وَاڧَرْ وَاڧُواْڧِ 7 - أَتَّوْرَتْ دَ أَنَّبَاوَا

سَوْرَيِنْ يَيِ مَغَنَ

¹ إِنَا مِصَالِنْ ݣَنْ ڧَڢَاڢُنْكِ عَتَاكَلْمِ، يَا كٜىٰ یَرْ سَرْكِے!‏ يَدَّ عَكَ صِڢَّتَا ثِنْيُواْيِنْكِ، سَيْ كَثٜىٰ دُوَڟُو مَاسُ دَرَجَ، عَيْكِنْ ڠُونِنْ سَسَّڧَ؞

² ثِبِيَرْكِ كَمَرْ یَرْ ڨُورْيَثٜىٰ، وَدَّ بَتَرَسَ ضُوً إِنَبِے مَيْݣَوْ عَثِكِ؞ ثِكِنْكِ كَمَرْ تُلِنْ أَلْكَمَ نٜىٰ، وَنْدَ عَكَ كٜىٰوَيَ دَ ڢُلَوَ مَاسُ ݣَنْ غَنِ؞

³ نُواْنُوانْكِ بِيُ مَاسُ ݣَنْ غَنِنٜىٰ ݣَنْسُ كَمَرْ نَتَڠُويٜىٰنْ غَدَنٜىٰ؞

⁴ وُيَنْكِ مَيْ ڟَوُاْ مَيْ ݣَنْ غَنِنٜىٰ كَمَرْ غِنِ مَيْ أَدُوانْ هَڧُواْرِنْ غِيوَ؞ عِدُوانْكِ كَمَرْ تَڢْكُنَ مَاسُ ڨَلِّ عَبِرْنِنْ هٜىٰشْبُوانْ عَڧُواْڢَرْ بَتْ رَبِّمْ؞ حَنْثِنْكِ مَيْ ݣَنْ غَنِنٜىٰ كَمَرْ حَصُومِيَا تَ لٜىٰبَنُوانْ وَدَّ تَكٜىٰ ڢُسْكَنْتَرْ دِمَشْڧُ؞

⁵ كَنْكِ هُولَرْ دَرَجَنٜىٰ كَمَرْ دَرَجَرْ بَبَّنْ تُدُنْ كَرْمٜىٰلْ، كِڟُوانْ كَنْكِ كَمَرْ رِيغُنَنْ سَرَوْنِيَ نٜىٰ، أَبِنْ شَعَوَ غَ سَرْكِے؞

⁶ إِنَا مِصَالِنْ ݣَنْكِ!‏ إِنَا كُمَ مِصَالِنْ بَنْ شَعَوَرْكِ!‏ إِنَا مِصَالِنْ جِنْ دَاطِنْ ڧَوْنَرْكِ أَ رَيْنَ!‏

⁷ صِڢَّرْ جِكِنْكِ كَمَرْ تَ إِتَاثٜىٰنْ دَبِينُواْ ثٜىٰ، نُواْنُوانْكِ كَمَرْ ڧُنْشِنْ یَیَنْ دَبِينُواْ؞

⁸ نَثٜىٰ ‏«‏بَرِ إِنْ هَوْ إِتَاثٜىٰنْ إِنْ ڟِنْكُواْ یَیَنْ، بَرِ نُواْنُوانْكِ سُذَمَ مِنِ ڧُنْشِنْ یَیَنْ إِنَبِے، نُمْڢَشِنْكِ كُمَ كَمَرْ ڧَنْشِنْ لٜىٰمُواْ نٜىٰ،

⁹ بَاكِنْكِ كُمَ كَمَرْ ضُوً إِنَبِے مَڢِے دَاطِے؞»‏ عِدَنْ حَكَنٜىٰ بَرِ ضُوً إِنَبِنْ يَٻُلْٻُلُّواْ ذُوَا وُرِنْ ڧَوْنَتَثّٜىٰنَ، يَغَنْ‌غَرَ عَكَنْ لٜىٰٻُنَنْسَ دَ هَڧُواْرَنْسَ؞

يَارِنْيَرْ تَا يِ مَغَنَ

¹⁰ نِے ثٜىٰ تَڧَوْنَتَثّٜىٰنَ، نِے ثٜىٰ كَطَيْ مَرْمَرِنْسَ؞

¹¹ ذُواْ يَا ڧَوْنَتَثّٜىٰنَ، بَرِ مُڢِتَ وَجٜىٰ ذُوَا دَاجِ، مُݣُونَ أَڟَكَانِنْ ڢُلَوَ مَاسُ ڧَنْشِ؞

¹² دَ سَسَّڢٜىٰ مُتَاشِ مُشِغَ غُواْنَرْ إِنَبِے، مُغَ كُواْ إِتَاثٜىٰنْ إِنَبِے سُنْ ڢَارَ تُواْهُوَ، مُغَ كُواْ ڢُلَوَرْ سُنْ ڢَارَ بُوطٜىٰوَ، كُواْ عِتَتُوَنْ رُمَّنْ سُنْ ڢِتَرْدَ ڢُلَوَ، عَثَنْ ذَنْ نُونَ مَكَ ڧَوْنَتَ؞

¹³ سَيْوَرْ طَوْكَرْ ثِكِ تَنَ بَظَ ڧَنْشِنْتَ أَوُرِنْ؞ یَیَنْ عِتَتُوَ مَاسُ دَاطِے، سَابَبِّے دَ وَطَنْدَ نَأَجِيٜىٰ تُنْدَا، سُنَانَنْ كُسَ عَبَاكِنْ ڧُواْڢَرْمُ، نَأَجِيٜىٰسُ دُواْمِنْكَ، يَا ڧَوْنَتَثّٜىٰنَ؞