وَاڧَرْ وَاڧُواْڧِ 4 - أَتَّوْرَتْ دَ أَنَّبَاوَا

سَوْرَيِنْ يَيِ مَغَنَ

¹ إِنَا مِصَالِنْ ݣَنْكِ، يَا كٜىٰ ڧَوْنَتَثِّيَاتَ!‏ كٜىٰ ݣَكْݣَوَاثٜىٰ ڨُورَيْ!‏ دَغَ ثِكِنْ لُلُّٻِنْكِ عِدُوانْكِ سُنَ نُونَ حَنْكَلِنْكِ كَمَرْ نَكُرْثِيَ؞ كِڟُوانْكِ يَنَ لِلُواْ عَبَايَنْكِ كَمَرْ غَرْكٜىٰ مَيْ غَنْ‌غَرُواْوَ دَغَ بَبَّنْ تُدُنْ غِلٜىٰيَدْ؞

² هَڧُواْرَنْكِ ڢَرَرٜىٰ نٜىٰ كَمَرْ ڢَرَرْ تُنْكِيَ وَدَّ عَكَيِ مَتَ وَنْكَ تَيِ ڟَڢْ؞ دُكَنْسُ أَ جٜىٰرٜىٰ سُكٜىٰ، كُواْوَنّٜىٰ دَ طَنْعُوَنْسَ، بَعَرَسَ كُواْ طَيَبَ؞

³ لٜىٰٻُنَنْكِ سُنَدَ ݣَنْ غَنِ كَمَرْ كِنْ يِمُسُ ݣُولِّيَ، بَاكِنْكِ أَبِنْ شَعَوَ نٜىٰ؞ عَبَايَنْ لُلُّٻِنْكِ، كُمَتُنْكِ سُنْيِ سُمُلْ كَمَرْ بَايَنْ یَیَنْ رُمَّنْ؞

⁴ وُيَنْكِ مَيْ ڟَوُاْ مَيْ ݣَنْ غَنِ نٜىٰ كَمَرْ حَصُومِيَا تَ دَاوُدَ؞ سَرْڧُواْڧِنْ أَدُوانْكِ سُنَ أَ جٜىٰرٜىٰ أَوُيَنْكِ كَمَرْ غَرْكُوُاْيِ دُبُو دُبُو أَ جٜىٰرٜىٰ، كَمَرْ غِدَنْ كِبِيُواْيِنْ سُواْجُواْجِ مَاسُ عِيَ يَاڧِ؞

⁵ نُواْنُوانْكِ بِيُ كَمَرْ تَڠُويٜىٰنْ غَدَ نٜىٰ، سُنَدَ شَعَوَرْ تَٻَوَ، وَطَنْدَ سُكٜىٰ سَامُنْ جِنْ دَاطِے ثِكِنْ ڢُلَوَ مَيْ ݣَنْ غَنِ؞

⁶ كَاڢِنْ حَصْكٜىٰنْ رَانَ يَڢِتُواْ سَعَدَّ دُهُ يَڢَارَ ٻَثٜىٰوَ ذَنْ غُدُ ذُوَا تُدَّنْ ڧِرْجِنْكِ نَمُرْ، ذُوَا تُدَّنْ تُرَارٜىٰنْ لُبَّنْ مَيْ ڧَنْشِ؞

⁷ كٜىٰ ݣَكْݣَاوَا ثٜىٰ، يَا ڧَوْنَتَثِّيَاتَ، بَابُ أَبِنْدَ بَيْيِ دَيْدَيْ بَعَ جِكِنْكِ!‏

⁸ تَاشِ تَرٜىٰدَنِ دَغَ لٜىٰبَنُوانْ، يَا كٜىٰ أَمَرْيَتَ، دَغَ لٜىٰبَنُوانْ، كِتَاشِ تَرٜىٰدَنِ؞ كِغَنْ‌غَرُواْ دَغَ كَنْ بَبَّنْ تُدُنْ أَمَانَ، دَغَ كَنْ بَبَّنْ تُدُنْ سٜىٰنِرْ دَ نَ هَرْمُوانْ، دَغَ عِنْدَ كُواْغُنَنْ ظَكُواْكِ سُكٜىٰ، دَغَ كُمَ تُدَّيْ عِنْدَ دَامِسَ سُكٜىٰ دَ ذَمَ؞

⁹ يَا كٜىٰ ذُوثِيَاتَ، أَمَرْيَتَ، كِنْ سَاثِ ذُوثِيَاتَ، دَ كَلُّوانْ عِدُوانْكِ سَوْ طَيَ، كِنْ سَاثِ ذُوثِيَاتَ، دَ سَرْڧَ طَيَ تَ أَدُوانْ وُيَنْكِ؞

¹⁰ إِنَا مِصَالِنْ دَاطِنْ ڧَوْنَرْكِ، يَا كٜىٰ ذُوثِيَاتَ، أَمَرْيَتَ!‏ إِنَا مِصَالِنْ دَاطِنْ ڧَوْنَرْكِ وَدَّ تَڢِے ضُوً إِنَبِے دَاطِے!‏ إِنَا مِصَالِنْ ڧَنْشِنْ تُرَارٜىٰنْ جِكِنْكِ وَنْدَ يَڢِ كُواْوَنٜىٰ إِرِنْ تُرَارٜىٰ ڧَنْشِ!‏

¹¹ يَا كٜىٰ أَمَرْيَتَ، ذَاڧِنْ لٜىٰٻُنَنْكِ كَمَرْ ظُمَ يَكٜىٰ، مَدَرَ دَ ظُمَ سُنَ ڧَرْڧَشِنْ هَرْشٜىٰنْكِ؞ ڧَنْشِنْ تُڢَاڢِنْكِ يأَنَانً كَمَرْ نَڧَنْشِنْ تُرَارٜىٰنْ لٜىٰبَنُوانْ؞

¹² يَا ذُوثِيَاتَ، أَمَرْيَتَ، كٜىٰ كَمَرْ غُواْنَثٜىٰ دَ عَكَ كٜىٰٻٜىٰ دُواْمِنَ، غُواْنَرْ دَ عَكَ كٜىٰوَيٜىٰ دَ كَتَنْ‌غَ، مَٻُٻُّغَرْ ضُوً دَ عَكَ حَنَ وَ كُواْوَ؞

¹³ ڟَكَانِنْ ثِنْيُواْيِنْكِ أَݣَويْ غُواْنَ كَمَرْ تَ عَيْدَنْ، غُواْنَ مَيْ یَیَ مَڢِے ݣَوْ، مَيْ یَیَنْ رُمَّنْ مَاسُ دَاطِے مَيْ كَايَنْ ڧَنْشِ كَمَرْ نَرْدِ دَ لَلّٜىٰ؞

¹⁴ أَݣَويْ نَرْدِ دَ سَڢَرُوانْ دَ كَلَمُسْ، دَ سِنَمُوانْ دَ كُواْوَنٜىٰ إِرِنْ إِتَاثٜىٰ مَيْ ڧَنْشِ، دَ مُرْ دَ أَلُواسْ دَ دُكَنْ تُرَارٜىٰ مَڢِے ڧَنْشِ؞

¹⁵ كٜىٰ ثٜىٰ مَٻُٻُّغَرْ ضُوَ ثِكِنْ غُواْنَ، رِجِيَ مَيْ ضُوً بَادَ رَيْ، ضُوَ مَيْ غَنْ‌غَرُواْوَ دَغَ لٜىٰبَنُوانْ؞

يَارِنْيَرْ تَيِ مَغَنَ

¹⁶ ڢَرْكَ، يَا إِسْكَرْ أَرٜىٰوَ، ذُواْ، يَا إِسْكَرْ كُدُ!‏ هُورَ عَكَنْ غُواْنَتَ، يَدَّ ڧَنْشِنْتَ ذَيْ بَظُو كُواْعِنَ؞ بَرِ ڧَوْنَتَثّٜىٰنَ يَذُواْ غُواْنَرْسَ، يَثِ یَیَنْ عِتَتُوَنْتَ مَڢِے ذَاڧِ؞