SALM 123 - Lai (Hakha) Common Language Bible 2006Zaangfahnak Ca Thlacam Kainak Hla 1 Bawipa, nangmah lawng kei cu kan cuan ko, na umnak hmun van lei lawng ka zoh ko. 2 Sal nih a bawipa aa bochan bantuk le salnu nih a bawinu aa bochan bantukin, Bawipa kan Pathian, nangmah lawng kan hun in zoh ko, kan cungah zaangfahnak na ngeih hlantiang kan in zoh ko lai. 3 Maw Bawipa, kan zaangfah ko sawh, kan zaangfah ko sawh; an kan serhsat tuk hringhran! 4 Mirum nih sau tuk an kan zawmhtaih cang i miporhlaw nih sau tuk an kan nihsawh cang. |
Lai (Hakha) Common Language Bible © Bible Society of Myanmar 2006
Bible Society of Myanmar