تِيتُسْ 2 - أَتَّوْرَتْ دَ أَنَّبَاوَا

يِنْ كُواْيَرْوَا تَغَسْكِيَ

¹ عَمَّا كَيْ دَيْ، دُواْلٜىٰ كَكُواْيَرْ دَ أَبِنْدَ يَدَاثٜىٰ دَ كُواْيَرْوَا تَغَسْكِيَ؞

² كَكُواْيَرْ دَ ڟُواْڢَڢِّنْ مَظَا سُكَمٜىٰ كَنْسُ، سُنَڟُ، سُهُواْرَرْ دَ كَنْسُ، سُكَڢُ عَكَنْ غَسْكِيَ ثِكِنْ بَنْ‌غَسْكِيَ دَ ڧَوْنَ دَ كُمَ جِمْرٜىٰوَ؞

³ حَكَكُمَ كَكُواْيَرْ دَ ڟُواْڢَڢِّنْ مَاتَا سُيِ رَايُوَرْ دَ تَدَاثٜىٰ دَ مَتَنْ دَسُكٜىٰ مَاسُبِے، بَا مَاسُ مَغَنَرْ ٻَاتَ سُونَبَ، كُواْ مَاسُ ذَمَنْ بَايِ غَ ضُوً إِنَبِے، عَمَّا سَيْ سُكُواْيَرْ دَ أَبِنْ نَغَرِ؞

⁴ سَعَنً ذَاسُ هُواْرَرْ دَ مَاتَا مَاسُ ڧُرُثِيَ سُڧَوْنَثِ مَذَنْسُ دَ یَیَنْسُ،

⁵ سُذَمَ مَاسُ كَامُنْ كَنْسُ، مَاسُ ڟَبْتَرْ رَيْ، مَاسُ عِيَ كُلَ دَ عِيَلَنْسُ، مَاسُ كِرْكِ، مَاسُ مِيڧَ كَيْ غَ مَذَنْسُ، دُواْمِنْ كَدَ أَ رٜىٰنَ مَغَنَرْ اللَّهْ؞

⁶ حَكَكُمَ كَغَرْغَطِے سَمَارِ سُكَمٜىٰ كَنْسُ؞

⁷ عَثِكِنْ دُكَنْ كُواْمٜىٰ كَنُونَ كَنْكَ مُتُمْ نٜىٰ مَيْ عَيْكِ نَغَرِ، وَنْدَ يَ إِسَ أَبِنْ كُواْيِ؞ كَيِ كُواْيَرْوَرْكَ دَ غَسْكٜىٰ تَرٜىٰدَ ڨُوذُواْ،

⁸ دَ كُمَ مَغَنَ مَيْمَعَنَ وَدَّ بَذَاعَ عِيَ سَامُنْ أَبِنْ زَرْغِ عَثِكِنْتَبَ؞ تَهَكَ ذَاكَبَا أَبُواْكَنْ غَابَنْكَ كُنْيَا يَايِنْ دَ سُنْ رَسَ مُوغُنْ أَبِنْدَ ذَاسُ ڢَطَا عَكَنْمُ؞

⁹ كَاعُمَرْثِ بَايِ سُيِ بِيَيَّ غَ إِيَايٜىٰنْ‌غِجِنْسُ ثِكِنْ كُواْمٜىٰ، سُكُمَسَا أَجِ دَاطِنْسُ؞ كَدَ سُمَيَرْ مُسُ دَ مَغَنَ،

¹⁰ كُواْ سُيِ مُسُ سَاتَا؞ أَ مَيْمَكُوانْ حَكَ، سُنُونَ ثٜىٰوَ سُو مَاسُ كِرْكِ نٜىٰ دَ مَاسُ أَمِنْثِ، دُواْمِنْ تَهَكَ ذَاعَ غَ دَرَجَرْ كُواْيَرْوَرْ نَنْ دَتَكٜىٰ غَمٜىٰدَ اللَّهْ مَيْ ثٜىٰتُوانْمُ؞

¹¹ غَمَا أَلْحٜىٰرِنْ اللَّهْ يَبَيَّنَ، مَيْ كَٰوُاْ ثٜىٰتُواْ غَ دُكَنْ مُتَنٜىٰ؞

¹² أَلْحٜىٰرِنَّنْ يَنَ كُواْيَ مَنَ مُبَرْ رَايُوَا مَرَرْ حَلِنْ اللَّهْ دَ شَعَوَثٜىٰ شَعَوَثٜىٰنْ دُونِيَا، مُكَمٜىٰ كَنْمُ، مُذَمَ مَاسُ غَسْكِيَ أَ ظُوثِ، مُنَ مَاسُ حَلِنْ اللَّهْ أَوَنَّنْ دُونِيَا؞

¹³ مُيِ ذَمَنْ حَكَ يَايِنْ دَمُكٜىٰ جِضَانْ ثِكَرْ سَا ذُوثِيَارْ نَنْ مَيْ أَلْبَرْكَ، وَتُواْ بَيَّنَرْ طَوْكَكَرْ اللَّهْ نْمُ مَيْغِرْمَ دَ مَيْ ثٜىٰتُواْ عِيسَىٰ أَلْمَسِيحُ؞

¹⁴ عِيسَىٰ نٜىٰ يَبَايَرْدَ كَنْسَ دُواْمِنْ يَڢَنْشٜىٰمُ دَغَ دُكَنْ مُغُنْتَا، دُواْمِنْ يَڟَبْتَثٜىٰ وَكَنْسَ جَمَعَ تَمُسَمَّنْ وَطَنْدَ سُكٜىٰ دَ ڨُوظُوانْ يِنْ أَيُّكَنْ كِرْكِ؞

¹⁵ كَكُواْيَرْ دَ وَطَنَّنْ أَبُبُوَ، كَڧَرْڢَڢَ مَاسُ جِنْكَ، كَكُمَ ڟَاوَتَا مُسُ دَ دُكَنْ إِيكُواْ؞ كَدَ كَيَرْدَ وَنِ يَرٜىٰنَكَ؞