SALM 54 - Lai (Hakha) Common Language Bible 2006

Ral Kut Chungin Himnak Ca Thlacamnak David Hla

¹ Maw Pathian, na ṭhawnnak in ka khamh ko; na thazang in ka luatter ko.

² Maw Pathian, ka thlacamnak hi ka theihpiak tuah, ka chimmi bia hi ka ngaihpiak tuah,

³ Mi lungpuam hna cu keimah doh awkah an ra, mipuarhrang hna nih thah an ka zalh — Pathian zei i a rel lomi hna nih khan thah an ka zalh.

⁴ Pathian cu a ka bawmtu a si kha ka hngalh, Bawipa cu a ka chanhtu a si kha ka hngalh.

⁵ Pathian nih ka ral cu anmah ṭhat lonak lila khan dantat ko hna seh! Amah cu zumhawktlak a si caah a hrawh hna lai.

⁶ Bawipa, nangmah cu na ṭhat caah lunglawm tein thawinak cu kan pek lai i na sinah lawmhnak ka langhter lai.

⁷ Ka harnak vialte chungin na ka chuah i ka ral an sungh cu ka hmuh hna.