SALM 110 - Lai (Hakha) Common Language Bible 2006

Bawipa le A Thimmi Siangpahrang David Hla

¹ Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

² Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

³ Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

⁴ Bawipa nih a fekmi biakamnak a tuah i a let ṭhan lai lo, “Nang cu zungzal in tlangbawi na si lai, Melkhizedek tlangbawi a sining in na si lai,” a ti.

⁵ Bawipa cu na orhlei kamah a um ko; a thin a hun ni ah siangpahrang kha a tei hna lai.

⁶ Miphun kha an bia a ceih hna lai i raltuknak hmun kha miruak in a khahter lai; vawlei cung dihlak ah siangpahrang kha a tei hna lai.

⁷ Lam pawng i a luangmi tiva kha siangpahrang nih cun a din lai, a tha aa hrim lai i teitu a si lai.