SALM 13 - Lai (Hakha) Common Language Bible 2006

Bawmh Halnak Thlacam

¹ Zei can dah na ka philh lai, maw Bawipa? Na ka philh zungzal ko lai maw? Zei can dah na ka thuh tak rih lai?

² Zei can dah fahnak hi ka in lai? Zei can dah ngaihchiatnak in ka lung hi chun he zan he a khah lai? Zei can dah ka ral hi ka cungah a lek in an i lek lai?

³ Maw Bawipa ka Pathian, ka zoh law ka let tuah. ka thih nakhnga lo, ka thazang kha ka pe ṭhan tuah.

⁴ Cu ti na ka tuah ahcun ka ral nih, “Amah cu kan tei cang,” an ti kho lai lo i ka sunghnak ah khan an di a riam kho lai lo.

⁵ Sihmanhsehlaw a fekmi na dawtnak kha kaa bochan i na ka khamh lai ti ka zumh caah kaa lawm lai.

⁶ Bawipa cu ka cungah a ṭhat zungzal caah amah cu hla in ka thangṭhat lai.