1तीमुथियुस 3 - Halbi

अध्यक्ष चो लायक

¹ ऐ गोठ सत आय कि जोन अध्यक्ष होतोर चाहाय से हुन अच्छा काम चो इच्छा करू आय।

² ऐ जरूरी आय कि अध्यक्ष बेकसूर, आउर गोटकी ची बायले चो मुनुक, सहन करू, सोज, समजदार, सगामान करू बिता, आउर सिकातो ने निपुन होओ।

³ मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

⁴ आपलो घर चो अच्छा जुगाड़ करू होओ, आउर आपलो पिला-झिला के पुईतराय गमभीरता ले आधीन संगातो बिता होओ।

⁵ जसन कोनी आपलो घर ची जुगाड़ करतोर नी जाने, तो माहापुरू चो कलीसिया चो राका कसन करे दे?

⁶ फेर ऐ कि नवा चेला नी होओ, असन नी होओ कि घमण्ड करून शयतान चो असन डण्ड पाओ।

⁷ आउर बाहरेया बितामन ने बले हुनचो अच्छा नाव होओ, असन नी होओ कि निन्दित होऊन भाती शयतान चो फान्दा ने फसुन जाओ।

सेवकमन चो लायक

⁸ असने ची सेवकमन के बले गंभीर होतोर जरूरी आय, दुयरंगी, मतवार आउर नीच कमाई चो लोभीई नी होओ;

⁹ मान्तर बिश्वास चो भेद के शुद्ध बिबक ले बचाऊन संगा ओ।

¹⁰ आउर ऐ बले पयले परका जाओ, तेबे अगर बेकसूर निकरो तो सेवक चो काम करो।

¹¹ असने परकार ले बायले लेकीमन के बले गंभीर होतोर जरूरी आय; दोष लगातो बिती नी होओ, मान्तर खबड़दार आउर सपाय गोठमन ने बिश्वास लायक होओ।

¹² सेवक गोटक ची बायले चो मुनुक होओ आउर पिला-झिला आउर आपलो घरमन चो अच्छा जुगाड़ करतोर जानो।

¹³ कसनबल्लोने जोन सेवक चो काम अच्छा तरीका ले करूक सकोत, हुनमन आपलो काजे अच्छा पन आउर हुन बिश्वास ने जोन मसीह ईशु थाने आसे, बड़े साहास परापत करू आत।

बड़े रहस्य

¹⁴ मय तुचो लगे झटके ऐतोर आशा संगालो थानले बले ऐ गोठमन तुके ऐईकाजे लिकें से,

¹⁵ कि अगर मोचो ऐतोर ने बेर होओ, तो तुय जान कि माहापुरू चो घर ने जोन जीवता माहापुरू चो कलीसिया आय आउर जोन सत चो खुटा आउर पाया आय, कसन बरताव करतोर जरूरी आय।

¹⁶ ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।