JOB 25 - Lai (Hakha) Common Language Bible 2006

Pathian Hmaika Ah Mi Cu Thiam A Co Kho Lai Lo

¹ Cun Shuh mi Bildad nih a leh i:

² “Pathian cu zeizong vialte tuah khotu a si, A pennak vancung ah khin daihnak a umter.

³ A ralkapbu hna cu aho nih dah an rel cawk hna lai? Pathian ceunak nih a ceuh lomi hmun a um maw?

⁴ A si ahcun, zeitindah Pathian hmaiah minung cu a din khawh lai? Nu chungin a chuakmi cu zeitindah a thian khawh lai?

⁵ Zohhmanh, a mithmuh ah thlapa hmanh khi a tling lo i arfi hna hmanh khi sual lo an si lo;

⁶ Zeitluk in dah tholung ceo a simi minung cu a si chinchin lai i, Cangcel ceo a simi mifapa cu a si chinchin lai,” tiah a ti.