زَكَرِيَّا 6 - أَتَّوْرَتْ دَ أَنَّبَاوَا

رُعُيَ تَتَݣُوسْ:‏ كٜىٰكُنَنْ دُواْكِنْ يَاڧِ غُدَا حُطُ

¹ نَا سَاكٜىٰ طَغَ عِدَنُونَ سَيْ نَغَ كٜىٰكُنَنْ دُواْكِنْ يَاڧِ غُدَا حُطُ سُنَ ڢِتُواْوَ دَغَ ڟَكَانِنْ مَنْيَنْ تُدَّيْ بِيُ؞ تُدَّنَّنْ كُوَ نَڧَرْڢٜىٰنْ تَغُلَّنٜىٰ؞

² كٜىٰكٜىٰنْ دُواْكِ نَڢَرْكُوانْ، جَجَّيٜىٰنْ دَوَكِنٜىٰ سُكٜىٰ جَنْسَ؞ كٜىٰكٜىٰنْ دُواْكِ نَبِيُنْ كُمَ، بَڧَڧٜىٰنْ دَوَكِنٜىٰ سُكٜىٰ جَنْسَ؞

³ كٜىٰكٜىٰنْ دُواْكِ نَعُكُنْ، ڢَرَرٜىٰنْ دَوَكِنٜىٰ سُكٜىٰ جَنْسَ؞ كٜىٰكٜىٰنْ دُواْكِ نَهُطُنْ كُوَ دَوَكِنْ دَسُكٜىٰ جَنْسَ كَلَرْسُ ضُوً تُواْكَنٜىٰ دَ طِغُواْ طِغُواْ؞

⁴ سَعَنً نَتَمْبَيِ مَلاَىِٕكَنْ دَيَكٜىٰ مَغَنَ دَنِے نَثٜىٰ ‏«‏يَا مَيْغِرْمَ، مٜىٰنٜىٰنٜىٰ مَعَنَرْ وَطَنَّنْ؟»‏

⁵ مَلاَىِٕكَنْ يَأَمْسَ يَثٜىٰمِنِ ‏«‏وَطَنَّنْ نٜىٰ رُوحُواْحِ حُطُ دَغَ ڢُسْكُواْكِ حُطُ نَسَمَ وَطَنْدَ سُكٜىٰ ڟَيَاوَا أَغَبَنْ عُبَنْ‌غِجِنْ دُكَنْ دُونِيَا؞ يَنْذُ ذَاسُ ڢِتَ سُيِ مَسَ عَيْكِنٜىٰ؞

⁶ كٜىٰكٜىٰنْ دُواْكِ مَيْ بَڧَڧٜىٰنْ دَوَكِ ذَيْ تَڢِے تَيَنْكِنْ أَرٜىٰوَ، مَيْ ڢَرَرٜىٰنْ دَوَكِ ذَيْ تَڢِے تَيَنْكِنْ يَمَّ، سَعَنً مَيْ دَوَكِنْ كَلَرْ ضُوً تُواْكَ دَ طِغُواْ طِغُواْ ذَيْ تَڢِے تَيَنْكِنْ كُدُ؞»‏

⁷ وَطَنَّنْ دَوَكِ مَاسُ ڧَرْڢِے سُكَ ڢِتُواْ سُنَ مَرْمَرِ سُتَڢِے دُواْمِنْ سُيِ تَكَيْوَ دَ كَٰوُاْوَ سُيِ سِنْتِرِ كُواْعِنَ عَثِكِنْ دُونِيَا؞ سَيْ مَلاَىِٕكَنْ يَثٜىٰ مُسُ ‏«‏كُتَڢِے كُيِ تَكَيْوَ دَ كَٰوُاْوَ كُنَ يِنْ سِنْتِرِ كُواْعِنَ عَثِكِنْ دُونِيَا؞»‏ سُكَ كُوَ تَڢِے سُكَيِ حَكَ؞

⁸ سَيْ مَلاَىِٕكَنْ يَتَادَ مُرْيَ يَكِرَا نِے يَثٜىٰ ‏«‏دُوبَ، وَطَنْدَ سُكَ تَڢِے يَنْكِنْ أَرٜىٰوَ سُنْ سَا ڢُشِنْ يَهْوٜىٰهْ يَا ݣُونْتَ؞»‏

عَلَمَرْ كٜىٰٻٜىٰوَرْ يُواْشُوَ

⁹ سَيْ يَهْوٜىٰهْ يَيِ مَغَنَ دَنِے ثٜىٰوَ

¹⁰ ‏«‏كَيْ دَ كَنْكَ كَتَڢِے غِدَنْ يُواْسِيَا طَنْ زَڢَنِيَ يَوْ طِنَّنْ؞ أَوُرِنْ ذَاكَ كَرْٻِ ݣَوْتَادَغَ حَنُّنْ هٜىٰلْدَيْ دَ تُواْبِيَ دَ يٜىٰدَيَ وَطَنْدَ سُكَ إِسُواْ دَغَ بَوْتَا عَڧَسَرْ بَابِيلَ؞

¹¹ وَنَّنْ ݣَوْتَرْ أَظُرْڢَا دَ ظِينَارِيَ وَدَّ سُكَ كَٰوُاْ، كَطَوْكَ كَيِ هُولَرْ مُلْكِ دَ عِتَ، سَعَنً كَسَا عَكَنْ بَبَّنْ ڢِرِسْتِ يُواْشُوَ طَنْ يٜىٰهُواْظَدَكْ؞

¹² كَڢَطَا مَسَ أَبِنْدَ يَهْوٜىٰهْ مَيْ ضُنْدُنَا يَثٜىٰ؞ ‏‹‏غَا مُتُمِنْ دَ عَكٜىٰثٜىٰ دَشِ رٜىٰشٜىٰ!‏ دَغَ عِنْدَ يَكٜىٰ ڟِرُواْوَ ذَيْ يَطُ، يَتَڢِے يَغِنَ هَيْكَلِنْ يَهْوٜىٰهْ؞

¹³ شِينٜىٰ ذَيْ غِنَا هَيْكَلِنْ يَهْوٜىٰهْ يَكُمَ كَسَنْثٜىٰ دَ طَوْكَكَ؞ ذَيْ كُوَ ذَوْنَ يَيِ مُلْكِ عَكُجٜىٰرَرْ مُلْكِنْسَ، يَكُمَ كَسَنْثٜىٰ ڢِرِسْتِ عَكُجٜىٰرَرْ مُلْكِنْسَ؞ كُواْمٜىٰ كُوَ ذَيْ كَسَنْثٜىٰ ثِكِنْ سَلَمَ؞

¹⁴ وَنَّنْ هُولَرْ مُلْكِ ذَيْ كَسَنْثٜىٰ أَ هَيْكَلِنْ يَهْوٜىٰهْ دُواْمِنْ يَذَمَ أَبِنْ تُنَاوَا دَ هٜىٰلْدَيْ، تُواْبِيَ، يٜىٰدَيَ دَ كُمَ يُواْسِيَا طَنْ زَڢَنِيَ؞›‏

¹⁵ ‏«‏مُتَنٜىٰ دَغَ نٜىٰسَ ذَاسُذُواْ سُغِنَ هَيْكَلِنْ يَهْوٜىٰهْ؞ تَهَكَنٜىٰ ذَاكُ سَنِ ثٜىٰوَ يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ غَرٜىٰكُ؞ دُكَنْ وَنَّنْ ذَيْثِكَ عِدَنْ كُنْيِ بِيَيَّ سُواْسَيْ دَ مُرْيَرْ يَهْوٜىٰهْ اللَّهْ نْكُ؞»‏