زَكَرِيَّا 4 - أَتَّوْرَتْ دَ أَنَّبَاوَا

رُعُيَ تَبِيَرْ:‏ سَنْدَا مَيْ رِڧٜىٰ ڢِتِلُ دَ عِتَتُوَنْ ظَيْتُنْ

¹ مَلاَىِٕكَنْ دَ يَيِ مَغَنَ دَنِے يَدَاوُاْ يَتَاشٜىٰنِ، نَيِ كَمَرْ وَنْدَ عَكَ تَاشٜىٰشِ دَغَ بَرْثِ؞

² يَتَمْبَيٜىٰنِ يَثٜىٰ ‏«‏مٜىٰكَغَنِ؟»‏ نَا أَمْسَ نَثٜىٰ ‏«‏نَاغَا وَنِ سَنْدَنْ ظِينَارِيَ مَيْ رِڧٜىٰ ڢِتِلَ، يَنَدَ ݣُونُوانْ مَيْ عَكَنْسَ؞ كٜىٰوَيٜىٰ دَ غٜىٰڢٜىٰنْ ݣُونُوانْ، أَݣَويْ بَكُنَنْ ڢِتِلُ بَݣَويْ، كُواْوَنٜىٰ بَاكِ يَنَدَ لَڠُونِ بَݣَويْ؞

³ أَغٜىٰڢٜىٰنْ سَنْدَا مَيْ رِڧٜىٰ ڢِتِلُنْ، أَݣَويْ عِتَتُوَنْ ظَيْتُنْ بِيُ، طَيَ أَغٜىٰڢٜىٰنْ دَامَ، طَيَ أَغٜىٰڢٜىٰنْ هَغُ؞»‏

⁴ سَيْ نَتَمْبَيِ مَلاَىِٕكَنْ دَ يَيِ مَغَنَ دَنِے نَثٜىٰ ‏«‏يَا مَيْغِرْمَ، مٜىٰنٜىٰنٜىٰ مَعَنَرْ وَطَنَّنْ؟»‏

⁵ يَأَمْسَ يَثٜىٰ ‏«‏بَكَ سَنْ كُواْ مٜىٰنٜىٰنٜىٰ وَطَنَّنْبَ؟»‏ نَأَمْسَ ‏«‏أَعَ، يَا مَيْغِرْمَ؞»‏

⁶ سَيْ يَثٜىٰ مِنِ ‏«‏غَا مَغَنَرْ يَهْوٜىٰهْ ذُوَاغَ ظٜىٰرُبَّبٜىٰلْ، ‏‹‏بَتَوُرِنْ ڧَرْڢِبَ، بَتَوُرِنْ إِيكُواْ بَ، عَمَّا تَوُرِنْ رُوحُنَ نٜىٰ،›‏ إِنْجِ يَهْوٜىٰهْ مَيْ ضُنْدُنَا؞

⁷ ‏‹‏بَابُ كُواْمٜىٰ، بَابُ بَبَّنْ تُدُنْ دَ ذَيْ عِيَ تَرٜىٰوَ ظٜىٰرُبَّبٜىٰلْ حَنْيَ؞ ذَاعَكَوَرْ دَشِ أَعِدُوانْ ظٜىٰرُبَّبٜىٰلْ!‏ سَعَنً ظٜىٰرُبَّبٜىٰلْ ذَيْسَا دُوڟٜىٰنْ ڧَرْشٜىٰ نَغِنِنْ غِدَنْ يَهْوٜىٰهْ يَايِنْ دَ مُتَنٜىٰ سُنَ تَادَ مُرْيَ سُنَ ثٜىٰوَ ‏«‏اللَّهْ يَسَا أَلْبَرْكَ!‏ اللَّهْ يَسَا أَلْبَرْكَ!‏»‏ ›‏ »‏

⁸ سَعَنً يَهْوٜىٰهْ يَايِ مَغَنَ دَنِے ثٜىٰوَ

⁹ ‏«‏حَنُّوَنْ ظٜىٰرُبَّبٜىٰلْ نٜىٰ سُنْ كَڢَ تُوشٜىٰنْ وَنَّنْ غِدَا، حَنُّوَنْسَ نٜىٰ كُمَ ذَاسُ كَمَّلَ غِنِنْ وَنَّنْ غِدَا؞ تَهَكَنٜىٰ ذَاكُ سَنِ ثٜىٰوَ يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ غَرٜىٰكُ؞

¹⁰ غَمَا وَنٜىٰنٜىٰ مَيْ رٜىٰنِنْ رَانَرْ طَوْكَرْ ڧأَنَانً مَتَاكَنْ غِنِنَّنْ؟ وَنَّنْ مُتُمْ شِينٜىٰ ذَيْ يِڢَضٍ ثِكِ سَعَدَّ يَغَ إِغِيَرْ أَوُانْ كَمَّلَوَرْ غِنِنْ أَ حَنُّنْ ظٜىٰرُبَّبٜىٰلْ؞ ‏«‏غَمٜىٰ دَ وَطَنَّنْ ڢِتِلُ بَݣَويْ، سُونٜىٰ عَلَمَرْ إِدَانُنْ يَهْوٜىٰهْ وَطَنْدَ سُكٜىٰ كَيْ دَ كَٰوُاْوَ عَثِكِنْ دُكَنْ دُونِيَا؞»‏

¹¹ سَعَنً نَتَمْبَيِ مَلاَىِٕكَنْ نَثٜىٰ ‏«‏مٜىٰنٜىٰنٜىٰ مَعَنَرْ عِتَتُوَنْ ظَيْتُنَّنْ بِيُ أَغٜىٰڢٜىٰنْ دَامَ دَ غٜىٰڢٜىٰنْ هَغُ نَسَنْدَ مَيْ رِڧٜىٰ ڢِتِلُنْ؟

¹² مٜىٰنٜىٰنٜىٰ كُمَ مَعَنَرْ رَسَّ بِيُنَّنْ نَظَيْتُنْ مَاسُ بَادَ مَيْ عَثِكِنْ بُتُوتُنْ ظِينَارِيَ بِيُ؟»‏

¹³ سَيْ يَأَمْسَ يَثٜىٰ ‏«‏بَكَ سَنِبَ؟»‏ نَأَمْسَ ‏«‏أَعَ، يَا مَيْغِرْمَ؞»‏

¹⁴ سَيْ يَثٜىٰ مِنِ ‏«‏وَطَنَّنْ رَسَّ سُونٜىٰ عَلَمَرْ مُتَنٜىٰ بِيُ وَطَنْدَ عَكَ كٜىٰٻٜىٰ سُنَيِ وَ عُبَنْ‌غِجِنْ دُكَنْ دُونِيَا حِدِمَ؞»‏