SALM 23 - Lai (Hakha) Common Language Bible 2006

Bawipa Kan Tuukhal David Hla

¹ Bawipa cu tuukhal bantukin a ka vengtu a si, ka herhmi vialte kha a ka pek dih.

² Ramhring lakah a ka bawhter, dinh hmun ti pawngah a ka hruai.

³ Thazang thar kha a ka pek i a rak ka kamh bantukin ahmaanmi lam ah a ka hruai.

⁴ A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

⁵ Ka ral hna hmaika ah rawl na ka dangh, ka lu ah chiti na ka toih i ka hrai cu a liam in a liam.

⁶ Na ṭhatnak le na dawtnak nih ka nun chung vialte an ka umpi lai i na inn cu a zungzal in ka inn a si lai.