زَكَرِيَّا 2 - أَتَّوْرَتْ دَ أَنَّبَاوَا

رُعُيَ تَ عُكُ:‏ مُتُمِنْ دَ يَكٜىٰدَ إِغِيَرْ أَوُاْ

¹ سَعَدَّ نَطَغَ عِدَنُونَ، نَدُوبَ سَيْ نَغَ وَنِ مُتُمْ يَنَ رِڧٜىٰ دَ إِغِيَرْ أَوُاْ؞

² سَيْ نَثٜىٰمَسَ ‏«‏إِنَا نٜىٰ ذَاكَ؟»‏ سَيْ يَأَمْسَ مِنِ يَثٜىٰ ‏«‏ذَنْ جٜىٰ إِنْ عَوْنَ عُرُوشَلِيمَ، دُواْمِنْ إِنْ‌غَا كُواْ مٜىٰنٜىٰنٜىٰ ڢَاطِنْتَ دَ ڟَوُانْتَ؞»‏

³ سَيْغَاشِ مَلاَىِٕكَنْ دَ يَيِ مَغَنَ دَنِے يَڢِتَ؞ وَنِ مَلاَىِٕكَنْ كُمَ يَنَ ذُوَا دُواْمِنْ يَسَدُ دَشِ؞

⁴ سَيْ مَلاَىِٕكَنْ يَثٜىٰ وَمَلاَىِٕكَنْ دَ نَكٜىٰ تَرٜىٰ دَشِ ‏«‏يِغُدُ كَيِ مَغَنَ دَ سَوْرَيِنْ ثَنْ، كَثٜىٰ مَسَ، ‏‹‏ذَاعَ ثِكَ عُرُوشَلِيمَ مَڧِلْ!‏ حَرْ ذَاعَ كَاسَ غِنَا كَتَنْ‌غَرْ بِرْنِ سَبُواْدَ يَوَنْ مُتَنٜىٰ دَ يَوَنْ دَبُّواْبِنْ غِدَا وَطَنْدَ سُكٜىٰ عَثِكِ؞

⁵ غَمَا إِنْجِ يَهْوٜىٰهْ، ذَنْ ذَمَ كَتَنْ‌غَرْ وُتَا كٜىٰوَيٜىٰ دَ عِتَ، كُمَ ذَنْيِ ذَمَنَ أَڟَكِيَرْ بِرْنِنْ دَ دُكَنْ طَوْكَكَتَ؞›‏ »‏

أَنْكِرَا مَاسُ ذَمَنْ بَوْتَا سُكُواْمُواْ غِدَا

⁶ يَهْوٜىٰهْ يَا يِشٜىٰلَ ثٜىٰوَ ‏«‏كُڢِتُواْ!‏ كُڢِتُواْ!‏ كُغُدُ دَغَ ڧَسَاشٜىٰنْ أَرٜىٰوَ!‏ غَمَا نَا وَرْوَڟَكُ كُواْعِنَ عَ إِسْكُواْكِ حُطُ نَڢُسْكُواْكِ حُطُ نَسَمَ؞

⁷ ڢِتُواْ، يَا كُو مُتَنٜىٰنْ سِهِيُواْنَ!‏ كُغُدُ، كُو دَ كُكٜىٰ عَبِرْنِنْ بَابِيلَ!‏»‏

⁸ ‏«‏غَمَا،»‏ إِنْجِ يَهْوٜىٰهْ مَيْ ضُنْدُنَا، شِ مَيْ طَوْكَكَ نٜىٰ وَنْدَ يَعَيْكٜىٰنِ، ‏«‏غَا سَڧُواْنَ ذُوَاغَ أَلْعُمَّيْ، وَطَنْدَ سُكَ ڨُوثٜىٰ كَايَنْكُ؞ ‏‹‏دُكْ وَنْدَ يَتَٻَ مُتَنٜىٰنَ يَتَٻَ ڨُويَرْ عِدُواْنَنٜىٰ؞

⁹ بَاشَكَّ ذَنْ تَادَ هَنُّونَ إِنْ رُشٜىٰكُ!‏ بَايِنْكُ ذَاسُ ڨُوثٜىٰ كَايَنْكُ؞›‏ تَهَكَنٜىٰ ذَاكُ سَنِ ثٜىٰوَ يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ؞»‏

¹⁰ يَهْوٜىٰهْ يَا يِشٜىٰلَ ثٜىٰوَ ‏«‏كِيِ وَاڧَا دَ ڢَضٍ ثِكِ، يَا كٜىٰ ذُوثِيَاتَ عُرُوشَلِيمَ!‏ غَمَا إِنَانَنْ ذُوَا إِنْ ذَوْنَ أَڟَكِيَرْكِ،»‏ إِنْجِ يَهْوٜىٰهْ؞

¹¹ ‏«‏أَ رَانَرْ نَنْ أَلْعُمَّيْ دَيَوَ ذَاسُذُواْ وُرِينَ، ذَاسُ كُوَ ذَمَ مُتَنٜىٰنَ؞ نِے يَهْوٜىٰهْ ذَنْ ذَوْنَ أَڟَكِيَرْكُ؞ تَهَكَنٜىٰ ذَاكُ سَنِ ثٜىٰوَ يَهْوٜىٰهْ مَيْ ضُنْدُنَا نٜىٰ يَعَيْكٜىٰنِ غَرٜىٰكُ؞

¹² يَهْوٜىٰهْ ذَيْ مَلَّكِ يَهُودَ، مُتَنٜىٰنْ غَادُوانْسَ عَڧَسَا مَيْ ڟَرْكِے، ذَيْسَاكٜىٰ ذَاٻٜىٰنْ بِرْنِنْ عُرُوشَلِيمَ تَذَمَ وُرِنْ ذَمَنْسَ؞

¹³ كُيِ شِضُ أَغَبَنْ يَهْوٜىٰهْ، يَا كُو دُكَنْ حَلِتُّو!‏ غَمَا يَنَ تَاسُواْوَ دَغَ وُرِنْ ذَمَنْسَ مَيْ ڟَرْكِے!‏»‏