2 Yohane 1 - Lufingano Lupya

¹ Nene nde muvaha ngukwandikila veve ve munumwehe umuhagule pamwi na avanako vendivenda nachene. Kangi si nene hela yendivenda, pesi na mbevali vevawukagwe uwanachene,

² pakuva uwanachene wewakwikala mwahwehwe wuva na hwehwe kitasila.

³ Uwuwuya na ulusungu na uwikalakunoga ifihumaga kwa Nguluvi Dada na kwa Yesu Kilisito, Umwana va Dada, fivelage pamwi na hwehwe mu wanachene na uwende.

Uwachene na uwende

⁴ Ndahekelye hilo ukupulika ukuta avamwi va avanako vakwikala mu wanachene ndawe lwe Dada atulajee.

⁵ Ino, ve munumwehe ngukusuka lukani lumwi: lwengukusuka si lulagilo lupya, pesi ululagilo lulula lwetwetwinalo uluhuma pamuvango ulwa twiyendage.

⁶ Uwende widonya ukwikalaga mu kwinatila indagilo sakwe Nguluvi. Ululagilo lwemwalupulike uluhuma pamuvango lwe ulu: luvavaje mbemuli mwikalage mu wende.

⁷ Avasangavanu wolofu vakelelwike mung'i, avanu vesivakwidikila ukuta Yesu Kilisito akasile ukwetu, mu muvili gwa umunu. Umunu yeilonga ulo uyo musanga vanu na mutavangu va Kilisito.

⁸ Ino, mwikomalilage we yinyenye mulonga mukiyase kila chemukakipigilige, pesi ukuta samwanukile amahombo genyu agakwilaniche.

⁹ Yesiakwinatila nu kunana munzigiso isa Kilisito, kangi akusipituka uyo mugaya Nguluvi. Neke yeananaga mu nzigiso iso inave Dada nu Mwana.

¹⁰ Sweno, wone umunu aase ukwenyu wesiakuvaletela ulwigiso ulo, ulamwanukila mukaye, nambi ukumuhungila.

¹¹ Pakuva yeakumuhungila umunu uyo, ihanga nave mufipigo fyakwe ifyanangifu.

Mudugo

¹² Nambi ndinaso nzolofu isa ukuvandikila, neke lino singembwenda ukuvandikila mwikalatasi nu wino, neke ulwene, ndihuvye ukuvasila nu kutinasa pamwi na nyenye, sambi uluhekelelo lwetu lukwilanikile.

¹³ Avana va umuhaso umuhagule, vakukuhungila.