3 Yohane 1 - Lufingano Lupya

¹ Nene nde muvaha, ngukwandikila veve Gayo, munyawiyendi vangu, yengwenda munachene.

² Munyawende vangu, ngukusukila uwunofu wewewuvesaga, ngukusukila ulugilimati ulwa muvili ndawe lula lwewinalo munumbula.

³ Nyekelye hilo pe vanyalukolo avamwi pevafikite ipa, vakolelye ulwa uwuhuvilwa wako ulwa nachene; ena, veve uhele ukwikala mbepali mu wanachene.

⁴ Sikokili kinu chekikunogela hilo ukulutila ukupulika ulwa avanangu vakwikala mu wanachene.

Uhuvilwa wa Gayo

⁵ Munyawende vangu, veve wimuhuvilwa mbepali peukuvapigila avanyalukolo, nambi vave avagenzi!

⁶ Avanyalukolo iwo vakalilonje ilikanisa ipa ing'ani isa uwende wako. Ngukugongola uvatangage pevali mulugendo lwawo mung'asi iyikumunogela Nguluvi.

⁷ Pakuva vivanga ulugendo lwawo mukumupigila Kilisito wesivakwanukila nambi uwutanzi uwewuvesaga ukuhuma kuvanu vesivafuuvitwi.

⁸ Ino, hwehwe lutuvaje ukuvatanga avanu iva, sambi nayihwehwe tuhange mukipigo chawo ukwimila uwanachene.

Diyotelefe na Demetiliyo

⁹ Ndivandiche lukani ku likanisa; neke Diyotelefe, yeaiwenda ukwilongolesa, sakwidikila ululagi lwangu.

¹⁰ Ino, wone nzuse sa nzolelela mbesili seahele ipiga na ukundonga fibi. Na kangi sindahihyo ahele ibihila pakuvanukila ukwakwe avanyalukolo na kangi akuvakanila vala aviwenda ukuvanukila avagenzi ahele akuvadaga vahume mulikanisa.

¹¹ Munyawende vangu, ulonga wige imigendele imyaafu, pesi ulwa wigage iminofu. Yeyeavesaga ipiga inofu ye va Nguluvi, neke yeipiga uwaafu uyo sialamuwona Nguluvi.

¹² Yeyeavesaga munu akumusumila Demetiliyo; ena, uwanachene wuwene wukumusumila. Nahwehwe kangi twilonga uwolelesi wetu kulumwene, nave we ukulukagula ukuta twilongela mumwene.

Inyungila isidugilisa

¹³ Pendinaso nzolofu isa ukukulongela, neke sindiwenda ukuvandikila mwikalatasi nu wino.

¹⁴ Ndihuvye ukuvagendela ifilo fifi na ipo tutinasa pamwi na nyenye.

¹⁵ Ngukusukila uwikalakunoga. Vanyawiyendi vako vakukuhungila. Kamwene kwa vanyawiyendi vetu mbevali umunu na ilitawa lyakwe.