وَاڧَرْ وَاڧُواْڧِ 8 - أَتَّوْرَتْ دَ أَنَّبَاوَا

¹ دَاعَثٜىٰ كَيْ طَنْعُوَنَ نٜىٰ، وَنْدَ يَشَا نُواْنُوانْ مَامَاتَ، دَ نَسَدُ دَكَيْ أَ ڢِيلِ دَ نَسُمْبَثٜىٰكَ، كُمَ بَاوَنْدَ ذَيْ رٜىٰنَ نِے،

² دَ ذَنْ كَٰوُاْكَ ثِكِنْ غِدَنْ مَامَاتَ، أَوُرِنْ ذَاكَ كُواْيَ مِنِ، أَوُرِنْ ذَنْبَاكَ ضُوً إِنَبِنَ مَيْ دَاطِے كَشَا، ضُوً یَیَنْ رُمَّنْ نَوَ، كَشَا؞

³ دَمَا حَنُّنْ هَغُنْسَ يَنَ ڧَرْڧَشِنْ كَيْنَ، حَنُّنْ دَامَنْسَ كُمَ يَضُنْ‌غُمٜىٰنِ!‏

⁴ يَا كُو یَنْ مَاتَانْ عُرُوشَلِيمَ، كُرَنْڟٜىٰ مِنِ ثٜىٰوَ بَذَاكُ دَامٜىٰمُبَ سَعَدَّ مُكٜىٰ جِنْ دَاطِنْ جُونَ؞

یَنْ مَاتَا سُنْيِ مَغَنَ

⁵ وَثٜىٰ ثٜىٰ مَيْ ڢِتُواْوَ دَغَ دَاجِ، وَدَّ تَكٜىٰ جِنْ‌غِنَ عَكَڢَطَرْ ڧَوْنَتَثّٜىٰنْتَ؟ عَڧَرْڧَشِنْ إِتَاثٜىٰنْ رُمَّنْ نَڢَرْكَرْ دَكَيْ، أَوُرِنْ نٜىٰ مَحَيْڢِيَرْكَ تَطَوْكَ ثِكِنْكَ، أَوُرِنْ نٜىٰ مَامَرْكَ تَحَيْڢٜىٰكَ؞

يَارِنْيَرْ تَيِ مَغَنَ

⁶ سَا إِنْذَمَ هَاتِمِ أَ ذُوثِيَارْكَ، إِنْذَمَ كَمَرْ ذُواْبٜىٰنْ هَاتِمِ أَ حَنُّنْكَ؞ غَمَا ڧَرْڢِنْ ڧَوْنَ كَمَرْ نَمُتُوَانٜىٰ، ڧَرْڢِنْ كِيشِنْ ڧَوْنَ حَرْ أَبَدَا نٜىٰ كَمَرْ كَبَرِ؞ كِبِيَرْ ڧَوْنَ كَمَرْ كِبِيَرْ وُتَاثٜىٰ، كَمَرْ وُتَا مَيْ ذَاڢِنْثِ؞

⁷ ضُوً أَمْبَلِيَ بَذَيْ عِيَ كَشٜىٰ وُتَرْ ڧَوْنَبَ؞ كُواْغُنَ ثِكٜىٰ دَ ضُوَ بَذَاسُ عِيَ شَارٜىٰ ڧَوْنَبَ؞ عِدَنْ وَنِ يَمِيڧَ دُكَنْ أَرْزِڧِنْسَ دُواْمِنْ يَسَيِ ڧَوْنَ، ذَاعَيِ مَسَ دَارِيَارْ رٜىٰنِ؞

یَنْعُوَنْ يَارِنْيَرْ سُنْيِ مَغَنَ

⁸ مُنَدَ ڧَرَمَ یَرْعُوَ، وَدَّ نُواْنُوانْتَ بَيْيِ غِرْمَبَ تُكُنَ؞ مٜىٰ ذَامُيِ دُواْمِنْ یَرْعُوَرْمُ أَ رَانَرْ دَ عَكَ تَاشِ نٜىٰمَنْتَ؟

⁹ دَاعَثٜىٰ عِتَ بَنْ‌غُواْ ثٜىٰ، دَ ذَامُ غِنَا مَتَ حَصُومِيَا تَ أَظُرْڢَا؞ دَا عَثٜىٰ عِتَ ڧُواْڢَثٜىٰ، دَا ذَامُ ڟَرٜىٰتَ دَ كَتَكَنْ إِتَاثٜىٰنْ سٜىٰدَ؞

يَارِنْيَرْ تَيِ مَغَنَ

¹⁰ أَيْ نِے بَنْ‌غُواْثٜىٰ، نُواْنُواْنَ سُونٜىٰ غِنٜىٰ غِنٜىٰنْتَ مَاسُ ڟَيِ؞ غَ ڧَوْنَتَثّٜىٰنَ، نَذَمَ مَسَ أَبِنْ كَٰوُاْ سَلَمَ؞

سَوْرَيِنْ يَيِ مَغَنَ

¹¹ سُلَيْمَٰنُ يَنَدَ غُواْنَرْ إِنَبِے، عَڧَسَرْ سَرْكِنْ دُوكِيَ؞ يَدَنْڧَتَ أَهَنُّنْ مَاسُ لُورَ دَ عِتَ، كُواْوَنّٜىٰنْسُ ذَيْ كَٰوُاْ أَظُرْڢَا دُبُو دَغَ كُطِنْ أَمْڢَانِنْ غُواْنَرْسَ؞

¹² نِے دَيْ، غُواْنَرْ إِنَبِنَ تَاوَ ثٜىٰ كَطَيْ؞ يَا كَيْ سُلَيْمَٰنُ، كَنَ عِيَ رِڧٜىٰ أَظُرْڢَا دُبُنْ، مَاسُ لُورَ دَ غُواْنَ كُمَ سُرِڧٜىٰ طَرِے بِيُنْسُ!‏

¹³ يَا كٜىٰ ڧَوْنَتَثِّيَاتَ، كٜىٰ دَكِكٜىٰ ذَمَ ثِكِنْ غُواْنَرْ، كٜىٰ دَ أَبُواْكَيْنَ سُنَ جِنْ دَاطِنْ مُرْيَرْكِ، نِے مَا بَرِ إِنْجِ مُرْيَرْكِ؞

يَارِنْيَرْ تَيِ مَغَنَ

¹⁴ يَا ڧَوْنَتَثّٜىٰنَ، ذُواْ وُرِينَ دَ سَوْرِ كَمَرْ بَرٜىٰوَ، كَمَرْ طَنْ غَدَ ذُوَا وُرِنْ تُدَّنْ ڧِرْجِنَ نَتُرَارٜىٰ!‏