SALM 93 - Lai (Hakha) Common Language Bible 2006

Pathian Siangpahrang

¹ Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

² Bawipa, na bawiṭhutdan cu a hramthawk tein a fek i nangmah cu caan thawk hlan in na rak um cang.

³ Bawipa, rilipi cu a awn, a tilet cu an awn hluahmah ko.

⁴ Bawipa cu vancung ah khin uktu ngan bik a si, rilipi aw thawng nakin a ngan deuh rili tilet nakin a ṭhawng deuh.

⁵ Bawipa, na phunglam cu zungzal in an hmun, na Biakinn cu zungzal in zungzal tiang a thiang taktak.