زَكَرِيَّا 10 - أَتَّوْرَتْ دَ أَنَّبَاوَا

يَهْوٜىٰهْ ذَيْ سَابُنْتَا يَهُودَ دَ إِسْرَٰٓءِيلَ

¹ كُضُواْڧِ ضُوً سَمَ دَغَ يَهْوٜىٰهْ أَ لُواْكَثِنْ دَامِنَ، دَغَ يَهْوٜىٰهْ وَنْدَ يَكٜىٰيِنْ غِرْغِجٜىٰنْ ضُوَ، وَنْدَ يَكٜىٰ بَادَ ضُوً سَمَ غَ مُتَنٜىٰ، دَ كُمَ ڟِرٜىٰ ڟِرٜىٰ غَ كُواْوَنٜىٰ مُتُمْ؞

² مُتَنٜىٰ سُنَ بِنْ غُمَكَ مَاسُ مَغَنْ‌غَنُنْ بَنْظَ، سُنَ تَمْبَيَرْ بُواْكَيٜىٰ مَاسُ غَنِنْ رُعُيُواْيِنْ ڧَضْيَا، سُنَ بِنْ مَاسُ دُوبَا مَاسُ مَڢَرْكَنْ ڧَضْيَا؞ دُواْمِنْ حَكَ مُتَنٜىٰ سُنَ يَٰوُاْ بَرْكَتَيْ كَمَرْ أَوَكِ، سُنَ شَنْ وَهَلَ سَبُواْدَ بَ مَكِيَايِنْسُ؞

³ ڢُشِنَ يَنَ ڧُونَ عَكَنْ مَكِيَايَنْ، ذَنْ كُوَ حُكُنْتَ شُوغَبَنِّنْ؞ أَيْ، نِے يَهْوٜىٰهْ مَيْ ضُنْدُنَا نَظِيَرْثِ جَمَعَتَ، نَظِيَرْثِ غِدَنْ يَهُودَ؞ ذَنْ مَيْدَ غَرْكٜىٰنْ تُمَكِينَ دَوَكِنْ يَاڧِنَ مَاسُ ڧَرْڢِے؞

⁴ دَغَ ثِكِنْ مُتَنٜىٰنْ يَهُودَ، ذَاعَ سَامِ دُوڟٜىٰنَّنْ مَڢِے أَمْڢَانِ أَغِنِ، ذَاعَ سَامِ ڧُوسَرْ كَڢَ تٜىٰنْتِ؞ دَغَ ثِكِنْسُ ذَاعَ سَامِ بَكَنْ يَاڧِ، ذَاعَ سَامِ كُواْوَنٜىٰ شُوغَبَنْ يَاڧِ؞

⁵ مُتَنٜىٰنْ يَهُودَ ذَاسُ ذَمَ كَمَرْ مَاسُ عِيَ يَاڧِ ذَاسُ تَتَّاكَ أَبُواْكَنْ غَابَنْسُ عَتَٻُوانْ تِيتُنَ؞ ذَاسُ كُوَيِ يَاڧِ غَمَا نِے يَهْوٜىٰهْ إِنَ تَرٜىٰدَسُو؞ ذَاسُ كُنْيَتَرْدَ سُواْجُواْجِ مَاسُ هَوَنْ دَوَكِ؞

⁶ ذَنْ ڧَرْڢَڢَ غِدَنْ يَهُودَ، إِنْكُمَ ثٜىٰثِ غِدَنْ يُوسُڢَ؞ ذَنْ دَاوُاْ دَسُو سَبُواْدَ إِنَ جِنْ تَوْسَيِنْسُ؞ ذَاسُ كَسَنْثٜىٰ كَمَرْ بَنْ تَٻَ كَوَرْ دَسُوبَ؞ غَمَا نِنٜىٰ يَهْوٜىٰهْ اللَّهْ نْسُ، ذَنْ كُمَجِ أَدُّعَرْسُ؞

⁷ مُتَنٜىٰنْ إِسْرَٰٓءِيلَ عَ أَرٜىٰوَ ذَاسُ ذَمَ كَمَرْ مَاسُ عِيَ يَاڧِ، ظُكَاتَنْسُ ذَاسُيِ ڢَضٍ ثِكِ كَمَرْ سُنْ شَا ضُوً إِنَبِے؞ عِ، یَیَنْسُ ذَاسُ غَنِ سُيِ مُرْنَ، ظُكَاتَنْسُ ذَاسُيِ ڢَضٍ ثِكِ ثِكِنْ يَهْوٜىٰهْ؞

⁸ ذَنْ بَادَ عَلَمَ إِنْتَتَّرَاسُ، غَمَا ذَنْ ڢَنْشٜىٰسُ؞ ذَنْ سَاسُ سُيِيَوَ كَمَرْ يَدَّ سُكٜىٰ أَدَا؞

⁹ كُواْدَيَكٜىٰ نَوَاڟَرْ دَسُو ثِكِنْ ڧَبِيلُ، ذَاسُ تُنَ دَنِے دَغَ ڧَسَاشٜىٰ مَاسُ نِيسَ؞ سُو دَ یَیَنْسُ ذَاسُ كُٻُتَ تَرٜىٰ، ذَاسُ كُوَ كُواْمُواْ غِدَا؞

¹⁰ ذَنْ دَاوُاْ دَسُو دَغَ ڧَسَرْ مَصَرْ، ذَنْ تَتَّرَاسُ دَغَ أَسُّرِيَ؞ ذَنْ كَٰوُاْسُ ڧَسَرْ غِلٜىٰيَدْ دَ تَ لٜىٰبَنُوانْ، حَرْ سَيْ وُرِے يَكَاسَ مُسُ؞

¹¹ ذَاسُ ڧٜىٰتَرٜىٰ تَكُواْغِنْ وَهَلَ، رَاڧُمَنْ ضُوَ كُمَ ذَاسُ ݣُونْتَ مُسُ؞ ضُوً كُواْغِنْ نِلُ كُوَ ذَيْ بُوشٜىٰ؞ ذَاعَكَرْيَ طَغَ كَيْ نَ أَسُّرِيَ، مُلْكٍ مَصَرْ كُمَ ذَيْ ڧَارٜىٰ؞

¹² ذَنْ ڧَرْڢَڢَاسُ دَ إِيكُواْنَ، ذَاسُيِ تَڢِيَ دَ سُونَنَ؞ نِے يَهْوٜىٰهْ نَا ڢَطَا؞