زَكَرِيَّا 7 - أَتَّوْرَتْ دَ أَنَّبَاوَا

تَمْبَيَ غَمٜىٰدَ أَظُمِ

﴿شٜىٰكَرَا 518 كَاڢِنْ حَيْڢُوَرْ عِيسَىٰ ﴾

¹ أَ رَانَ تَهُطُ غَ وَتَنْ تَرَ، وَتُواْ كِسْلٜىٰبْ، أَ شٜىٰكَرَا تَهُطُ تَمُلْكٍ سَرْكِے دَرِيُسْ، يَهْوٜىٰهْ يَايِ مَغَنَ دَ زَكَرِيَّا؞

² كَاڢِنْ لُواْكَثِنْ، مُتَنٜىٰنْ بٜىٰتٜىٰلْ سُنْ رِغَا سُنْ عَيْكَ شَرٜىٰظٜىٰرْ تَرٜىٰدَ رٜىٰغٜىٰمّٜىٰلٜىٰكْ دَ مُتَنٜىٰنْسُ سُضُواْڧِ أَلْحٜىٰرِ دَغَ يَهْوٜىٰهْ

³ سُكُمَ تَمْبَيِ ڢِرِسْتُواْثِنْ دَسُكٜىٰ عَثِكِنْ غِدَنْ يَهْوٜىٰهْ مَيْ ضُنْدُنَا، سُكُمَ تَمْبَيِ أَنَّبَاوَا سُثٜىٰ ‏«‏كُواْ ذَامُ نُونَ بَڧِنْ ثِكِ تَوُرِنْ يِنْ أَظُمِ أَوَتَ نَبِيَرْ كَمَرْ يَدَّ مُكَ سَابَايِ؟»‏

يَهْوٜىٰهْ يَڧِے أَظُمِنْ ڧَضْيَا

⁴ سَيْ يَهْوٜىٰهْ مَيْ ضُنْدُنَا يَيِ مَغَنَ دَنِے ثٜىٰوَ

⁵ إِنْ كَيْ وَ دُكَنْ مُتَنٜىٰنْ ڧَسَرْدَ ڢِرِسْتُواْثِے وَنَّنْ سَڧُواْ؞ يَثٜىٰ ‏«‏أَوَطَنَّنْ شٜىٰكَرُ سَبَعِنْ نَذَمَنْ بَوْتَرْكُ، أَغَنِنْكُ، نُونَ بَڧِنْ ثِكِ تَوُرِنْ أَظُمِ وَنْدَ كُكَيِ عَكُواْوَنٜىٰ وَتَنْ بِيَرْ دَ نَبَݣَويْ دَ غَسْكٜىٰ سَبُواْدَنِنٜىٰ كُكَيِ وَنَّنْ أَظُمِ؟

⁶ سَعَدَّ كُمَ كُكَثِ كُكَشَا، بَ سَبُواْدَ كَنْكُ بَنٜىٰ؟

⁷ بَ إِرِنْ وَنَّنْ سَڧُواْ نٜىٰ يَهْوٜىٰهْ يَسَنَرْ تَبَاكِنْ أَنَّبَاوَا نَدَا بَ؟ بَ إِرِنْ وَنَّنْ سَڧُواْ نٜىٰ عَكَ بَايَرْ أَ لُواْكَثِنْ دَ عُرُوشَلِيمَ دَ غَرُرُوَنْتَ دَسُكٜىٰ كٜىٰوَيٜىٰ دَ عِتَ سُنَ ثِكٜىٰ دَ مُتَنٜىٰ دَ أَرْزِڧِ، كُمَ يَنْكِنْ نٜىٰغٜىٰبْ عَكُدُ دَ يَنْكِنْ ڧأَنَانً تُدَّيْ، سُو مَا سُنَ ثِكٜىٰ دَ مُتَنٜىٰبَ؟»‏

دَلِيلِنْ دَ عَكَ كَيْ إِسْرَٰٓءِيلَاوَا ذُوَا ڧَسَرْ بَوْتَا

⁸ يَهْوٜىٰهْ يَا سَاكٜىٰيِنْ مَغَنَ دَ زَكَرِيَّا ثٜىٰوَ

⁹ ‏«‏إِنْجِ يَهْوٜىٰهْ مَيْ ضُنْدُنَا، ‏‹‏كُيِ شَرِيعَرْ غَسْكِيَ، كُنُونَ أَلْحٜىٰرِ دَ تَوْسَيِ غَ جُونَنْكُ؞

¹⁰ كَدَ كُدَنّٜىٰ مَاتَانْدَ مَذَنْسُ سُكَ مُتُ، كُواْ مَرَايُ، كُواْ وَطَنْدَ بَ یَنْ ڧَسَابَ، كُواْ مَتَلَوْتَ؞ كَدَ وَنِنْكُ يَشِرْيَ وَطَنْعُوَنْسَ مُغُنْتَا أَ ذُوثِيَا؞›‏

¹¹ ‏«‏عَمَّا كَاكَنِّنْكُ سُنْڧِے سُجِ وَنَّنْ سَڧُواْ؞ سُكَيِ كُنّٜىٰنْ ڧَشِ، سُكَ تُواْشٜىٰ كُنُّوَنْسُ دَ يَڟُ دُواْمِنْ كَدَ سُجِ؞

¹² سُكَ مَيْدَ ذُوثِيَارْسُ كَمَرْ دُوڟٜىٰ، دُواْمِنْ كَدَ سُجِ كُواْيَرْوَرْ مُوسَٰى دَ مَغَنَرْ دَ يَهْوٜىٰهْ مَيْ ضُنْدُنَا يَعَيْكَ تَوُرِنْ رُوحُنْسَ تَبَاكِنْ أَنَّبَاوَنْ دَا؞ دَلِيلِنْدَ يَسَا يَهْوٜىٰهْ مَيْ ضُنْدُنَا يَيِ ڢُشِے دَسُو سُواْسَيْ كٜىٰنَنْ؞

¹³ ‏«‏دَيَكٜىٰ سُنْڧِے سُجِنِ أَ سَعَدَّ نَكِرَاسُ، حَكَمَا سَعَدَّ سُنْيِ كِرَا، نِے مَا نَا ڧِ إِنْجِيسُ، ‏‹‏إِنْجِ يَهْوٜىٰهْ مَيْ ضُنْدُنَا؞›‏

¹⁴ نَا وَرْوَڟَاسُ دَ غُوغُوَ ذُوَا ثِكِنْ أَلْعُمَّنْدَ دَا سُو بَسُ سَنْسُبَ؞ سَبُواْدَ حَكَ سَيْ ڧَسَرْسُ تَذَمَ كُڢَيْ، بَا مَيْ كَيْ دَ كَٰوُاْوَ عَثِكِنْتَ؞ تَهَكَ سُكَ مَيْدَ ڧَسَا مَيْ دَاطِے تَذَمَ كُڢَيْ؞»‏