ዎኔ ተሰሎንቄ 1 - Halaba New Testament

¹ አነ መገንለከ ቀርቾሃ መሲህ ኢስረ እኮሀኑኡተ ተሰሎንቄን ዮ መገን አመዕናኖ ዱእ ምኒ መኒሃ ጳዉሎሴች፥ ሲላሴችለከ ጢሞትዎሴች ሶሀንቶእተ ሶህኑ፤ ኣስቱትለከ ወገሬቱ ክዕኔሃ እሁን።

ተሰሎንቄ አመዕናኖ ሄኡለከ አመዕነቱሰ

² ነኡ ዱአ አዕናም ወክት ጉዕመንከ ክዕኔተ ቃንገን ክዕኔተኔሃ መገኑ ገለትጭናም።

³ አናኔ መገን ብሬን አመዕነቲን አቴንተ ሆጉተ ኢታን ጠረኝቴን አኡክዕኔለከ ቀርቹሃኔ መሲህ ኢሳን ዮህዕኔ ተብሴክዕኔ ጠረኝመተ ጉዕመ ወክት ቃንጋም።

⁴ መገኒን ኢተንቴንተ አመኦሶ! መገኑ ዶዕሬህዕኔገ ደንጋም።

⁵ ነኡ እንጂለ ክዕኔቤቹ ኤንቦሚሁ ጠለዕል ላጋን እሁዕነ ወልቃንለከ ጠሊለ አያን እንጂል ሀንቅ አመዕኒንት፤ ህትን ክዕኔን ሜጡበ ሄዕኖም ወክት ክዕኔተ ሀዕልኖተ ሀት እንክ ሄዕኖም ጎር አዕኑ ገውንኩክዕኔ ደጌነንተ።

⁶ ልግብ ኦርሸት እልቶህዕኔ ጎሬሁ ጠሊለ አያኒን ደገንቶ ሙንዲኖን ላገስ ቶጌንታአ፤ ኔሳለከ ቀርቹ አጉዴንታአ።

⁷ ህካን እኮቤቺሃ አዕኑ መቄዶናንለከ አካይ ባዶን ዮ አመዕናኖተ ጉዕሚንከ ጡመ ምሳልተ እኬንተሰ።

⁸ ቀርች ላገት ክዕኔች ፉልት ሞጮጨንቶኢሁ መቄዶንለከ አካይ ባዶን ጠለዕል እሁዕነ መገኖን ዮህዕኔ አመዕነቱ ጉዕመ ቤቾን ሞጮጨሞቤቺሃ ከን ጠዊሃ ነኡ መቱርቹሃ ጠወኡ ሀስሰኖኔበአ።

⁹ ክዕኔቤቹ አሜንቶም ወክት ጡመገ ቶጌነንተገለከ አዕኑ ሽርክክዕኔ ጌኝአቴን ሀንቅለከ ሄአኖ መገኑ ካደሚሃ ሀት እኬን ፈንቀልቴንተ ጎር እሰ ገውንኩሰ ኩልታአ።

¹⁰ ህትን መገኑ ሬሆች ኬሾሲሃ፥ አሜታ መገን ኡሙዕሬች ጡምሰኖኔሃ፥ ቤቱስ ኢስ ሰሜች አሜተኖገ ሀት እኬን አገርቴነንተ ጎሬ ኩልታአ።