SOLOMON HLA 8 - Lai (Hakha) Common Language Bible 2006

¹ Sunghno ka nu hnuk a ding le maw ka chuah sempi ṭa can va si law, Zatlang lam i kan ton zawn ah khin, Kan hnamh hnga mi phai ral hmanh veng loin.

² In hruai ning law ka nu run inn ah tanchuan rem, Sunghno ka nu a suan run inn khaan, chungah hei ka pom ai law, Taleti ser mitsur hang thlum, hei in din hnik lang.

³ Kehlei ban hei ka tlinh tawn rih law, Hei ka kup tuah na orhlei kut in.

Tlangval

⁴ Maw Jerusalem leng rual hna, Ka dawtte cu tho law i hlau ko tiin, Ṭhangh lai kan senh hna ri lo.

Fung Ruknak A hawile hna

⁵ Ho lengnu maw ramlak in rung lang, Lung a tum cia thlanghnun valpa he zaṭial tlaih in um ai hna. Semnak na nu nganfah tuar buin na chuahnak hmun Epal kung toiah in ṭhang ai ing,

Tlangval

⁶ Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk ṭhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin ṭhawng deuh ai.

⁷ Dawtnak mei cu tidai rial nih hmit kho ri lo, Run tilian zong nih phum kho lai lo. Dawtnak can ah zeizong phun kip le, rothil hmanh hei kam seh law, A khi hna cu zei ah hen, ka hei rel hna hnga.

A ṭale hna

⁸ Farte fang khat hnuk bom lo kan ngei, Thai ngenh duh i kan daang kai ni ah, zeitin aan kan leh hna hnga?

⁹ Amah cu ee vampang va si seh, ngun hau in kan kulh hnga, Run innkhar zong va si ko ah khin, sidar thing in kan hrenh hnga.

Ngaknu

¹⁰ Keimah cu ee ralhruang ngai ka si, Ka hnuk zong nih ral vennak Cu vang ah ee ka dawt nih cun hnangam phortu ka si hngal dah ngai.

¹¹ Solomon nih Baal-hamon ah mitsur dum a ngei, A khi dum ah dum cawngtu chia hna, Theitlai man ah ngun thong khat cio pe ding si hna,

¹² Sihmanhsehlaw kei ka mitsur dum te cu keimah ta si ko ai, Solomon aw nang nih ngun thong khat cu i lak law Thei cawng hna nih za hnih cu i lak hna seh.

Tlangval

¹³ Ka thaisung in ka dum chung i a ṭhumi aw, Ka val hawi nih na aw theih an ngai, kei zong ka theihter ve law.

Ngaknu

¹⁴ Ka dawtte aw ra lang cang tuah law, Rimhmui tlang i sazuk le maw saza nochuan bang, Ra lang ko sawh law.