زَكَرِيَّا 9 - أَتَّوْرَتْ دَ أَنَّبَاوَا

سَڧُوانْ حُكُنْثِ دَ ثٜىٰتُواْ

¹ غَا سَڧُواْ دَغَ وُرِنْ يَهْوٜىٰهْ؞ يَهْوٜىٰهْ ذَيْ ذَوْنَ عَڧَسَرْ هَدْرَكْ، ذَيْ كَسَنْثٜىٰ عَبِرْنِنْ دِمَشْڧُ؞ عِ، عِدُوانْسَ يَنَ عَكَنْ دُكَنْ یَنْ أَدَمْ يَدَّ يَكٜىٰ عَكَنْ دُكَنْ ظُرِيُواْيِنْ إِسْرَٰٓءِيلَ؞

² عِدُوانْسَ كُمَ عَكَنْ هَمَتْ وَدَّ تَكٜىٰ عَ إِيَاكَرْ دِمَشْڧُ، عِدُوانْسَ يَنَ عَكَنْ تَيَ دَ سِدُوانْ كُواْدَيَكٜىٰ سُنَدَ حِكِمَ سُواْسَيْ؞

³ تَيَ تَغِنَا وَكَنْتَ كَتَنْ‌غَ مَيْ ڟَوُاْ، تَتَارَ أَظُرْڢَا كَمَرْ ڧُورَرْ ڧَسَا، ظِينَارِيَ كُمَ كَمَرْ لَاكَ عَتِيتُنَ؞

⁴ غَاشِ، يَهْوٜىٰهْ ذَيْ ڨُوثٜىٰ دُكَنْ كَايَنْتَ، ذَيْ هَلَّكَ جِضَاغٜىٰنْ دُوكِيَرْتَ عَتٜىٰكُ، وُتَا كُمَ ذَاتَ ثِنْيٜىٰتَ؞

⁵ بِرْنِنْ أَشْكٜىٰلُوانْ ذَاتَ غَنِ تَڟُواْرَتَ؞ بِرْنِنْ غَاظَ عِتَمَا ذَاتَيِ ضَوَرْ جِكِے؞ بِرْنِنْ عٜىٰكْرُوانْ مَا ذَاتَ ڢِدَّ ذُوثِيَا؞ غَاظَ ذَاتَ رَسَ سَرْكِے عَكُجٜىٰرَرْ مُلْكِنْتَ، أَشْكٜىٰلُوانْ كُمَ ذَاتَ ذَمَ كُڢَيْ؞

⁶ ذُرِيَرْ شٜىٰغُ ذَاسُ ذَوْنَ أَعَشْدُوادْ، نِے يَهْوٜىٰهْ ذَنْ كَوَرْدَ غِرْمَنْ كَيْ نَ ڢِلِسْتِ؞

⁷ ذَنْ ڟَبْتَثٜىٰسُ دَغَ ثِنْ نَامَ مَيْ جِنِ، ذَنْ ثِرٜىٰ ڧَظَنْتَتُّنْ أَبُبُوَ دَغَ هَڧُواْرَنْسُ؞ دُكْ ڢِلِسْتِيَاوَنْ دَ سُكَ رَغُ ذَاسُ ذَمَ مُتَنٜىٰنْ اللَّهْ نْمُ؞ ذَاعَ مَيْدَسُو كَمَرْ وَنِ دَنْ‌غِ نَ يَهُودَ، ذَنْ كَرْٻِ عٜىٰكْرُوانْ كَمَرْ يَدَّ نَكَرْٻِ يٜىٰبُسِيَاوَا؞

⁸ نِے ذَنْكُمَ كٜىٰوَيٜىٰ ڧَسَاتَ، إِنْڟَرٜىٰتَ دَغَ سُواْجُواْجِ مَاسُ كَيْ دَ كَٰوُاْوَ، كَدَ مَاسُ دَنِّيَ سُوُثٜىٰ تَڧَسَرْ، غَمَا يَنْذُ عِدَنُونَ عَبُوطٜىٰ سُكٜىٰ عَكَنْ ڧَسَاتَ؞

سَرْكِے مَيْ ذُوَا

⁹ يَا ذُوثِيَاتَ سِهِيُواْنَ، يِڢَضٍ ثِكِ سُواْسَيْ!‏ يَا ذُوثِيَاتَ عُرُوشَلِيمَ، يِ إِيهُ دَ مُرْنَ!‏ غَا سَرْكِنْكُ نَنْ ذُوَا غَرٜىٰكُ!‏ مَيْ يِنْ أَدَلْثِے نٜىٰ شِ، مَيْ نَصَرَا كُمَ، مَيْ سَوْڧِنْ كَيْنٜىٰ؞ يَنَ تَڢِيَ عَكَنْ جَاكِ، عَكَنْ طَنْ جَاكِ نٜىٰ يَكٜىٰ تَڢِيَ؞

¹⁰ نِے يَهْوٜىٰهْ، ذَنْ كَوَرْدَ كٜىٰكُنَنْ دُواْكِنْ يَاڧِنْ إِسْرَٰٓءِيلَ، ذَنْ كُمَ كَوَرْدَ دَوَكِ دَغَ عُرُوشَلِيمَ؞ بَكَنْ يَاڧِ مَا ذَاعَ كَرْيَشِ؞ سَرْكِنْكُ ذَيْ كَٰوُاْ سَلَمَ غَ أَلْعُمَّيْ؞ مُلْكِنْسَ ذَيْ يَطُ دَغَ تٜىٰكُ ذُوَا تٜىٰكُ، دَغَ كُواْغِنْ يُڢِرٜىٰتِسْ حَرْ ذُوَا إِيَاكَرْ دُونِيَا؞

¹¹ عَمَّا كٜىٰ، سَبُواْدَ يَرْجٜىٰجٜىٰنِيَتَ دَكٜىٰ، يَرْجٜىٰجٜىٰنِيَرْ دَ عَكَ تَبَّتَرْ دَ جِنِ، ذَنْ كُٻُتَرْ دَكٜىٰ دَغَ ذَمَنْ بَوْتَا، طَوْرَرُّنْكَ دَغَ بَبَّنْ رَامِنَّنْ؞

ذَاعَ سَابُنْتَا إِسْرَٰٓءِيلَ

¹² كُو طَوْرَرُّ مَاسُ سَا ذُوثِيَا، كُكُواْمَ وُرِنْ ٻُيَنْكُ؞ يَوْ إِنَ شٜىٰلَ ثٜىٰوَ ذَنْ سَاكَ مُكُ حَرْ سَوْ بِيُ؞

¹³ ذَنْ لَنْڨُوسَ يَهُودَ كَمَرْ بَكَنَ، ذَنْ كُمَ مَيْدَ إِسْرَٰٓءِيلَ كِبِيَرْسَ؞ ذَنْ تَادَ یَیَ مَظَا نَ سِهِيُواْنَ كَمَرْ تَكُبَ، ذَاسُ ڢَاطَوَ یَیَ مَظَا نَ هٜىٰلَّسْ؞

¹⁴ يَهْوٜىٰهْ كُوَ ذَيْ بَيَّنَ عَبِسَنْسُ، كِبِيُواْيِنْسَ سُڢِتَ كَمَرْ وَلْڧِيَ؞ عُبَنْ‌غِجِ يَهْوٜىٰهْ ذَيْ بُوسَ ڧَهُواْ، ذَيْ كُمَ تَاكَ ثِكِنْ غُوغُوَ دَغَ كُدُ؞

¹⁵ يَهْوٜىٰهْ مَيْ ضُنْدُنَا ذَيْ ڟَرٜىٰسُ، ذَاسُ هَلَّكَ أَبُواْكَنْ غَابَا مَاسُ مَجَجَّوَ؞ ذَاسُيِ إِيهٌ نَصَرَا كَمَرْ مَاسُ بُغُوَ، ذَاسُثِكَ كَمَرْ ݣُونُوانْ جِنِنْ بِجِمِنْ هَدَايَ ذَاسُ جِڧُ كَمَرْ ݣُونَرْ بَغَدٜىٰنْ هَدَايَ؞

¹⁶ أَ رَانَرْ نَنْ يَهْوٜىٰهْ اللَّهْ نْسُ ذَيْثٜىٰثٜىٰسُ، سُو مُتَنٜىٰنْسَ نٜىٰ، غَرْكٜىٰنْسَ كُمَ؞ ذَاسُيِ وَلْڧِيَ عَڧَسَرْ كَمَرْ دُووَڟُنْ دَرَجَ أَجِكِنْ هُولَرْ مُلْكِ؞

¹⁷ إِنَا مِصَالِنْ ݣَنْسُ دَ بَنْ شَعَوَرْسُ!‏ سَمَارِ ذَاسُ يَلْوَتَ كَمَرْ حَڟِ، یَنْ مَاتَا كُمَ كَمَرْ سَابُوانْ ضُوً إِنَبِے؞