رُوتْ 3 - أَتَّوْرَتْ دَ أَنَّبَاوَا

رُوتْ دَ بُواْوَظْ أَوُرِنْ بُغُنْ حَڟِ

¹ وَتَرَانَ نَعُواْمِ مَامَرْ مِجِنْ رُوتْ تَثٜىٰ وَ رُوتْ ‏«‏یَتَ، يَا كَمَاتَ إِنْ نٜىٰمَ مِكِ مِجِ، دُواْمِنْ كِسَامِ غِدَا عِنْدَ ذَاكِ هُوتَ؞

² غَاشِ بُواْوَظْ وَنْدَ يَيَرْدَ مِكِ كِكَيِ تَكَالَ بَايَنْ مَتَ مَاسُيِمَسَ عَيْكِ دَنْ‌غِنْمُ نٜىٰ نَكُسَ؞ كِسَوْرَرَ؞ يَوْ دَ يَمَّ ذَيْبُغَ حَڟِنْ بَلٜىٰ أَوُرِنْ بُغُنْ حَڟِ؞

³ سَبُواْدَ حَكَ سَيْكِيِ وَنْكَ، كِشَاڢَ مَنْ ڧَنْشِ، كِكُمَسَا رِغَرْكِ مَڢِے ݣَوْ؞ سَعَنً كِتَڢِے عِنْدَ يَكٜىٰ بُغُنْ حَڟِنْسَ، عَمَّا كَدَ كِيَرْدَ يَغَنْكِ سَيْ يَغَمَثِ دَ شَا دُكَ؞

⁴ كِلُورَ سُواْسَيْ دَ عِنْدَ يَݣُونْتَ؞ سَعَنً كِجٜىٰ كِبُوطٜىٰ ذَنٜىٰنْ رُڢُوَرْسَ، كِݣُونْتَ أَوَجٜىٰنْ ڧَڢَاڢُنْسَ؞ شِے كُوَ ذَيْ ڢَطَا مِكِ أَبِنْدَ ذَاكِيِ؞»‏

⁵ سَيْ رُوتْ تَأَمْسَ تَثٜىٰ ‏«‏ذَنْيِ دُكْ أَبِنْدَ كِكَ ڢَطَا مِنِ؞»‏

⁶ رُوتْ كُوَ تَغَنْ‌غَرَ ذُوَا وُرِنْ دَ عَكٜىٰ بُغُنْ حَڟِ، تَكُمَيِ دُكْ أَبِنْدَ مَامَرْ مِجِنْتَ تَعُمَرْثٜىٰتَ؞

⁷ دَ بُواْوَظْ يَغَمَثِ دَ شَا، يَنَ ثِكِنْ جِنْ دَاطِنْسَ، سَيْيَنٜىٰمِ وُرِے يَݣُونْتَ كُسَدَ تُلِنْ حَڟِنْ دَ عَكَتَارَ؞ سَعَنً رُوتْ تَذُواْ أَ حَنْكَلِ، تَبُوطٜىٰ ذَنٜىٰنْ رُڢُوَرْسَ تَݣُونْتَ أَوَجٜىٰنْ ڧَڢَاڢُنْسَ؞

⁸ دَ ڟَكَرْ دَرٜىٰ بُواْوَظْ يَڢَرْكَ أَ ڢِرْغِثٜىٰ، يَجُويَ سَيْ يَغَ مَثٜىٰ عَݣُونْثٜىٰ كُسَدَ ڧَڢَاڢُنْسَ؞

⁹ يَيِ تَمْبَيَ يَثٜىٰ ‏«‏وَثٜىٰثٜىٰ كٜىٰ؟»‏ سَيْ تَأَمْسَ ‏«‏نِے ثٜىٰ بَيْوَرْكَ رُوتْ؞ كَرُڢٜىٰنِ دَ ذَنٜىٰنْ رُڢُوَرْكَ دُواْمِنْ كَيْ دَنْ‌غِ نٜىٰ نَكُسَ؞»‏

¹⁰ سَيْ بُواْوَظْ يَثٜىٰ ‏«يَهْوٜىٰهْ يَ أَلْبَرْكَثٜىٰكِ، یَتَ؞ دُواْمِنْ وَنَّنْ أَمِنْثِنْ دَ كِكَ نُونَ وَ دَنْ‌غِنْمُ يَنْذُ يَڢِ وَنْدَ كِكَ رِغَا كِنْ نُونَاوَ مَامَرْ مِجِنْكِ؞ غَمَا بَكِنٜىٰمِ سَوْرَيِبَ، كُواْ شِے مَيْ أَرْزِڧِ نٜىٰ كُواْ تَلَكَ نٜىٰ؞

¹¹ دُواْمِنْ حَكَ یَتَ، كَدَ كِدَامُ، ذَنْيِ كُواْمٜىٰنْ دَ كِكٜىٰ بُڧَاتَ؞ غَاشِمَا كُواْوَ أَغَرِنَّنْ يَسَنْ ثٜىٰوَ كٜىٰ مَثٜىٰ مَيْ كِرْكِ ثٜىٰ؞

¹² غَسْكِيَ نٜىٰ، نِے دَنْ‌غِ نٜىٰ نَكُسَ، عَمَّا كُمَ أَݣَويْ وَنِ مُتُمْ نَكُسَ ڢِيٜىٰ دَنِے؞

¹³ يَنْذُ دَرٜىٰ نٜىٰ، كِجِرَا حَرْ غَرِ يَوَايٜىٰ؞ دَ سَڢٜىٰ ذَنْ تَمْبَيٜىٰشِ كُواْ ذَيْثِكَ حَكِّنْ دَنْ‌غِ نَكُسَ؞ إِنْ كُوَ ذَيْ يِ، تُواْ، سَيْيَثِكَ؞ عِدَنْ كُوَ بَايَسُواْ، نَا ضَنْڟٜىٰ مِكِ دَ سُونَنْ يَهْوٜىٰهْ مَيْ رَيْ ذَنْثِكَ؞ كِݣُونْتَ أَنَنْ حَرْ وَايٜىٰوَرْ غَرِ؞»‏

¹⁴ سَيْ رُوتْ تَݣُونْتَ كُسَدَ ڧَڢَاڢُنْسَ حَرْ سَاڢِيَ؞ عَمَّا تَتَاشِ تُنْ حَصْكٜىٰنْ وَايٜىٰوَرْ غَرِ بَيْ إِسَ أَغَانٜىٰ دَ ڢُسْكَرْ مُتُمْبَ، تَكَامَ حَنْيَ؞ تَايِ حَكَنٜىٰ دُواْمِنْ بُواْوَظْ بَايَسُواْ مُتَنٜىٰ سُسَنْ ثٜىٰوَ مَثٜىٰ تَذُواْ وُرِنْ بُغُنْ حَڟِ؞

¹⁵ سَيْ بُواْوَظْ يَثٜىٰ مَتَ ‏«‏كِكَٰوُاْ ڠَلٜىٰنْكِ كِشِمْڢِطَا أَنَنْ؞»‏ تَا كُوَ شِمْڢِطَا، سَيْيَطِبَ مُودُ عَشِرِنْ نَهَڟِنْ بَلٜىٰ يَظُبَ مَتَ؞ سَعَنً يَ أَظَ مَتَ، سَيْتَكُواْمَ ثِكِنْ غَرِ؞

¹⁶ دَ تَكُواْمَ غِدَا سَيْ مَامَرْ مِجِنْتَ تَتَمْبَيٜىٰتَ تَثٜىٰ ‏«‏یَتَ، يَيَ عَكَيِ؟»‏ رُوتْ كُوَ تَڢَطَا وَ نَعُواْمِ دُكَنْ أَبِنْدَ بُواْوَظْ يَيِ مَتَ؞

¹⁷ تَاڧَارَ دَ ثٜىٰوَ ‏«‏بُواْوَظْ يَثٜىٰ بَذَيْ بَرْنِ إِنْكُواْمَ حَنُّ وُاْڢِ وُرِنْكِبَ، سَيْيَطِبَ حَڟِنْ بَلٜىٰ نَنْ يَبَانِ؞»‏

¹⁸ نَعُواْمِ تَثٜىٰوَ رُوتْ ‏«‏كِجِرَا، یَتَ، كِغَا أَبِنْدَ ذَيْڢَرُ؞ بُواْوَظْ بَذَيْ هُوتَبَ سَيْ يَوَرْوَرٜىٰ كُواْمٜىٰ؞»‏