رُوتْ 2 - أَتَّوْرَتْ دَ أَنَّبَاوَا

رُوتْ أَ غُواْنَرْ بُواْوَظْ

¹ نَعُواْمِ تَنَدَ وَنِ مُتُمْ دَغَ دَنْ‌غِنْ مِجِنْتَ عٜىٰلِمٜىٰلٜىٰكْ، مَيْ سُونَ بُواْوَظْ؞ شِ بَبَّنْ مُتُمْ نٜىٰ، مَيْ أَرْزِڧِ كُمَ؞

² وَتَرَانَ سَيْ رُوتْ یَرْ ڧَسَرْ مُواْوَبْ تَثٜىٰ وَ نَعُواْمِ ‏«‏بَرِ إِنْ تَڢِے غُواْنَكِنْ مَاسُ غِرْبِے إِنْيِ كَالَنْ كَوُنَنْ حَڟِ أَغُواْنَرْ وَنْدَ ذَنْسَامِ ڢَضٍ جِنِ أَغَبَنْسَ؞»‏ سَيْ نَعُواْمِ تَأَمْسَ ‏«‏تُواْ، یَتَ، كِتَڢِے؞»‏

³ رُوتْ تَتَڢِے، تَنَ بِنْ بَايَنْ مَاسُ غِرْبِے تَنَ كَالَ؞ سَيْ يَذَمَ ثٜىٰوَ تَسَامِ كَنْتَ أَغُواْنَرْ بُواْوَظْ دَنْ‌غِنْ عٜىٰلِمٜىٰلٜىٰكْ؞

⁴ أَنَانً سَيْغَا بُواْوَظْ يَ إِسُواْ دَغَ بَيْتَلَحْمِ، يَغَيْ دَ مَاسُ غِرْبِنْ يَثٜىٰ ‏«يَهْوٜىٰهْ يَكَسَنْثٜىٰ تَرٜىٰدَكُو!‏»‏ سُكَ أَمْسَ ‏«‏يَهْوٜىٰهْ يَ أَلْبَرْكَثٜىٰكَ!‏»‏

⁵ سَعَنً بُواْوَظْ يَتَمْبَيِ شُوغَبَنْ بَايِنْسَ مَاسُيِمَسَ غِرْبِے يَثٜىٰ ‏«‏يَارِنْيَرْ ثَنْ، یَرْ وَثٜىٰ ثٜىٰ؟»‏

⁶ شُوغَبَنْ مَاسُ غِرْبِنْ يَأَمْسَ ‏«‏أَيْ، عِتَ یَرْ ڧَسَرْ مُواْوَبْ ثٜىٰ وَدَّ تَذُواْ تَرٜىٰدَ نَعُواْمِ دَغَ ڧَسَرْ مُواْوَبْ؞

⁷ تَا نٜىٰمِ إِظْنِ تَيِ كَالَ تَنَ بِنْ بَايَنْ مَاسُ غِرْبِے؞ تَا ڢَارَ عَيْكِ تُنْدَ سَڢٜىٰ كُمَ تَا ثِيغَبَ حَرْ ذُوَا يَنْذُ؞ سَيْ يَنْذُ نٜىٰ دَ تَدَكَتَ دُواْمِنْ تَهُوتَ عَ إِنُوَ كَطَنْ؞»‏

⁸ سَيْ بُواْوَظْ يَجٜىٰ وُرِنْ رُوتْ يَثٜىٰ ‏«‏كِسَوْرَرَ، یَتَ؞ كِڟَيَ أَنَنْ كِيِكَالَ، كَدَ كِتَڢِے غُواْنَرْ وَنِ؞ كِدِنْ‌غَ بِنْ بَايَنْ یَنْ مَاتَانْ دَسُكٜىٰيِ مِنِ غِرْبِے؞

⁹ كِلُورَ دَ غُواْنَرْ دَسُكٜىٰ غِرْبِے، كِبِيسُ؞ نَارِغَا نَا غَرْغَطِے سَمَارِنْ كَدَ سُدَامٜىٰكِ؞ عِدَنْ كُمَ كِنْ جِ ڧِشِنْ ضُوَ، سَيْ كِتَڢِے كِشَا ضُوً دَ بَايِنْ سُكَ ثِكَ عَتُلُنَنْ؞»‏

¹⁰ سَيْ رُوتْ تَرُسُنَ دَ ڢُسْكَرْتَ حَرْ ڧَسَا تَثٜىٰ ‏«‏مٜىٰيَسَا نَسَامِ ڢَضٍ جِنِ أَغَبَنْكَ حَكَ، نِے دَ نَكٜىٰ بَڧُوَ؟»‏

¹¹ سَيْ بُواْوَظْ يَأَمْسَ يَثٜىٰ ‏«‏أَنْ ڢَطَا مِنِ إِرِنْ ڧَوْنَ دَ كِرْكِنْ دَ كِكَيِ وَمَامَرْ مِجِنْكِ تُنْ مُتُوَرْ مِجِنْكِ؞ إِنَ سَنٜىٰ دَ يَدَّ كِكَ بَرْ إِيَايٜىٰنْكِ دَ ڧَسَرْكِے دَ يَدَّ كِكَ ذُواْ وُرِنْ مُتَنٜىٰنْ دَ بَاكِ تَٻَ سَنِنْسُبَ أَدَا؞

¹² بَرِ يَهْوٜىٰهْ يَبَاكِ لَادَ سَبُواْدَ أَبِنْدَ كِكَيِ؞ بَرِ عُبَنْ‌غِجِ اللَّهْ نَ إِسْرَٰٓءِيلَ وَنْدَ كِكَ ذُواْ وُرِنْسَ نٜىٰمَنْ مَڢَكَا يَبَاكِ ثِكَكّٜىٰنْ لَادَ؞»‏

¹³ سَيْ رُوتْ تَثٜىٰ ‏«‏مَيْغِرْمَ، بَرِ إِنْيِ تَسَامُنْ ڢَضٍ جِنِ أَغَبَنْكَ؞ كَيِ وَبَيْوَرْكَ مَغَنَ مَيْ ڧَرْڢَڢَاوَرْ ذُوثِيَا، كُواْدَيَكٜىٰ بَنْ كَيْ طَيَ دَغَ ثِكِنْ بَايِنْكَ دَرَجَبَ؞»‏

¹⁴ دَ لُواْكَثِنْ ثِنْ عَبِنْثِ يَيِ، سَيْ بُواْوَظْ يَثٜىٰ وَ رُوتْ ‏«‏ذُواْ كِثِ عَبِنْثِ؞ كِدِنْ‌غَ ڟُواْمَ غُرَاسَرْكِے عَثِكِنْ ضُوً ڟَامِ دَغَ یَیَنْ إِنَبِے؞ سَيْ تَذَوْنَ كُسَدَ مَاسُ غِرْبِنْ؞»‏ بُواْوَظْ كُوَ يَمِيڧَ مَتَ غَسَشّٜىٰنْ حَڟِ؞ تَاثِ تَاڧُواْشِ حَرْ تَضَغٜىٰ سَوْرَ؞

¹⁵ دَ رُوتْ تَتَاشِ تَكُواْمَ يِنْ كَالَ، سَيْ بُواْوَظْ يَعُمَرْثِ مَعَيْكَتَنْسَ يَثٜىٰ ‏«‏كُبَرْتَ تَيِكَالَ ثِكِنْ دَمِ دَمٍ حَڟِنْ دَ عَكَ غِرْبٜىٰ؞ كَدَ كُهَنَتَ؞

¹⁶ كُدِنْ‌غَ ذَارٜىٰ وَطَنْسُ كُبَرْسُ سُڢَاطِ دُواْمِنْ تَݣُوشٜىٰ، كَدَ كُڟَاوَتَا مَتَ؞»‏

¹⁷ سَبُواْدَ حَكَ رُوتْ تَايِ كَالَ أَغُواْنَرْ حَرْ يَمَّ؞ دَ تَبُغَ أَبِنْدَ تَتَارَ سَيْ تَسَامِ ڟَابَرْ حَڟِ وَجٜىٰنْ مُودُ عَشِرِنْ؞

¹⁸ تَا طَوْكَ تَكُواْمَ غَرِ تَنُونَ وَ مَامَرْ مِجِنْتَ أَبِنْدَ تَتَارَ؞ رُوتْ تَا كُمَبَا مَامَرْ مِجِنْتَ سَوْرَنْ عَبِنْثِنْ دَ يَرَغُ بَايَنْدَ تَثِ تَڧُواْشِ؞

¹⁹ نَعُواْمِ تَا تَمْبَيٜىٰتَ تَثٜىٰ ‏«‏كَيْ!‏ إِنَا كِكَيِ كَالَ يَوْ؟ أَعِنَا كِكَيِ عَيْكِ؟ مَيْ أَلْبَرْكَ نٜىٰ وَنْدَ يَكُلَ دَكٜىٰ!‏»‏ سَيْ رُوتْ تَڢَطَا مَتَ غَمٜىٰدَ مُتُمِنْ دَ تَيِكَالَ أَغُواْنَرْسَ؞ تَثٜىٰ ‏«‏مُتُمِنْدَ نَيِكَالَ أَغُواْنَرْسَ يَوْ، سُونَنْسَ بُواْوَظْ؞»‏

²⁰ نَعُواْمِ تَاثٜىٰ وَ رُوتْ مَاتَرْ طَنْتَ ‏«‏بَرِ يَهْوٜىٰهْ يَ أَلْبَرْكَثٜىٰ شِ؞ يَهْوٜىٰهْ بَيْ دَيْنَ نُونَ أَلْحٜىٰرِنْسَ غَ مَاسُرَيْ دَ مَتَتُّو بَ؞ أَيْ، وَنَّنْ مُتُمْ دَنْ‌غِنْمُ نٜىٰ نَكُسَ، شِ طَيَ نٜىٰ دَغَ ثِكِنْ وَطَنْدَ سُكٜىٰ دَ حَكِّنْ ڢَنْسَرْمُ؞»‏

²¹ سَيْ رُوتْ یَرْ ڧَسَرْ مُواْوَبْ تَثٜىٰ ‏«‏بَنْدَ حَكَمَا، بُواْوَظْ يَثٜىٰ إِنْثِيغَبَدَ ذُوَا غُواْنَرْسَ إِنْ دِنْ‌غَ بِنْ بَايِنْسَ إِنَ كَالَ حَرْ سَيْ أَنْ‌غَمَ غِرْبِے دُكَ؞»‏

²² نَعُواْمِ تَأَمْسَ تَثٜىٰ ‏«‏دَيْدَيْ نٜىٰ، یَتَ؞ أَيْ، يَڢِ ݣَوْ كِيِكَالَ أَغُواْنَرْ دَ مَتَ مَاسُيِ وَ بُواْوَظْ عَيْكِ سُكٜىٰ؞ عِدَنْ كِنْجٜىٰ غُواْنَرْ وَنِ دَبَمْ، أَنَ عِيَيِ مِكِ رَشِنْ كُنْيَا أَوُرِنْ؞»‏

²³ دُواْمِنْ حَكَ، رُوتْ تَثِيغَبَدَ بِنْ مَاتَا مَاسُيِ وَ بُواْوَظْ عَيْكِ، بَتَبَرْسُبَ حَرْ سَيْ دَ عَكَ غَمَ غِرْبِنْ حَڟِنْ بَلٜىٰ دَ نَأَلْكَمَ؞ تَا كُوَ ثِيغَبَدَ ذَمَ تَرٜىٰدَ مَامَرْ مِجِنْتَ؞