رُواْمَاوَا 7 - أَتَّوْرَتْ دَ أَنَّبَاوَا

عَوْرٜىٰ مِصَالِنٜىٰ نَدَنْ‌غَنْتَكَرْمُ دَ أَلْمَسِيحُ

¹ تُواْ، یَنْعُوَنَ، كُو دَ كُكٜىٰ مَاسُ سَنِنْ كُواْيَرْوَرْ مُوسَٰى، ذَاكُ غَانٜىٰ أَبِنْدَ ذَنْ ڢَطَا؞ كُواْيَرْوَرْ نَنْ تَكَنْيِ إِيكُواْ عَكَنْ مُتُمْ سَعَدَّ مُتُمِنْ يَنَدَ رَيْ نٜىٰ كَوَيْ؞

² مِصَالِ، مَثٜىٰ مَيْ عَوْرٜىٰ، كُواْيَرْوَرْ مُوسَٰى تَطَوْرٜىٰ تَغَ مِجِنْتَ سَعَدَّ مِجِنْتَ يَنَدَ رَيْ؞ عَمَّا عِدَنْ مِجِنْتَ يَمُتُ تَسَامِ یَنْثِ كٜىٰنَنْ دَغَ كُواْيَرْوَرْ نَنْ دَ تَطَوْرٜىٰتَ دَمِجِنْ؞

³ سَبُواْدَ حَكَ عِدَنْ تَا عَوْرِ وَنِ دَبَمْ سَعَدَّ مِجِنْتَ يَنَدَ رَيْ، ذَاعَ ثٜىٰ دَ عِتَ مَيْ ظِنَ؞ عَمَّا عِدَنْ مِجِنْتَ يَمُتُ تَنَدَ یَنْثِ كٜىٰنَنْ بِسَغَ كُواْيَرْوَرْ طَوْرِنْ عَوْرٜىٰ؞ عِدَنْ كُوَ تَسَاكٜىٰ عَوْرِ وَنِ، عِتَ بَمَيْ ظِنَ بَثٜىٰ؞

⁴ یَنْعُوَنَ، وَنَّنْ مِصَالِنٜىٰ غَمٜىٰدَكُو؞ تَوُرِنْ حَطَكُ دَ جِكِنْ أَلْمَسِيحُ كُنْ ذَمَ مَتَتُّو غَمٜىٰدَ إِيكُوانْ كُواْيَرْوَرْ مُوسَٰى، دُواْمِنْ كُذَمَ نَاسَ، وَتُواْ، نَوَنْدَ عَكَ تَادَ شِ دَغَ مَتَتُّو، دُواْمِنْ كُحَيْڢَرْ دَ رَايُوَا مَيْ أَمْڢَانِ غَ اللَّهْ، كَمَرْ إِتَاثٜىٰنْ دَ يَحَيْڢِ یَیَ مَاسُ ݣَوْ؞

⁵ غَمَا يَايِنْ دَ مُكَ كَسَنْثٜىٰ عَڧَرْڧَشِنْ إِيكُوانْ حَلِنْ مُتُنْتَكَ، كُواْيَرْوَرْ تَيِ تَظُغَ مُوغُوَرْ شَعَوَرْمُ؞ شَعَوَرْ نَنْ تَامُ كُمَ تَيِ تَعَيْكِ عَثِكِنْ جِكِنْمُ، كُمَ دُكَنْ أَيُّكَنْمُ سُنَ حَيْڢَرْ مَنَ مُتُوَ؞

⁶ عَمَّا يَنْذُ كَمْ، مُنْ سَامِ یَنْثِ دَغَ إِيكُوانْ كُواْيَرْوَرْ مُوسَٰى غَمَا مُنْ مُتُ غَ أَبِنْدَ يَطَوْرٜىٰمُ؞ سَبُواْدَ حَكَ يَنْذُ مُنَ بَوْتَاوَ اللَّهْ ثِكِنْ سَابُوَرْ رَايُوَا تَ رُوحُنْسَ؞ ڟُواْهُوَرْ بَوْتَرْدَ مُكَيِ وَرُبُوتَتُّنْ دُواْكُواْكِ تَوُثٜىٰ؞

كُواْيَرْوَرْ مُوسَٰى دَ إِيكُوانْ ذُنُوبِ

⁷ تُواْ، مٜىٰ ذَامُثٜىٰ كٜىٰنَنْ؟ كُواْيَرْوَرْ مُوسَٰى دَ كَنْتَ ذُنُوبِ ثٜىٰ؟ أَعَ، كُواْ كَطَنْ!‏ أَيْ، بَايَدَّ ذَنْعِيَ سَنْ أَبِنْدَ يَكٜىٰ ذُنُوبِ عِدَنْ بَتَوُرِنْ كُواْيَرْوَرْ بَ؞ دَا عَثٜىٰ كُواْيَرْوَرْ بَتَڢَطَا ثٜىٰوَ ‏«‏كَدَ كَيِ ݣُوطَيِنْ أَبِنْ وَنِ،»‏ بَ، أَيْ دَا بَنْسَنْ أَبِنْدَ عَكٜىٰثٜىٰ دَشِ ݣُوطَيِبَ؞

⁸ عَمَّا سَبُواْدَ عُمَرْنِنَّنْ، سَيْ ذُنُوبِ يَسَامِ ڧُواْڢَ يَظُغَ كُواْوَنٜىٰ إِرِنْ ݣُوطَيِ عَثِكِنَ؞ غَمَا عِدَنْ بَاتَرٜىٰدَ كُواْيَرْوَرْ بَ، ذُنُوبِ يَݣُونْتَ مَتَثّٜىٰ؞

⁹ أَ دَا كَمْ أَ رَايٜىٰ نَكٜىٰ، سَعَدَّ بَنْ سَنْ كُواْيَرْوَرْ مُوسَٰى بَ، عَمَّا دَ نَسَنْ عُمَرْنِنْ، سَيْ ذُنُوبِ يَتَاشِ دَ رَيْ، نِے كُوَ نَمُتُ؞

¹⁰ نَاكُوَ غَانٜىٰ ثٜىٰوَ عُمَرْنِنَّنْ دَ عَكَ نُڢٜىٰشِ يَكَٰوُاْ رَيْ، يَكُوَ جَٰوُاْ مِنِ مُتُوَ؞

¹¹ ذُنُوبِ يَسَامِ ڧُواْڢَرْسَ، كُمَ تَوُرِنْ عُمَرْنِنْ يَرُوطٜىٰنِ، يَكُمَ كَشٜىٰنِ؞

¹² سَبُواْدَ حَكَ كُواْيَرْوَرْ دَ كَنْتَ مَيْ ڟَرْكِے ثٜىٰ، عُمَرْنِنْ كُوَ مَيْ ڟَرْكِے نٜىٰ، مَيْ أَدَلْثِے نٜىٰ، نَغَرِ نٜىٰ كُمَ؞

¹³ وَتُواْ، كُواْ ذَاعَ ثٜىٰ كُواْيَرْوَرْ نَنْ دَتَكٜىٰ مَيْ نَغَرْتَا تَجَٰوُاْ مِنِ مُتُوَ كٜىٰنَنْ؟ إِنَا!‏ كُواْ كَطَنْ!‏ تَوُرِنْ كُواْيَرْوَرْ نَنْ دَتَكٜىٰ مَيْ نَغَرْتَا ذُنُوبِ يَجَٰوُاْ مِنِ مُتُوَ، دُواْمِنْ عَبَيَّنَ عَيْنِحِنْ يَدَّ ذُنُوبِ يَكٜىٰ؞ وَتُواْ، تَوُرِنْ عُمَرْنِنَّنْ ذُنُوبِ يَڢِتَ أَ ڢِيلِ دَ إِيَاكَرْ مُونِنْسَ؞

يَاڧِنْ دَ يَكٜىٰ عَثِكِنْ مُتُمْ سَبُواْدَ ذُنُوبِنْسَ

¹⁴ مُنْ دَيْ سَنِ ثٜىٰوَ كُواْيَرْوَرْ مُوسَٰى أَبُ ثٜىٰ تَرُوحُ؞ نِے كُوَ مَيْ حَلِنْ مُتُنْتَكَ نٜىٰ، بَاوَ كَوَيْ أَ حَنُّنْ ذُنُوبِ؞

¹⁵ بَنْ غَانٜىٰ دَ أَبِنْدَ نَكٜىٰيِبَ؞ غَمَا أَبِنْدَ نَكٜىٰسُواْ إِنْيِ، بَ شِے نَكٜىٰيِبَ، كُمَ أَبِنْدَ نَكٜىٰڧِ، شِے نَكٜىٰيِ؞

¹⁶ عِدَنْ كُوَ أَبِنْدَ نَكٜىٰيِ شِينٜىٰ أَبِنْدَ بَانَسُواْ إِنْيِ، نَايَرْدَ كٜىٰنَنْ ثٜىٰوَ كُواْيَرْوَرْ مَيْ نَغَرْتَا ثٜىٰ؞

¹⁷ وَتُواْ، بَ نِنٜىٰ دَكَيْنَ نَكٜىٰ عَيْكَتَ وَنَّنْ أَبُ بَ، سَيْدَيْ ذُنُوبِنَّنْ دَيَكٜىٰ ذَمَ عَثِكِنَ؞

¹⁸ نَسَنِ ثٜىٰوَ بَا وَنِ أَبُ مَيْ كِرْكِ وَنْدَ يَكٜىٰذَمَ عَثِكِنَ، وَتُواْ أَ حَلِنَ نَمُتُنْتَكَ؞ غَمَا إِنَدَ نِيَّرْيِنْ أَبِنْدَ يَكٜىٰ دَيْدَيْ، عَمَّا يِنْ حَكَ يَغَغَرٜىٰنِ؞

¹⁹ بَانَيِنْ نَغَرْتَا وَدَّ نَكٜىٰسُواْ إِنْيِ، سَيْدَيْ إِنَ تَيِنْ مُغُنْتَارْ دَ بَانَ سُواْ إِنْيِ؞

²⁰ تُواْ، عِدَنْ إِنَيِنْ أَبِنْدَ بَانَ سُواْ إِنْيِ، وَنَّنْ يَنُونَ ثٜىٰوَ بَ نِنٜىٰ نَكٜىٰيِنْ وَنَّنْ أَبُبَ، سَيْدَيْ ذُنُوبِنَّنْ دَيَكٜىٰ ذَمَ عَثِكِنَ؞

²¹ سَيْ نَغَ، أَشٜىٰ، يَذَمَ مِنِ ڧَٰعِدَ ثٜىٰوَ عِدَنْ إِنَ سُواْ إِنْيِ نَغَرْتَا، سَيْ إِنْ‌غَا مُغُنْتَا تَرٜىٰدَنِ؞

²² غَمَا عَثِكِ ثِكِنْ ذُوثِيَاتَ، نَأَمِنْثٜىٰ دَ كُواْيَرْوَرْ اللَّهْ،

²³ عَمَّا عَثِكِنْ غَٻُواْٻِنَ إِنَ غَنِنْ وَتَ ڧَٰعِدَ دَبَمْ وَدَّ تَكٜىٰ يَاڧِ دَ ڧَٰعِدَرْ دَ حَنْكَلِنَ يَطَوْكَ؞ وَنَّنْ كُوَ تَطَوْرٜىٰنِ غَ ڧَٰعِدَرْ نَنْ تَذُنُوبِ وَدَّ تَكٜىٰ ذَمَ عَثِكِنْ غَٻُواْٻِنَ؞

²⁴ كَيْتُواْنَ!‏ أَبِنْ تَوْسَيِ نٜىٰنِ!‏ وَنٜىٰنٜىٰ ذَيْثٜىٰثٜىٰنِ دَغَ جِكِنَّنْ مَيْ كَيْ غَ مُتُوَ؟

²⁵ غُواْدِيَ تَا تَبَّتَا غَ اللَّهْ غَمَا يَثٜىٰثٜىٰنِ تَوُرِنْ عِيسَىٰ أَلْمَسِيحُ عُبَنْ‌غِجِنْمُ!‏ سَبُواْدَ حَكَ نِے دَكَيْنَ كُواْيَرْوَرْ اللَّهْ نَكٜىٰ بَوْتَاوَ دَ حَنْكَلِنَ، عَمَّا دَ حَلِنَ نَمُتُنْتَكَ كُوَ، ڧَٰعِدَرْ ذُنُوبِ نَكٜىٰ بَوْتَاوَ؞