زَكَرِيَّا 13 - أَتَّوْرَتْ دَ أَنَّبَاوَا

¹ ‏«‏أَ رَانَرْ نَنْ ذَاعَ بُوطٜىٰ مَٻُٻُّغَرْ ضُوَ دُواْمِنْ أَوَنْكٜىٰ ذُنُبَيْ دَ ڧَظَنْتَرْ ذُرِيَرْ دَاوُدَ دَ مَذَوْنَنْ عُرُوشَلِيمَ؞»‏

ذَاعَكَوَرْ دَ أَلُّواْلِنْ ڧَضْيَا دَ أَنَّبَاوَنْ ڧَضْيَا

² إِنْجِ يَهْوٜىٰهْ مَيْ ضُنْدُنَا ‏«‏أَ رَانَرْ نَنْ ذَنْ كَوَرْدَ سُونَيٜىٰنْ غُمَكَ دَغَ ڧَسَرْ، حَرْ دَ بَذَاعَ ڧَارَ تُنَاوَا دَسُو بَ؞ ذَنْ كُمَ كَوَرْدَ أَنَّبَاوَنْ ڧَضْيَا دَ ڧَظَامِنْ رُوحُ دَغَ ڧَسَرْ؞

³ عِدَنْ حَرْ يَكَسَنْثٜىٰ وَنِ يَثِيغَبَدَ يِنْ أَنَّبْثِ، سَيْ بَابَنْسَ كُواْ مَامَرْسَ دَ سُكَ حَيْڢٜىٰشِ سُثٜىٰ مَسَ، ‏‹‏بَذَاكَ رَايُ بَ، غَمَا كَنَ ڢَطِنْ ڧَضْيَا دَ سُونَنْ يَهْوٜىٰهْ؞›‏ سَعَنً بَابَنْسَ دَ مَامَرْسَ سُسُواْكٜىٰشِ سَعَدَّ يَكٜىٰ أَنَّبْثِنْ؞

⁴ ‏«‏أَ رَانَرْ نَنْ كُواْوَنٜىٰ أَنَّبِے ذَيْجِے كُنْيَرْ رُعُيَرْ أَنَّبْثِنْسَ؞ بَذَيْ عِيَسَا رِغَرْ ڢَتَ مَيْ غَاشِ إِرِ تَأَنَّبَوَ دُواْمِنْ سُرُوطِ مُتَنٜىٰبَ؞

⁵ عَمَّا ذَيْثٜىٰ، ‏‹‏نِے ڢَا بَ أَنَّبِے بَنٜىٰ، نِے مَنُواْمِنٜىٰ؞ أَيْ، تُنْ إِنَ طَنْ يَرُواْ، إِنَنُواْمَ؞›‏

⁶ عِدَنْ وَنِ يَثٜىٰ مَسَ، ‏‹‏تُواْ، مٜىٰنٜىٰنٜىٰ دَلِيلِنْ رَوْنُكَنَّنْ عَڧِرْجِنْكَ؟›‏ ذَيْ أَمْسَ يَثٜىٰ، ‏‹‏سُونٜىٰ رَوْنُكَنْدَ نَسَامُ أَغِدَنْ أَبُواْكَيْنَ؞›‏ »‏

أَنْ كَشٜىٰ مَكِيَايِ أَنْ وَاڟَرْ دَ تُمَكِ

⁷ إِنْجِ يَهْوٜىٰهْ مَيْ ضُنْدُنَا، ‏«‏يَا تَكُواْبِے، ڢَرْكَ، يِڢَطَ دَ مَكِيَايِنَ، يَاڧِ مُتُمِنْ دَيَكٜىٰ أَبُواْكِينَ؞ بُغِ مَكِيَايِنْ تُمَكِ، تُمَكِنْ كُوَ ذَاسُ وَرْوَڟٜىٰ؞ ذَنْ بُغِ ڧأَنَانً تُمَكِ؞»‏

⁸ إِنْجِ يَهْوٜىٰهْ، ‏«‏أَ دُكَنْ ڧَسَرْ ثِكِنْ مُتَنٜىٰ عُكُ، ذَاعَ بُغِ بِيُ، ثِكِنْ مُتَنٜىٰ عُكُ، ذَاعَ بَرْ طَيَ دَ رَيْ؞

⁹ طَيَ ثِكِنْ عُكُنْ، ذَنْ ڠُودَ دَ وُتَا، ذَنْ تَاثٜىٰسُ كَمَرْ يَدَّ عَكٜىٰيِ وَ أَظُرْڢَا، ذَنْ ڠُودَاسُ كَمَرْ يَدَّ عَكٜىٰيِ وَظِينَارِيَ؞ ذَاسُ كِرَا غَ سُونَنَ، ذَنْ كُوَ أَمْسَمُسُ؞ ذَنْثٜىٰ، ‏‹‏وَطَنَّنْ مُتَنٜىٰنَنٜىٰ؞›‏ كُواْوَنّٜىٰنْسُ كُوَ ذَيْ أَمْسَ، ‏‹‏يَهْوٜىٰهْ اللَّهْ نَا نٜىٰ؞›‏ »‏