وَاڧَرْ وَاڧُواْڧِ 2 - أَتَّوْرَتْ دَ أَنَّبَاوَا

يَارِنْيَ تَثِيغَبَ دَ يِنْ مَغَنَ

¹ نِے ڢُلَوَ ثٜىٰ أَدَاجِنْ شَرُوانْ، ڢُلَوَ مَيْ ݣَنْ غَنِ عَݣُورِ؞

سَوْرَيِنْ يَيِمَغَنَ

² كَمَرْ يَدَّ ڢُلَوَ مَيْ ݣَنْ غَنِ تَڢِے ڧَيُواْيِ، حَكَ ڧَوْنَتَثِّيَاتَ تَڢِے سَوْرَنْ یَنْ مَاتَا؞

يَارِنْيَرْ تَيِمَغَنَ

³ كَمَرْ يَدَّ إِتَاثٜىٰنْ رُمَّنْ يَڢِ سَوْرَنْ عِتَتُوَنْ كُرْمِ دَرَجَ، حَكَ ڧَوْنَتَثّٜىٰنَ يَڢِ سَوْرَنْ مَظَا؞ دَ ڢَضٍ ثِكِ نَذَوْنَ عَ إِنُوَرْسَ، یَیَنْ إِتَاثٜىٰنْسَ دَ ذَاڧِ سُكٜىٰ؞

⁴ يَكَٰوُاْ مِنِ ضُوً إِنَبِنْ ڧَوْنَرْسَ، يَضُنْ‌غُمٜىٰنِ دَ ڧَوْنَرْسَ؞

⁵ ڧُواْسَرْ دَنِے دَ دُنْڧُلٜىٰنْ بُوسَشّٜىٰنْ إِنَبِے، سَابُنْتَا نِے دَ ضُوً لٜىٰمُواْ، غَمَا إِنَ مُتُوَرْ ڧَوْنَرْسَ؞

⁶ دَمَا حَنُّنْ هَغُنْسَ يَنَ ڧَرْڧَشِنْ كَيْنَ، حَنُّنْ دَامَنْسَ كُمَ يَضُنْ‌غُمٜىٰنِ!‏

⁷ يَا كُو یَنْ مَاتَانْ عُرُوشَلِيمَ، كُرَنْڟٜىٰ دَ غَدَ دَ بَرٜىٰوَ مَاسُ ݣَنْ غَنِ عَتُدَّيْ، كَمَرْ يَدَّ عَكٜىٰ ضَنْڟٜىٰ دَ اللَّهْ مَيْ ضُنْدُنَا؞ كُرَنْڟٜىٰ ثٜىٰوَ بَذَاكُ دَامٜىٰمُبَ سَعَدَّ مُكٜىٰ جِنْ دَاطِنْ جُونَ!‏

سَشٜىٰ نَبِيُ يَارِنْيَرْ تَيِمَغَنَ

⁸ جِ!‏ غَا مُرْيَرْ ڧَوْنَتَثّٜىٰنَ!‏ غَاشِ يَنَ ذُوَا أَغُجٜىٰ عَكَنْ تُدَّيْ، يَنَ ڟَلّٜىٰ عَكَنْ تُدَّيْ ذُوَا وُرِينَ؞

⁹ ڧَوْنَتَثّٜىٰنَ كَمَرْ بَرٜىٰوَ يَكٜىٰ، كُواْ كَمَرْ طَنْ غَدَ؞ غَاشِ ثَنْ، يَنَ ڟَيٜىٰ عَبَايَنْ كَتَنْ‌غَرْمُ، يَنَ لٜىٰڧٜىٰ تَتَغُواْغِ، يَنَ كَلُّواْنَ تَثِكِنْ لَبُلٜىٰ؞

¹⁰ ڧَوْنَتَثّٜىٰنَ يَيِ مَغَنَ دَنِے؞ تَاشِ مُتَڢِے، يَا كٜىٰ ڧَوْنَتَثِّيَاتَ، كٜىٰ ݣَكْݣَوَتَ، مُتَڢِے؞

سَوْرَيِنْ يَيِمَغَنَ

¹¹ غَمَا لُواْكَثِنْ سَنْيِ يَوُثٜىٰ، ضُوَ سَمَ كُمَ يَطَوْكٜىٰ يَتَڢِے؞

¹² غَا ڢُلَوَ سُنْ بَيَّنَ كُواْعِنَ عَڧَسَرْ، لُواْكَثِنْ رٜىٰرَ وَاڧُواْڧِ يَيِ؞ كُواْعِنَ عَڧَسَرْ لُواْكَثِ يَيِ، لُواْكَثِنْ جِنْ مُرْيُواْيِنْ كُرْثِيُواْيِ؞

¹³ عِتَتُوَنْ ٻَوْرٜىٰ سُنْ ڢِتَ دَ یَیَ، إِتَاثٜىٰنْ إِنَبِے كُمَ يَنَ تُواْهُوَ يَنَ ڧَنْشِ؞ تَاشِ مُتَڢِے، يَا كٜىٰ ڧَوْنَتَثِّيَاتَ، كٜىٰ ݣَكْݣَوَتَ، مُتَڢِے!‏

¹⁴ يَا كٜىٰ كُرْثِيَتَ، مَيْ ظَوْنٜىٰ عَثَنْ مَڢَكَرْ تُدَّيْ، عَٻُواْيٜىٰ عَثِكِنْ كُواْغُوانْ دُوڟٜىٰ، بَرِ إِنْ‌غَا ڢُسْكَرْكِ، إِنْكُمَ جِ مُرْيَرْكِ مَنَ!‏ غَمَا مُرْيَرْكِ تَنَدَ دَاطِنْجِ، ڢُسْكَرْكِ كُمَ تَنَدَ ݣَنْ غَنِ؞

يَارِنْيَرْ تَيِ مَغَنَ

¹⁵ كُكَامَ مَنَ ڧأَنَانً كَرْنُكَنْ دَاجِ، كَرْنُكَنْ دَسُكٜىٰ ٻَاتَ غُواْنَكِنْ إِنَبِے، غَمَا غُواْنَرْ إِنَبِنَ تَڢِتَرْدَ ڢُلَوَ؞

¹⁶ ڧَوْنَتَثّٜىٰنَ نَوَنٜىٰ، نِے مَا تَاسَثٜىٰ!‏ شِ كَطَيْ نٜىٰ يَنَ سَامُنْ جِنْ دَاطِے ثِكِنْ ڢُلَوَنَّنْ مَاسُ ݣَنْ غَنِ أَغُواْنَتَ؞

¹⁷ كَاڢِنْ حَصْكٜىٰنْ رَانَ يَڢِتُواْ، سَعَدَّ دُهُ يَڢَارَ ٻَثٜىٰوَ يَا ڧَوْنَتَثّٜىٰنَ، كَجُويَا، كَغُدُ كَمَرْ بَرٜىٰوَ، كَمَرْ طَنْ غَدَ مَيْ ڟَلّٜىٰ كَنْ دُوَڟُو؞