SALM 87 - Lai (Hakha) Common Language Bible 2006

Jerusalem Thangṭhatnak Hla Korah Hla

¹ Pathian nih tlang thiang cungah a khualipi kha a sak;

² Jerusalem khua cu, Israel ram chung i hmun dang vialte nakin a dawt deuh.

³ Pathian nih nangmah kong ah a chimmi bia sunglawi cu ngai tuah, Maw Pathian khualipi; Selah

⁴ “Ka nawl a ngaimi miphun hna cazin kha ka ṭial tikah, Izipt le Babilon kha ka telh chih hna lai; cun Filistia le Tair le Ethiopia zong kha, Jerusalem ta nan si tiah ka ti hna lai,” a ti.

⁵ Zion kong ah cun, miphun vialte kha Zion ta an si dih ti a si lai i Cungnung Bik nih a ṭhawnter lai.

⁶ Bawipa nih miphun hna cazin kha a ṭial lai i annih cu Jerusalem khuami hna chungah khan a telh chih hna lai.

⁷ Hlasa mi pawl le milam mi pawl nih khan an dihlak in na thangṭhatnak hla kha an sak lai. Selah