SALM 120 - Lai (Hakha) Common Language Bible 2006

Bawmh Halnak Thlacam Kainak Hla

¹ Harnak chung ka um tikah Bawipa cu ka auh i a ka leh.

² Maw Bawipa, lihchim hmangmi hna le hlen hmangmi hna sin hin ka khamh ko.

³ Nannih milihchim hna, nan cungah Pathian nih zeidah a tuah lai? Zeitindah dan an tat hna lai?

⁴ Ralkap cantiang le meiṭil sen in dan an tat hna lai.

⁵ Nannih lak um cu Meshek khua um tluk in a har, Kedar mi hna lak um tluk a si.

⁶ Daihnak a huami hna sinah sau tuk ka um cang!

⁷ Kei nih daihnak ka chim paoh ah, annih nih dohnak an duh