وَاڧَرْ وَاڧُواْڧِ 6 - أَتَّوْرَتْ دَ أَنَّبَاوَا

یَنْ مَاتَا سُنْيِ مَغَنَ

¹ إِنَا ڧَوْنَتَثّٜىٰنْكِ يَتَڢِے، يَا كٜىٰ مَڢِے ݣَوْ ثِكِنْ مَاتَا؟ وَثٜىٰ حَنْيَ ثٜىٰ ڧَوْنَتَثّٜىٰنْكِ يَجُويَ يَبِے؟ كِڢَطَا مَنَ، مُتَيْمَكٜىٰكِ نٜىٰمَنْسَ؞

يَارِنْيَرْ تَيِ مَغَنَ

² ڧَوْنَتَثّٜىٰنَ يَغَنْ‌غَرَ ذُوَا غُواْنَرْسَ، ذُوَا غُواْنَرْسَ تَكَايَنْ يَجِ؞ يَنَ سَامُنْ جِنْ دَاطِے ثِكِنْ غُواْنَرْسَ، يَنَ تَتَّارَ ڢُلَوَ مَاسُ ݣَنْ غَنِ؞

³ نِثٜىٰ تَڧَوْنَتَثّٜىٰنَ، شِے مَا نَوَنٜىٰ!‏ شِ كَطَيْ نٜىٰ يَنَ سَامُنْ جِنْ دَاطِے ثِكِنْ ڢُلَوَنَّنْ مَاسُ ݣَنْ غَنِ؞

سَشٜىٰ نَبِيَرْ سَوْرَيِنْ يَيِ مَغَنَ

⁴ يَا كٜىٰ ڧَوْنَتَثِّيَاتَ، مَيْ ݣَنْ غَنِنٜىٰ كٜىٰ كَمَرْ تِرْظَ، ݣَكْݣَاوَا كُمَ كَمَرْ عُرُوشَلِيمَ، مَيْ بَنْ شَعَوَرْ دَتَكٜىٰ مُواْڟَ ذُوثِيَاتَ، كَمَرْ كَطَوَرْ تُوتَرْ نَصَرَرْ ضُنْدُنَارْ يَاڧِ؞

⁵ كِجُويَا عِدَنُونْكِ دَغَ غَرٜىٰنِ، غَمَا سُنْشَا ڧَرْڢِينَ؞ كِڟُوانْكِ يَنَ لِلُواْ عَبَايَنْكِ كَمَرْ غَرْكٜىٰ مَيْ غَنْ‌غَرُواْوَ دَغَ بَبَّنْ تُدُنْ غِلٜىٰيَدْ؞

⁶ هَڧُواْرَنْكِ ڢَرَرٜىٰ نٜىٰ كَمَرْ ڢَرَرْ تُنْكِيَ وَدَّ دَ عَكَيِ مَتَ وَنْكَ تَيِ ڟَڢْ؞ دُكَنْسُ أَ جٜىٰرٜىٰ سُكٜىٰ، كُواْوَنّٜىٰ دَ طَنْعُوَنْسَ، بَعَرَسَ كُواْ طَيَبَ؞

⁷ عَبَايَنْ لُلُّٻِنْكِ، كُمَتُنْكِ سُنْيِ سُمُلْ، كَمَرْ بَايَنْ یَیَنْ رُمَّنْ؞

⁸ كُواْ دَمَا أَݣَويْ سَرَوْنِيَ غُدَا سِتِّنْ، كُواْ كُمَ مَاتَنْ دَ عَكَ أَجِيٜىٰ غُدَا تَمَٰنِنْ، كُواْ بُدُرْوَنْ دَ سُكَڢِے غَبَنْ ڧِرْغٜىٰ،

⁹ دُكْدَهَكَ، طَيَ كَطَيْ ثٜىٰ كُرْثِيَتَ، ثِكَكِّيَتَ ثٜىٰ، عِتَثٜىٰ كَطَيْ تَثِكِنْ یَیَ مَاتَا تَمَامَرْتَ، یَرْ غَتَ تَمَحَيْڢِيَرْتَ؞ یَنْ مَاتَا سُكَنْ غَنْتَ، سُثٜىٰ عِتَ مَيْ أَلْبَرْكَثٜىٰ، مَاتَنْ سَرْكِے دَ مَاتَنْ دَ عَكَ أَجِيٜىٰ سُكَنْ يَبٜىٰتَ؞

¹⁰ وَثٜىٰ ثٜىٰ وَنَّنْ، مَيْ حَصْكَكَاوَا كَمَرْ حَصْكٜىٰنْ سَاڢِيَ، ݣَكْݣَاوَا ثٜىٰ كَمَرْ وَتَ، مَيْ حَصْكٜىٰ كَمَرْ رَانَ، مَيْ بَنْ شَعَوَرْ دَتَكٜىٰ مُواْڟَ ذُوثِيَاتَ، كَمَرْ كَطَوَرْ تُوتَرْ نَصَرَرْ ضُنْدُنَارْ يَاڧِ؟

¹¹ نَغَنْ‌غَرَ ذُوَا غُواْنَرْ إِتَاثٜىٰنْ أَلْمُوانْ دُواْمِنْ إِنْ‌غَا ڟِرٜىٰ ڟِرٜىٰ عَݣُورِ، دُواْمِنْ إِنْ‌غَا عِدَنْ إِتَاثٜىٰنْ إِنَبِے يَتُواْهُ، عِدَنْ كُمَ عِتَتُوَنْ رُمَّنْ سُنْ ڢِتَرْدَ ڢُلَوَ؞

¹² بَاتَرٜىٰدَ سَنِنَبَ، مَرْمَرِنْ ڧَوْنَ يَسَا نَغَ كَيْنَ أَ ظَوْنٜىٰ، تَرٜىٰدَ سَرْكِے عَكٜىٰكٜىٰنْ دُواْكِنْسَ؞

¹³ دَاوُاْ، كِدَاوُاْ، يَا كٜىٰ یَرْ شُولَمْ!‏ كِدَاوُاْ، كِدَاوُاْ دُواْمِنْ مُڧَارَ دُوبَنْكِ؞ مٜىٰيَسَا كُكٜىٰسُواْ كُدُوبِے یَرْ شُولَمْ، سَعَدَّ تَكٜىٰ تَاكَ ضَوَ ڟَكَانِنْ جٜىٰرٜىٰ بِيُ نَیَنْ ضَوَ؟