SALM 3 - Lai (Hakha) Common Language Bible 2006

Zinglei Thlacamnak David Thlacamnak: A Fapa Absalom Sinin A Zam Lio Hla

¹ Maw Bawipa, ka ral an tam tuk hringhran, a ka dohtu an tam tuk hringhran.

² An ka thangchiat i, “Pathian nih a bawm lai lo,” an ka ti.

³ Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

⁴ Bawipa kha ka auh i a tlang thiang cungin a ka leh.

⁵ Bawipa nih a ka thlim i kaa hngilh, Bawipa nih a ka ven caah him tein kaa hlau ṭhan.

⁶ A ka kulhtu ka ral thong tampi hi ka ṭih hna lo.

⁷ Bawipa, ra ko sawh! Ka Pathian, ka khamh ko! Ka ral vialte cu na tei dih hna i miṭhalo vialte cu na hrawh dih hna.

⁸ Khamhnak cu Bawipa sinin a rami a si, Bawipa nih a mi cu thluachuah pe ko hna seh.”