وَاڧَرْ وَاڧُواْڧِ 3 - أَتَّوْرَتْ دَ أَنَّبَاوَا

يَارِنْيَرْ تَثِيغَبَ دَ يِنْ مَغَنَ

¹ دَ دَرٜىٰ إِنَ ݣُونْثٜىٰ أَغَدُواْنَ، تُنَانِنَ يَكُواْمَ عَكَنْ ڧَوْنَتَثّٜىٰنَ، إِنَ نٜىٰمَنْسَ، عَمَّا بَنْ سَامٜىٰشِيبَ؞

² تُواْ، سَيْ نَتَاشِ نَشِغَ بِرْنِ، نَبِے تِيتِ تِيتِ، نَبِے تَڢِيلِ ثِكِنْ غَرِ؞ نَنٜىٰمِ وَنْدَ رَيْنَ يَكٜىٰ ڧَوْنَ، نَيِ تَنٜىٰمَنْسَ، عَمَّا بَنْ سَامٜىٰشِيبَ؞

³ دَ مَاسُ غَادِنْ غَرِ سُكَ سَامٜىٰنِ، سَيْ نَتَمْبَيٜىٰسُ كُواْ سُنْ غَ وَنْدَ رَيْنَ يَكٜىٰ ڧَوْنَ؞

⁴ بَيْ دَطٜىٰبَ دَ نَرَبُ دَسُو، سَيْ نَسَامٜىٰ وَنْدَ رَيْنَ يَكٜىٰ ڧَوْنَ؞ نَرِڧٜىٰشِ، بَنْ سَكٜىٰشِيبَ، حَرْ نَبَرْ شِ يَشِغَ غِدَنْ مَامَاتَ، ثِكِنْ طَاكِنْ مَحَيْڢَتَ؞

⁵ يَا كُو یَنْ مَاتَانْ عُرُوشَلِيمَ، كُرَنْڟٜىٰ دَ غَدَ دَ بَرٜىٰوَ مَاسُ ݣَنْ غَنِ عَتُدَّيْ، كَمَرْ يَدَّ عَكٜىٰ ضَنْڟُوَا دَ اللَّهْ مَيْ ضُنْدُنَا؞ كُرَنْڟٜىٰ ثٜىٰوَ بَذَاكُ دَامٜىٰمُبَ سَعَدَّ مُكٜىٰ جِنْ دَاطِنْ جُونَ!‏

سَشٜىٰ نَعُكُ يَارِنْيَرْ تَيِ مَغَنَ

⁶ وَنٜىٰنٜىٰ مَيْ ڢِتُواْوَ دَغَ دَاجِ كَمَرْ ڧُنْشِنْ هَيَاڧِے، دَ ڧَنْشِنْ مُرْ دَ تُرَارٜىٰنْ لُبَّنْ، دَ كَايَنْ ڧَنْشِ إِرِ إِرِنَّیَنْ كَاسُوَ؟

⁷ غَاشِ، أَيْ، كُجٜىٰرَرْ طَوْكَرْ سَرْكِينَ سُلَيْمَٰنُ نٜىٰ!‏ كٜىٰوَيٜىٰ دَشِ، غَ ڠُونَيٜىٰنْ يَاڧِ سِتِّنْ، سُواْجُواْجِ مَڢِيَ عِيَ يَاڧِ نَ إِسْرَٰٓءِيلَ؞

⁸ دُكَنْسُ ڠُونَيٜىٰنْ يَاڧِ دَ تَكُواْبِنٜىٰ، مَاسُ عِيَ يَاڧِ؞ كُواْوَنّٜىٰنْسُ يَنَدَ تَكُواْبِے عَثِنْيَ، أَشِرْيٜىٰ سُكٜىٰ سُڟَرٜىٰ مُتَنٜىٰ دَغَ حَڟَرِنْ دَرٜىٰ؞

⁹ سَرْكِينَ سُلَيْمَٰنُ يَيِ وَكَنْسَ كُجٜىٰرَرْ طَوْكَرْ سَرْكِے، وَنْدَ عَكَيِ دَ إِتَاثٜىٰ مَڢِے ݣَوْ نَ لٜىٰبَنُوانْ؞

¹⁰ يَيِ سَنْدُنَنْ كُجٜىٰرَرْ طَوْكَرْسَ دَ أَظُرْڢَا، لَبُلٜىٰنْسَ كُمَ دَ ظِينَارِيَ، وُرِنْ ذَمَنْسَ دَ ذَانِ مَيْ كَلَرْ جَرْ غَرُورَا؞ ثِكِنْ ڧَوْنَ، یَنْ مَاتَانْ عُرُوشَلِيمَ سُنْيِ عَيْكِنْ أَدُوانْ ثِكِنْسَ؞

¹¹ يَا كُو مَتَنْ سِهِيُواْنَ، كُڢِتُواْ كُغَ سَرْكِينَ سُلَيْمَٰنُ، يَنَ سَنْيٜىٰ دَ هُولَرْ مُلْكِ وَدَّ مَامَرْسَ تَسَا مَسَ أَ رَانَرْ عَوْرٜىٰنْسَ، أَ رَانَرْ ڢَضٍ ثِكِنْ ذُوثِيَارْسَ؞