رُواْمَاوَا 6 - أَتَّوْرَتْ دَ أَنَّبَاوَا

مُتُوَ غَ ذُنُوبِ، رَايُوَا غَ أَلْمَسِيحُ

¹ مٜىٰ ذَامُثٜىٰ كٜىٰنَنْ؟ ذَامُ ثِيغَبَدَ رَايُوَرْ ذُنُوبِ دُواْمِنْ أَلْحٜىٰرِنْ اللَّهْ يَڧَارُ نٜىٰ؟

² إِنَا!‏ كُواْ كَطَنْ!‏ أَيْ، مُنْ رِغَا مُنْ مُتُ غَ ذُنُوبِ؞ يَيَ كُمَ ذَامُ ثِيغَبَدَ رَايُوَا عَثِكِنْسَ؟

³ أَشٜىٰ، بَكُ سَنِبَ دُكَنْمُ دَ عَكَيِ مَنَ بَڢْتِسْمَ ذُوَا ثِكِنْ أَلْمَسِيحُ عِيسَىٰ، ذُوَا ثِكِنْ مُتُوَرْسَ نٜىٰ عَكَيِ مَنَ بَڢْتِسْمَرْ؟

⁴ وَتُواْ، تَوُرِنْ بَڢْتِسْمَرْمُ أَنْبِنّٜىٰمُ تَرٜىٰدَشِ، مُنْ كُمَ ذَمَ طَيَ دَشِ ثِكِنْ مُتُوَرْسَ، دُواْمِنْ يَدَّ عَكَ تَادَ أَلْمَسِيحُ دَغَ مَتَتُّو تَوُرِنْ إِيكُواْنَّنْ مَيْ طَوْكَكَ نَ عُبَا، حَكَ مُو مَا مُيِ ذَمَنْ سَابُوَرْ رَايُوَا؞

⁵ غَمَا دَيَكٜىٰ مُنْ ذَمَ طَيَ دَشِ ثِكِنْ إِرِنْ مُتُوَرْسَ، بَاشَكَّ ذَامُ ذَمَ طَيَ دَشِ ثِكِنْ تَاشِنْسَ دَغَ مَتَتُّو؞

⁶ مُنْ كُوَ سَنِ ثٜىٰوَ أَنْرِغَا أَنْ‌غِثِّيٜىٰ مُتُنْتَكَرْمُ تَدَا تَرٜىٰ دَشِ، دُواْمِنْ عَكَوَرْدَ إِيكُوانْ ذُنُوبِنَّنْ دَيَكٜىٰ ثِكِنْ جِكِنْمُ؞ أَنْيِ حَكَ دُواْمِنْ كَدَ مُڧَارَ ذَمَ بَايِنْ ذُنُوبِ؞

⁷ غَمَا عِدَنْ مُتُمْ يَا مُتُ، يَا سَامِ یَنْثِ دَغَ إِيكُوانْ ذُنُوبِ كٜىٰنَنْ؞

⁸ عِدَنْ مُنْ رِغَا مُنْ مُتُ تَرٜىٰدَ أَلْمَسِيحُ، مُنْ بَادَ غَسْكِيَ ذَامُ رَايُ تَرٜىٰدَشِ كُمَ؞

⁹ غَمَا مُنْ سَنِ ثٜىٰوَ أَنْتَادَ أَلْمَسِيحُ دَغَ مَتَتُّو، كُمَ بَذَيْسَاكٜىٰ مُتُوَبَ، وَتُواْ، مُتُوَ بَاتَدَ سَوْرَنْ إِيكُواْ عَكَنْسَ؞

¹⁰ مُتُوَرْ نَنْ دَ يَيِ، يَمُتُنٜىٰ سَوْ طَيَ تَكْ بَا ڧَارِ دُواْمِنْ يَكَرْيٜىٰ إِيكُوانْ ذُنُوبِ، عَمَّا رَايُوَرْ دَ يَكٜىٰيِ، رَايُوَا غَ اللَّهْ نٜىٰ؞

¹¹ حَكَكُو كُمَ كُطَوْكِ كَنْكُ كَمَرْ مَتَتُّو نٜىٰ غَ إِيكُوانْ ذُنُوبِ، عَمَّا رَايَيُّ نٜىٰ غَ اللَّهْ تَوُرِنْ أَلْمَسِيحُ عِيسَىٰ؞

¹² سَبُواْدَ حَكَ كَدَ كُيَرْدَ ذُنُوبِ يَيِمُلْكِ عَثِكِنْ جِكِنَّنْ نَاكُ مَيْ مُتُوَ، حَرْ يَسَاكُ كُبِے مُوغُوَرْ شَعَوَرْسَ؞

¹³ كَدَ كُمَ كُمِيڧَ غَٻُواْٻِنْكُ غَ ذُنُوبِ سُذَمَ كَايَنْ يِنْعَيْكِنْ مُغُنْتَا؞ سَيْ دَيْ كُمِيڧَ كَنْكُ غَ اللَّهْ يَدَّ يَدَاثٜىٰ دَ وَطَنْدَ عَكَ ثِرٜىٰسُ دَغَ حَنُّنْ مُتُوَ ذُوَا سَامُنْ رَيْ، كُكُمَ مِيڧَ غَٻُواْٻِنْكُ غَ اللَّهْ دُواْمِنْ سُذَمَ كَايَنْ يِنْ عَيْكِنْ أَدَلْثِے؞

¹⁴ غَمَا ذُنُوبِ بَذَيْ يِمُلْكِ عَكَنْكُبَ، تُنْدَيَكٜىٰ بَ عَڧَرْڧَشِنْ كُواْيَرْوَرْ مُوسَٰى كُكٜىٰبَ، عَمَّا عَڧَرْڧَشِنْ أَلْحٜىٰرِنْ اللَّهْ؞

بَايِنْ أَدَلْثِے

¹⁵ يَيَ كٜىٰنَنْ؟ وَتُواْ، سَيْمُيِ ذُنُوبِ سَبُواْدَ كُواْيَرْوَرْ بَاتَدَ إِيكُواْ عَكَنْمُ، سَيْدَيْ أَلْحٜىٰرِنْ اللَّهْ؟ إِنَا!‏ كُواْ كَطَنْ!‏

¹⁶ بَكُسَنِبَ عِدَنْ كُنْ مِيڧَ كَنْكُ دُواْمِنْ كُذَمَ مَاسُبِيَيَّ غَ وَنِ، كُنْ ذَمَ بَايِ كٜىٰنَنْ أَ حَنُّنْ وَنْدَ كُكٜىٰيِ مَسَ بِيَيَّ؟ كُنَ عِيَ ذَمَ بَايِنْ ذُنُوبِ، وَنْدَ يَكٜىٰكَيْ غَ مُتُوَ، كُواْ كُمَ بَايِنْ بِيَيَّ غَ اللَّهْ، وَنْدَ يَكٜىٰكَيْ غَ أَدَلْثِے؞

¹⁷ عَمَّا غُواْدِيَ تَاتَبَّتَا غَ اللَّهْ، دُواْمِنْ كُواْدَيَكٜىٰ أَدَا كُو بَايِنْ ذُنُوبِنٜىٰ، عَمَّا يَنْذُ كَمْ كُنَ بِيَيَّ دَ دُكَنْ ذُوثِيَارْكُ غَا إِرِنْ كُواْيَرْوَرْ نَنْ دَ عَكَسَاكُ عَڧَرْڧَشِنْتَ؞

¹⁸ أَنْیَنْتَرْ دَكُو دَغَ ذُنُوبِ، كُنْ كُمَ ذَمَ بَايِ غَ أَدَلْثِے؞

¹⁹ إِنَكُوَ يِمُكُ مَغَنَ كَمَرْ يَدَّ طَنْ أَدَمْ يَكٜىٰ مَغَنَنٜىٰ، سَبُواْدَ كَاسَوَرْكُ تَمُتُنْتَكَثٜىٰ؞ كَمَرْ يَدَّ أَدَا كُكَ سَابَا مِيڧَ غَٻُواْٻِنْ جِكِنْكُ غَ بَوْتَرْ أَبُبُوَنْ ڧَظَنْتَادَ كُمَ غَ مُغُنْتَا وَدَّ تَكٜىٰ تَڧَارُوَ كَوَيْ، حَكَكُمَ يَنْذُ سَيْ كُمِيڧَ غَٻُواْٻِنْكُ غَ بَوْتَرْ أَدَلْثِے، دُواْمِنْ كُذَمَ وَطَنْدَ عَكَكٜىٰٻٜىٰ دَ ڟَرْكِے غَ اللَّهْ؞

²⁰ أَ لُواْكَثِنْدَ كُكٜىٰ بَايِنْ ذُنُوبِ، بَا ضُوَنْكُ دَ عَيْكِنْ أَدَلْثِے؞

²¹ وَنٜىٰ أَمْڢَانِ كُكَ سَامُ دَغَ أَبُبُوَنَّنْ دَ يَنْذُ سُكَ ذَمَ مُكُ أَبِنْ كُنْيَا؟ أَيْ، سَكَمَكُوانْ وَطَنَّنْ أَبُبُوَ مُتُوَانٜىٰ!‏

²² عَمَّا يَنْذُ أَنْیَنْتَرْ دَكُو دَغَ بَوْتَرْ ذُنُوبِ، كُنْ كُمَ ذَمَ بَايِنْ اللَّهْ؞ أَمْڢَانِنْ دَكُكٜىٰ سَامُوَ دَغَ وَنَّنْ شِينٜىٰ يَكَيْكُ غَ رَايُوَا مَيْ ڟَرْكِے، وَدَّ كُمَ تَكٜىٰحَيْڢَ مُكُ رَيْ نَهَرْ أَبَدَا؞

²³ غَمَا سَكَمَكُوانْ ذُنُوبِ شِينٜىٰ مُتُوَ، عَمَّا ݣَوْتَرْ اللَّهْ عِتَثٜىٰ رَيْ نَهَرْ أَبَدَا تَوُرِنْ أَلْمَسِيحُ عِيسَىٰ عُبَنْ‌غِجِنْمُ؞