زَڢَنِيَ 2 - أَتَّوْرَتْ دَ أَنَّبَاوَا

كِرَا دُواْمِنْ تُوبَ

¹ ‏«‏كُتَتَّارُ، عِ، كُتَتَّارُ يَا كٜىٰ أَلْعُمَّ مَرَرْ كُنْيَا،

² كَاڢِنْ أَوَاڟَرْ دَكُو كَمَرْ دُوسَرْ دَ عَكَ هُورَ، كَاڢِنْ ذَاڢِنْ ڢُشِنْ يَهْوٜىٰهْ يَسَوْكُواْ عَبِسَنْكُ، كَاڢِنْ رَانَرْ ڢُشِنْ يَهْوٜىٰهْ تَسَوْكُواْ عَكَنْكُ؞

³ كُنٜىٰمِ يَهْوٜىٰهْ، يَا كُو مَاسُ سَوْڧِنْ كَيْ نَڧَسَرْ؞ كُو وَطَنْدَ كُكٜىٰبِنْ عُمَرْنَنْسَ، كُنٜىٰمِ أَدَلْثِے، كُنٜىٰمِ سَوْڧِنْ كَيْ، وَتَڧِيلَ ذَاعَ ٻُواْيٜىٰكُ أَ رَانَرْ ڢُشِنْ يَهْوٜىٰهْ؞»‏

حُكُنْثِ عَكَنْ ڢِلِسْتِيَ

⁴ ‏«‏ذَاعَبَرْ غَاظَ كُڢَيْ أَشْكٜىٰلُوانْ ذَاتَ ذَمَ دَاجِ جَمَعَرْ أَشْدُوادْ ذَاعَ كُواْرٜىٰسُ دَ ڟَكَرْ رَانَ، ذَاعَ تُمْٻُكٜىٰ عٜىٰكْرُوانْ؞

⁵ كَيْتُوانْكُ، كُو مَذَوْنَنْ بَاكِنْ تٜىٰكُ، كُو أَلْعُمَّرْ كٜىٰرٜىٰتِيَاوَا!‏ مَغَنَرْ يَهْوٜىٰهْ تَنَ غَابَادَكُو، يَا كَنْعَنَ، ڧَسَرْ ڢِلِسْتِيَ؞ ذَنْ هَلَكَاكِ، بَكُوَ ذَاعَ ضَغٜىٰ وَنِبَ؞

⁶ بَاكِنْ تٜىٰكُ ذَاتَ ذَمَ وُرِنْ كِيوُاْ، ذَيْ ذَمَ وُرِنْ ذَمَنْ مَكِيَايَ، دَ كُمَ وُرِنْ ذَمَنْ غَرْكُنَ؞

⁷ بَاكِنْ تٜىٰكُنْ ذَاتَ ذَمَ وُرِنْ غَادُواْ نَضَغُواْوَرْ غِدَنْ يَهُودَ، وُرِنْ دَ ذَاسُيِ كِيوُاْ؞ أَغِدَاجٜىٰنْ أَشْكٜىٰلُوانْ ذَاسُ ݣُونْتَ إِنْ يَمَّ تَيِ؞ غَمَا يَهْوٜىٰهْ اللَّهْ نْسُ ذَيْ كُلَ دَسُو، ذَيْ كُمَ مَيَرْ مُسُ دَ أَلْبَرْكُنْسُ نَدَا؞»‏

حُكُنْثِ عَكَنْ مُواْوَبْ دَ أَمُّوانْ

⁸ ‏«‏نَجِ بَعَرْ دَ مُواْوَبْ تَكٜىٰيِ دَ زَرْغِنْ أَمُّواْنَاوَا، يَدَّ سُكَ ڟُواْكَنِ مُتَنٜىٰنَ سُكَ بُغَ ڧِرْجِ ذَاسُثِنْيٜىٰ ڧَسَرْ مُتَنٜىٰنَ؞

⁹ سَبُواْدَ حَكَ، نِے يَهْوٜىٰهْ مَيْ ضُنْدُنَا نَثٜىٰ، حَڧِيڧَ نَا ضَنْڟٜىٰ دَ رَيْنَ ثٜىٰوَ مُواْوَبْ ذَاتَ ذَمَ كَمَرْ سُواْدُوامْ، أَمُّواْنَاوَا كُمَ كَمَرْ غُواْمُواْرَ، ڧَسَرْ ذَاتَثِكَ دَ ڧَيُواْيِ مَيْ رَامُكَنْ غِشِرِ، مَرَرْ أَمْڢَانِ حَرْ أَبَدَا؞ ضَغُواْوَرْ جَمَعَتَ ذَاسُ ڨُوثٜىٰ مُسُ كَايَ، مُتَنٜىٰنَ دَ سُكَ ڟِيرَا ذَاسُ غَاجٜىٰسُ؞

¹⁰ وَنَّنْ ذَيْ ذَمَ سَكَمَكُوانْ غِرْمَنْ كَنْسُ، سَبُواْدَ سُكَيِ رٜىٰنِ، سُكَ كُمَ بُغَ ڧِرْجِ، سُكَيِ غَابَادَ مُتَنٜىٰنْ يَهْوٜىٰهْ مَيْ ضُنْدُنَا؞

¹¹ يَهْوٜىٰهْ ذَيْ ذَمَ أَبِنْ ڟُواْرُواْ أَغَرٜىٰسُ، عِ، ذَيْ هَلَّكَرْ دَ دُكَنْ أَلُّواْلِنْ دُونِيَا؞ أَغَرٜىٰشِ كُواْوَثٜىٰ أَلْعُمَّ ذَاتَ رُسُنَ، كُواْوَثٜىٰ عَڧَسَرْتَ كُواْ عَڟِبِرِنْتَ؞»‏

حُكُنْثِ عَكَنْ كُشْ

¹² ‏«‏كُو مُتَنٜىٰنْ إِتِيُواْڢِيَ كُمَ، ذَاعَ كَكَّشٜىٰكُ دَ تَكُواْبِنَ؞»‏

حُكُنْثِ عَكَنْ أَسُّرِيَ

¹³ ‏«‏يَهْوٜىٰهْ ذَيْ مِيڧَ حَنُّنْسَ غَابَادَ أَرٜىٰوَ، يَهَلَّكَ أَسُّرِيَ؞ ذَيْ مَيْدَ نِنٜىٰبَ كُڢَيْ، بُوسَشِّيَ كَمَرْ هَمَادَ؞

¹⁴ غَرْكُنَ ذَاسُ ݣُونْتَ أَڟَكِيَرْتَ، دَ كُواْوَنٜىٰ إِرِنْ نَامَنْ دَاجِ؞ عُنْ‌غُلُ دَ مُجِيَرْ دَاجِ ذَاسُ ذَوْنَ عَكَوُنَنْ غِنْشِڧَنْتَ؞ كُوكَنْ مُجِيَ ذَيْ يِتَڢِتُواْوَ دَغَ تَغَ، نَهَنْكَكَ كُمَ دَغَ بَاكِنْ ڧُواْڢَ؞ كَتَكَنْ سٜىٰدَ نَغِنٜىٰ غِنٜىٰنْتَ، أَبُواْكَنْ غَابَنْتَ ذَاسُ وَرْوَارٜىٰ؞

¹⁵ وَنَّنْ نٜىٰ بِرْنِ مَيْ تَاڧَمَ، وَنْدَ دَا يَذَوْنَ لَاڢِيَ، وَنْدَ يَثٜىٰ وَكَنْسَ، ‏‹‏نِے كَطَيْنٜىٰ، بَا وَنِ سَيْنِے!‏›‏ غَاشِ، يَذَمَ كُڢَيْ، وُرِنْ ݣُونْثِيَرْ نَمُواْمِنْ دَاجِ!‏ دُكْ وَنْدَ يَوُثٜىٰ تَوُرِنْسَ، ذَيْ يِڟَكِ، يَكَطَ كَيْ؞»‏