رُوتْ 4 - أَتَّوْرَتْ دَ أَنَّبَاوَا

بُواْوَظْ يَعَوْرِ رُوتْ

¹ أَنَانً سَيْ بُواْوَظْ يَتَڢِے وُرِنْ تَارُوَ ثِكِنْ ڧُواْڢَرْ غَرِ يَذَوْنَ؞ سَيْكُوَ غَا مُتُمِنْ دَنْ‌غِ نَكُسَ، وَنَّنْ دَ بُواْوَظْ يَيِظَنْثٜىٰ عَكَيْ، يَنَ وُثٜىٰوَ؞ سَيْ بُواْوَظْ يَكِرَشِ يَثٜىٰ ‏«‏أَبُواْكِ، كَذُواْ نَنْ كَذَوْنَ؞»‏ سَيْ يَجٜىٰ يَذَوْنَ؞

² سَيْ بُواْوَظْ يَكِرَا شُوغَبَنِّنْ غَرِ غُدَا غُواْمَ، يَثٜىٰمُسُ سُذَوْنَ؞ سَيْسُكَ ذَوْنَ؞

³ سَيْ بُواْوَظْ يَثٜىٰ وَدَنْ‌غِنْسَ نَكُسَ ‏«‏نَعُواْمِ وَدَّ تَدَاوُاْ دَغَ ڧَسَرْ مُواْوَبْ، تَنَسُواْ تَسَيَرْ دَ غُواْنَرْ عٜىٰلِمٜىٰلٜىٰكْ طَنْعُوَنْمُ؞

⁴ نَا غَا يَيِݣَوْ كَسَنِ؞ عِدَنْ كُوَ ذَاكَ ڢَنْسَ، سَيْكَڢَنْسَ أَعِدُوانْ وَطَنْدَ سُكٜىٰ ظَوْنٜىٰ أَنَنْ دَ كُمَ شُوغَبَنِّنْ جَمَعَتَ؞ إِنْ كُمَ بَاكَاسُواْ، سَيْ كَڢَطَا، غَمَا بَابُوَنِ وَنْدَ يَكٜىٰدَ وَنَّنْ حَكِّنْ سَيْ كَيْ؞ نِنٜىٰ كُمَ نَكٜىٰبِيٜىٰ دَكَيْ؞»‏ سَيْ مُتُمِنَّنْ يَأَمْسَ يَثٜىٰ ‏«‏ذَنْڢَنْسَ؞»‏

⁵ سَعَنً بُواْوَظْ يَثٜىٰ مَسَ ‏«‏تُواْ، رَانَرْدَ كَسَيِ غُواْنَرْ دَغَ حَنُّنْ نَعُواْمِ، ذَاكَ كُمَ طَوْكِ رُوتْ یَرْ ڧَسَرْ مُواْوَبْ، وَدَّ مِجِنْتَ يَمُتُ؞ تَهَكَ ذَاعَ سَامِ یَیَنْ دَ ذَاسُ أَمْسَ سُونَنْ مِجِنْتَ دَ يَمُتُ، سُكُمَ مَلَّكِ رَبُوانْ غَادُوانْسَ؞»‏

⁶ سَيْ دَنْ‌غِنَّنْ مَڢِے كُسَ يَثٜىٰ ‏«‏إِنْ حَكَنٜىٰ بَذَنْ عِيَ ڢَنْشِ غُواْنَرْ بَ؞ غَمَا إِنْ نَيِهَكَ، ذَنْٻَاتَ غَادُوانْ دَ ذَنْبَا یَیَنَ؞ بَذَنْ عِيَ إِنْڢَنْشِ غُواْنَرْبَ، سَيْ كَڢَنْسَ؞»‏

⁷ أَ زَامَانِنْ دَا عَ إِسْرَٰٓءِيلَاوَا أَݣَويْ وَتَ أَلْعَادَا ثٜىٰوَ دُكْ وَنْدَ يَكٜىٰبَا وَنِ دَامَرْ ڢَنْسَ كُواْ سَيٜىٰنْ أَبُ، يَكَنْ ثِرٜىٰ تَاكَلْمِنْسَ يَبَا مَيْ كَرْٻَرْ دَامَرْ ڢَنْسَرْ كُواْ سَيٜىٰنْ؞ يِنْ حَكَنٜىٰ يَكَنْ تَبَّتَرْ دَ ذَنْثٜىٰنْ أَعِدُوانْ جَمَعَ؞

⁸ دُواْمِنْ حَكَ سَيْ دَنْ‌غِنَّنْ مَڢِے كُسَ يَثِرٜىٰ تَاكَلْمِنْسَ يَمِيڧَوَ بُواْوَظْ يَنَ ثٜىٰوَ ‏«‏تُواْ، سَيْ كَڢَنْشِ غُواْنَرْ؞»‏

⁹ سَيْ بُواْوَظْ يَثٜىٰ وَشُوغَبَنِّنْ غَرِنْ دَ دُكَنْ مُتَنٜىٰنْ دَسُكٜىٰ أَوُرِنْ ‏«‏يَوْ كُو شَيْدُ نٜىٰ ثٜىٰوَ نَسَيِ دُكَنْ أَبِنْدَ يَكٜىٰ نَ عٜىٰلِمٜىٰلٜىٰكْ دَ نَ كِلِيُوانْ دَ نَ مَلُوانْ دَغَ حَنُّنْ نَعُواْمِ؞

¹⁰ ذَنْ كُمَ طَوْكِ رُوتْ یَرْ ڧَسَرْ مُواْوَبْ مَاتَرْ مَلُوانْ وَنْدَ يَمُتُ؞ تَهَكَ ذَاعَ عِيَ حَيْڢِ يَرُواْ وَنْدَ ذَيْغَاجِ أَبِنْدَ مِجِنْتَ يَكٜىٰدَشِ، يَكُمَ أَمْسَ سُونَنْسَ، دُواْمِنْ كَدَ سُونَنْسَ يَمُتُ ثِكِنْ دَنْ‌غِنْسَ دَ كُمَ غَرِنْسَ؞ يَوْ كُو شَيْدُ نٜىٰ؞»‏

¹¹ سَيْ دُكَنْ مُتَنٜىٰ تَرٜىٰدَ شُوغَبَنِّنْ دَسُكٜىٰ أَوَجٜىٰنْ شَرِيعَ عَڧُواْڢَرْ غَرِ سُكَ أَمْسَ ‏«‏عِ، مُو شَيْدُ نٜىٰ؞ بَرِ يَهْوٜىٰهْ يَسَا مَثٜىٰنَّنْ دَ ذَاتَ شِغَ غِدَنْكَ يَوْ تَذَمَ كَمَرْ رَحِيلَةُ دَ لَيْعَتُ، وَطَنْدَ سُكَ ذَمَ كَاكَنِّنْ كَاكَنِّنْ غِدَنْ إِسْرَٰٓءِيلَ؞ بَرِ كُمَ كَيَلْوَتَ أَ عٜىٰڢْرَتَ، كَكُمَيِ سُونَ أَ بَيْتَلَحْمِ؞

¹² يَهْوٜىٰهْ يَبَاكَ یَیَ دَغَ مَثٜىٰنَّنْ وَطَنْدَ ذَاسُ ذَمَ كَمَرْ یَیَنْ كَكَنْمُ ڢٜىٰرٜىٰظْ طَنْ تَمَرْ دَ يَهُودَ؞»‏

¹³ سَيْ بُواْوَظْ يَطَوْكِ رُوتْ تَذَمَ مَاتَرْسَ؞ يَهْوٜىٰهْ كُوَ يَسَا مَتَ أَلْبَرْكَ تَايِثِكِ تَاحَيْڢِ طَا؞

¹⁴ سَيْ مَاتَانْ غَرِ سُكَثٜىٰ وَ نَعُواْمِ ‏«‏أَلْبَرْكَ تَا تَبَّتَا غَ يَهْوٜىٰهْ، دُواْمِنْ بَيْبَرْكِ بَابُ دَنْ‌غِ نَكُسَبَ، يَبَاكِ طَا؞ بَرِ طَنَّنْ يَيِ سُونَ عَ إِسْرَٰٓءِيلَ!‏

¹⁵ ذَيْ ذَمَ مَيْ سَابُنْتَا مِكِ رَيْ، مَيْ لُورَ دَكٜىٰ أَڟُوڢَرْكِ؞ شِے كُوَ يَرُوانْ مَاتَرْ طَنْكِ نٜىٰ وَدَّ تَنَ ڧَوْنَرْكِ سُواْسَيْ، حَرْ مَا تَڢِے مِكِ یَیَ مَظَا بَݣَويْ!‏»‏

¹⁶ نَعُواْمِ تَطَوْكِ جَرِرِنْ تَلُورَ دَشِ كَمَرْ عِتَ تَحَيْڢٜىٰشِ؞

¹⁷ سَيْ مَاتَانْدَ سُكٜىٰ مَڨُوبْتَنْتَ سُكَثٜىٰ ‏«‏غَاشِ عَڧَرْشٜىٰ نَعُواْمِ تَسَامِ يَرُواْ!‏»‏ سُكَسَا مَسَ سُونَ عُواْبٜىٰدْ وَنْدَ يَذَمَ بَابَنْ يٜىٰسّٜىٰ؞ شِينٜىٰ كُمَ كَكَنْ دَاوُدَ؞

أَصَلِنْ ذُرِيَرْ دَاوُدَ

¹⁸ غَا يَدَّ ذُرِيَرْ تَكَسَنْثٜىٰ؞ دَغَ ڢٜىٰرٜىٰظْ ذُوَا دَاوُدَ؞ ڢٜىٰرٜىٰظْ يَحَيْڢِ هٜىٰظْرُوانْ،

¹⁹ هٜىٰظْرُوانْ يَحَيْڢِ رَمْ، رَمْ كُمَ يَحَيْڢِ أَمِّنَدَبْ؞

²⁰ أَمِّنَدَبْ يَحَيْڢِ نَشُوانْ، نَشُوانْ يَحَيْڢِ سَلْمُوانْ؞

²¹ سَلْمُوانْ يَحَيْڢِ بُواْوَظْ، بُواْوَظْ يَحَيْڢِ عُواْبٜىٰدْ

²² عُواْبٜىٰدْ يَحَيْڢِ يٜىٰسّٜىٰ، يٜىٰسّٜىٰ يَحَيْڢِ دَاوُدَ؞