زَكَرِيَّا 5 - أَتَّوْرَتْ دَ أَنَّبَاوَا

رُعُيَ تَشِدَ:‏ بُوطَطّٜىٰنْ لِتَّڢِ مَيْ تَڢِيَ أَ سَمَ

¹ سَيْ نَسَاكٜىٰ طَغَ عِدَنُونَ نَغَ وَنِ بُوطَطّٜىٰنْ لِتَّڢِ يَنَ تَڢِيَ أَ سَمَ؞

² سَيْ يَثٜىٰ مِنِ ‏«‏مٜىٰ كَغَنِ؟»‏ نَأَمْسَ نَثٜىٰ ‏«‏نَغَ بُوطَطّٜىٰنْ لِتَّڢِ يَنَ تَڢِيَ أَ سَمَ؞ ڟَوُانْ لِتَّڢِنْ ڧَڢَا تَلَاتِنْ نٜىٰ، ڢَاطِنْسَ كُمَ ڧَڢَا غُواْمَشَا بِيَرْ؞»‏

³ سَيْ يَثٜىٰ مِنِ ‏«‏وَنَّنْ لِتَّڢِ يَنَ ڧُنْشٜىٰ دَ لَعَنَرْ دَتَكٜىٰ يَطُوَ كُواْعِنَ أَ ڢَاطِنْ ڧَسَرْ؞ رُبُوتُو نَغٜىٰڢٜىٰ طَيَ نَلِتَّڢِنْ يَنَ ثٜىٰوَ دُكْ وَنْدَ يَكٜىٰ سَاتَا، ذَاعَ كَوَرْ دَشِ؞ رُبُوتُو نَطَيَنْ غٜىٰڢٜىٰنْ لِتَّڢِنْ كُمَ يَنَ ثٜىٰوَ دُكْ وَنْدَ يَيِ ضَنْڟُوَارْ ڧَضْيَا، شِے مَا ذَاعَ كَوَرْ دَشِ؞

⁴ يَهْوٜىٰهْ مَيْ ضُنْدُنَا يَثٜىٰ، ‏‹‏ذَنْ عَيْكَرْ دَ لَعَنَرْ تَشِغَ غِدَنْ مَيْسَاتَادَ غِدَنْ مَيْ ضَنْڟُوَارْ ڧَضْيَا دَ سُونَنَ؞ لَعَنَرْ ذَاتَ كَسَنْثٜىٰ ثِكِنْ غِدَنَّنْ، تَثِنْيٜىٰشِ دَ كَتَكَنْ غِدَنْ دَ دُووَڟُنْ غِنِنْ غِدَنْ؞›‏ »‏

رُعُيَ تَبَݣَويْ:‏ مَثٜىٰ ثِكِنْ ݣُونْدُواْ

⁵ سَعَنً مَلاَىِٕكَنْ دَ يَيِ مَغَنَ دَنِے يَڢِتُواْ يَثٜىٰ مِنِ ‏«‏طَغَ عِدَنُونْكَ ڢَا، كَدُوبِے أَبِنَّنْ دَيَكٜىٰ ڢِتُواْوَ!‏»‏

⁶ سَيْ نَيِ تَمْبَيَ نَثٜىٰ ‏«‏شِنْ!‏ مٜىٰنٜىٰنٜىٰ وَنَّنْ؟»‏ سَيْ يَأَمْسَ ‏«‏وَنِ ݣُونْدُوانْ أَوُاْ نٜىٰ يَكٜىٰ ڢِتُواْوَ، يَنَ كُمَ ثِكٜىٰ دَ مُغُنْتَا تَدُكَنْ ڧَسَرْ؞»‏

⁷ دَ عَكَ بُوطٜىٰ مُرْڢِنْ دَرْمَ نَݣُونْدُوانْ، سَيْغَا مَثٜىٰ تَنَ ظَوْنٜىٰ عَثِكِ!‏

⁸ سَيْ يَثٜىٰ ‏«‏وَنَّنْ عَلَمَرْ مُغُنْتَا ثٜىٰ؞»‏ سَعَنً يَتُورَ تَثِكِنْ ݣُونْدُوانْ، يَرُڢٜىٰ بَاكِنْ ݣُونْدُوانْ دَ مُرْڢِنْ دَرْمَ يَدَنّٜىٰشِ دَ دُوڟٜىٰ؞

⁹ نَسَاكٜىٰ طَغَ عِدَنُونَ، سَيْ نَغَ مَاتَا بِيُ سُنَ ذُوَا؞ إِسْكَ كُوَ تَنَ هُورَ ڢِكَڢِكَنْسُ، غَمَا سُنَدَ ڢِكَڢِكَيْ كَمَرْ نَشَمُوَ؞ سَيْ مَتَنْ سُكَ طَغَ ݣُونْدُوانْ سَمَ؞

¹⁰ سَيْ نَتَمْبَيِ مَلاَىِٕكَنْ دَيَكٜىٰ مَغَنَ دَنِے نَاثٜىٰ ‏«‏إِنَا ذَاسُ طَوْكِ ݣُونْدُواْ دُواْمِنْ سُكَيْ؟»‏

¹¹ يَأَمْسَ مِنِ يَثٜىٰ ‏«‏ذَاسُ تَڢِے دَشِ بَابِيلَ دُواْمِنْ سُغِنَ مَسَ غِدَا؞ سَعَدَّ سُكَ غَمَ غِنِنْ ذَاسُ أَجِيٜىٰ ݣُونْدُوانْ أَغَبَنْ بَغَدٜىٰنْتَ؞»‏