1तीमुथियुस 6 - Halbi

मसीही दासमन चो आचरन

¹ जितरो दास चो जुआंड़ी चो खाले आसोत, हुनमन आपलो-आपलो मालिक के बड़े ईजीत चो लायक जानोत, बल्ले माहापुरू चो नाव आउर उपदेश चो निन्दा नी होओ।

² जोनमन चो मालिक बिश्वासी आत हुनमन के हुनमन भाई होतोर लागुन तुच्छ नी जानोत, मान्तर हुनमन चो आउर बले सेवा करोत, कसनबल्लोने ऐचो ले लाब उठातो बिता बिश्वासी आउर लाड़रा आत। ऐ गोठमन चो उपदेश करा कर आउर समजाते रा।

³ अगर कोनी आउर ची परकार चो उपदेश देऊ आय आउर खर गोठमन के, बल्लोने आमचो परबु ईशु मसीह चो गोठमन के आउर हुन उपदेश के नी माने, जोन भक्ति चो अनुसार आय,

⁴ तेबे हुन घमडिही होऊन गेलो, आउर काई नी जाने; मान्तर हुनके बिवाद आउर शब्दमन थाने तर्क करातोर रोग आसे, जेचो ले डाहा, आउर झगड़ामन, आउर निन्दा चो गोठमन आउर खराप-खराप संका,

⁵ आउर हुन मानेमन ने फकाहा झगड़ा-डण्ड उपजास होऊ आय जोनमन चो बुद्धि नसुन गेली से, आउर हुनमन सत ले अलग होऊन गेला से, जोन समजे सोत कि भक्ति कमाई चो बाट आय।

⁶ मान्तर संतुष्ट संगे भक्ति बड़े कमाई आय।

⁷ कसनबल्लोने ना आमी काई जगत ने आनलु से आउर ना काई धरून जाऊक सकु।

⁸ अगर आमचो लगे खातो आउर पिंदतो काजे आसे, तेबे ऐई मन थाने संतुष्ट करतोर जरूरी आय।

⁹ मान्तर जोन धनी होऊक चाहाय सोत, हुनमन असन परीक्षा आउर फान्दामन आउर खुबे ची फकाहा आउर हानि करू लालचमन ने फसु आत, जोन मानेमन के नशान देऊ आय आउर बिनाश चो समुन्द ने बुड़ाऊन देऊ आय।

¹⁰ कसनबल्लोने रूपया चो लोभ सपाय परकार चो खराबीमन चो चेर आय, जोन के परापत करतोर कोशिश करते-करते कितलो लोगमन बिश्वास ले भटकुन भाती आपन खुद के नाना परकार चो दुखमन ले छिलछिदरी बनाला से।

अच्छा अंगीकार

¹¹ मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

¹² बिश्वास चो अच्छा कुसती लड़; आउर हुन अमर जीवना के धरू रा, जेचो काजे तुय हाग दिया गेलीस आउर खुबे असन गोहईमन चो पुरे अच्छा अंगीकार करू रलीस।

¹³ मय तुके माहापुरू के, जोन सपाय के जीव संगाऊ आय, आउर मसीह ईशु के गोहई करून जोन पुन्तियुस पिलातुस चो पुरे अच्छा अंगीकार करलो, ऐ हुकुम देये से

¹⁴ कि तुय आमचो परबु ईशु मसीह चो परकट होओत ले ऐ हुकुम के निसकलंक आउर बेकसूर संगाव,

¹⁵ जेके हुन ठीक समया थाने दकाय दे, जोन परमधन्य आउर गोटक मात्र अधिपति आउर राजामन चो राजा आउर परबुमन चो परबु आय,

¹⁶ आउर अमरता मात्र हुनचेई आय, आउर हुन अगममय उजर ने रऊ आय, आउर ना हुनके कोनी माने दकला आउर न केबीई दकुक सके। हुनचो मान आउर राज जुग-जुग रये दे। आमीन।

सवकारमन के हुकुम

¹⁷ ऐ संवसार चो सवकारमन के हुकुम देस कि हुनमन घमण्डी नी होओत आउर नी धरा देतो धन उपरे आशा नी संगा ओत मान्तर माहापुरू उपरे जोन आमचो सुक चो काजे सपाय काई खुबे ले खुबे देऊ आय।

¹⁸ आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

¹⁹ आउर पयले चो काजे गोटक अच्छा पाया डालुन संगा ओत कि सत जीवना के बस ने करोत।

बिश्वास चो राका

²⁰ हे तीमुथियुस, ऐ अमानत चो राका कर; आउर जोन गिआन के गिआन बोलतोर ची भुल आय, हुनचो अशुद्ध बकवास आउर बिरूद चो गोठमन ले अनजान रा।

²¹ कितलो ऐ गिआन चो अंगीकार करून बिश्वास ले भटकुन गेला सोत। तुमचो उपरे अनुग्रह होते रओ।