादाय ले पवितर शास्त्र तुचो जानलोर आसे, जोन तुके मसीह थाने बिश्वास करलो ने मुक्ति पावतो काजे अकल बिता बनाऊक सके।

¹⁶ समपूरन पवितर शास्त्र माहापुरू चो बिचार ले बनाय गेली से आउर उपदेश, आउर समजातोर, आउर सुधरातोर, आउर धरम चो सिक्या चो काजे लाब देतो बिती आय,

¹⁷ बल्ले माहापुरू चो लोग सिद्ध बनोत, आउर हरकोनी अच्छा काम करतोर काजे पयले रओत।