تِيتُسْ 3 - أَتَّوْرَتْ دَ أَنَّبَاوَا

رَايُوَرْ دَتَدَاثٜىٰ دَ مَاسُبِے

¹ كَتُنَ وَمُتَنٜىٰنْكَ سُمِيڧَ كَنْسُ غَ شُوغَبَنِّ دَ كُمَ مَاسُ مُلْكِ، سُيِ مُسُ بِيَيَّ، سُكُمَ كَسَنْثٜىٰ أَشِرْيٜىٰ دُواْمِنْ يِنْ كُواْوَنٜىٰ إِرِنْ ݣَكْݣَوَنْ عَيْكِ؞

² كَدَ سُيِ وَوَنِ مُوغُوَرْ مَغَنَ، كُمَ سُذَوْنَ ثِكِنْ سَلَمَ، سُكُمَ كَسَنْثٜىٰ دَ سَوْڧِنْ كَيْ، سُنَيِ وَكُواْوَ ثِكَكّٜىٰنْ تَوَلِعُ؞

³ غَمَا مُو مَا أَدَا وَوَيٜىٰنٜىٰ، مَرَسَ بِيَيَّ، عَكَ كُوَ رُوطٜىٰمُ، مُنْ ذَمَ بَايِنْ شَعَوَثٜىٰ شَعَوَثٜىٰ دَ ݣُوطَيِ إِرِ إِرِ، مُكَ كُمَيِ رَايُوَرْمُ ثِكِنْ كِيشِ دَ ڧِيَيَّرْ ذُوثِيَا؞ مُتَنٜىٰ سُكَڧِيمُ، مُو كُمَ مُكَ ڧِيسُ؞

⁴ عَمَّا أَ سَعَدَّ عَكَ بَيَّنَ أَلْحٜىٰرِ دَ ڧَوْنَرْ اللَّهْ مَيْ ثٜىٰتُوانْمُ،

⁵ سَيْ اللَّهْ يَثٜىٰثٜىٰمُ؞ وَنَّنْ كُوَ بَ دُواْمِنْ مُنْيِ أَيُّكَ نَأَدَلْثِبَ، عَمَّا بِسَغَ جِنْڧَنْسَنٜىٰ يَثٜىٰثٜىٰمُ تَوُرِنْ وَنْكَنَّنْ نَ رُوحُ مَيْ ڟَرْكِے وَنْدَ يَبَامُ سَابُوَرْ حَيْڢُوَ دَ سَابُنْتَاوَا؞

⁶ رُوحُ مَيْ ڟَرْكِنْ نَنْ نٜىٰ عَكَ ظُبُواْ عَيَلْوَثٜىٰ عَكَنْمُ تَوُرِنْ عِيسَىٰ أَلْمَسِيحُ مَيْ ثٜىٰتُوانْمُ؞

⁷ يَيِ وَنَّنْ دُواْمِنْ تَوُرِنْ أَلْحٜىٰرِنْسَ مُسَامِ ذَمَ مَرَسَ لَيْڢِے أَغَبَنْ اللَّهْ، كُمَ مُذَمَ مَاسُ غَادُوانْ رَيْ مَدَوَّمِنَّنْ دَ مُكَ سَا ذُوثِيَا عَكَيْ؞

⁸ مَغَنَرْ نَنْ تَبَّتَاثِّيَ ثٜىٰ؞ إِنَ سُواْ كَڧَرْڢَڢَ وَطَنَّنْ أَبُبُوَ سُواْسَيْ، دُواْمِنْ وَطَنْدَ سُكَ بَادَ غَسْكِيَ غَ اللَّهْ سُيِ حَنْكَلِ سُمِيڧَ كَنْسُ غَ عَيْكِ نَغَرِ؞ وَطَنَّنْ أَبُبُوَ كُوَ سُنَدَ ݣَوْ أَيْنُنْ، سُنَ كُوَ دَ أَمْڢَانِ غَ كُواْوَ؞

⁹ عَمَّا كَغُجٜىٰ وَغَرْدَمَرْ بَنْظَ دَ لِسَّڢِنْ سُونَيٜىٰنْ كَاكَنِّ دَ رَرَّبُوَ دَ كُمَ يَوَنْ جَيَيَّ غَمٜىٰدَ كُواْيَرْوَرْ مُوسَٰى، سَبُواْدَ بَاسُدَ أَمْڢَانِ كُمَ بَنْظَنٜىٰ؞

¹⁰ عَمَّا غَ مُتُمْ مَيْ كَٰوُاْ رَبُوَ، بَايَنْدَ كَغَرْغَطٜىٰشِ دَ ڢَرْكُواْ دَنَبِيُ، سَيْ كَرَبُ دَشِ؞

¹¹ كَا سَنِ ثٜىٰوَ إِرِنْ مُتُمِنَّنْ ٻَتَثّٜىٰنٜىٰ، كُمَ يَحُكُنْتَ كَنْسَ تَوُرِنْ ذُنُبَنْسَ؞

غَرْغَطِ نَڧَرْشٜىٰ

¹² سَعَدَّ نَعَيْكَ أَرْتِمَسْ كُواْ تِكِكُسْ وُرِنْكَ، سَيْ كَيِ إِيَاكَثِنْ ڧُواْڧَرِنْكَ كَذُواْ وُرِينَ أَ نِكَڢُواْلِسْ، سَبُواْدَ إِنَدَ نِيَّرْ ثِنْ دَامِنَ عَثَنْ؞

¹³ كَكُمَيِ إِيَاكَثِنْ ڧُواْڧَرِنْكَ كَتَيْمَكِ ظٜىٰنَسْ لَوْيَنَّنْ دَ أَڢُواْلُّواسْ سُكَامَ حَنْيَ؞ كَكُمَ تَبَّتَرْ ثٜىٰوَ بَسُ رَسَ كُواْمٜىٰبَ؞

¹⁴ دُواْلٜىٰ مُتَنٜىٰنْمُ سُ كُواْيِ يَدَّ ذَاسُ مِيڧَ كَنْسُ غَ عَيْكَتَ أَيُّكَ مَاسُ ݣَوْ، دُواْمِنْ سُإِيَ بَادَ تَيْمَكُواْ وَجٜىٰنْ بِيَنْ مُهِمَّنْ بُڧَاتُو؞ كَدَ سُيِ رَايُوَا مَرَرْ أَمْڢَانِ؞

¹⁵ دُكْ وَطَنْدَ سُكٜىٰ تَرٜىٰدَنِ سُنَ غَيْشٜىٰكَ؞ كَغَيْ دَ وَطَنْدَ سُكٜىٰ ڧَوْنَرْمُ، وَطَنْدَ مُكٜىٰ تَرٜىٰدَسُو ثِكِنْ بَنْ‌غَسْكِيَ؞ أَلْحٜىٰرِنْ اللَّهْ يَكَسَنْثٜىٰ تَرٜىٰدَكُو دُكَ؞ أَمِينْ؞