رُواْمَاوَا 2 - أَتَّوْرَتْ دَ أَنَّبَاوَا

حُكُنْثِنْ اللَّهْ دَيْدَيْ نٜىٰ

¹ سَبُواْدَ حَكَ كَيْ مَيْ حُكُنْتَ وَنِ، بَاكَ دَ وَتَ حُجَّ، كُواْ كَيْ وَنٜىٰنٜىٰ؞ غَمَا أَ سَعَدَّ كَكٜىٰ حُكُنْتَ وَنِ، كَنَ حُكُنْتَ كَنْكَ نٜىٰ، دُواْمِنْ لَيْڢِنْدَ كَكٜىٰ غَنِنْ وَنِ دَشِ، شِينٜىٰ كَيْ مَا كَكٜىٰ عَيْكَتَاوَا؞

² مُنْ سَنْ ثٜىٰوَ حُكُنْثِنْ اللَّهْ دَيْدَيْنٜىٰ عَكَنْ وَطَنْدَ سُكٜىٰيِنْ أَبُبُوَنَّنْ؞

³ كَيْ مُتُمْ!‏ غَاشِ كُوَ كَيْ دَ كَنْكَ كَنَ عَيْكَتَ لَيْڢِنَّنْ دَ كَكٜىٰ غَنِنْ وَنِ دَشِ!‏ كَنَ ڟَمَّنِ ذَاكَ كُٻُثٜىٰ وَحُكُنْثِنْ اللَّهْ؟

⁴ كُواْ كُوَ كَنَ رٜىٰنَ يَوَنْ أَلْحٜىٰرِنْ اللَّهْ دَ حَڧُرِنْسَ دَ رَشِنْ سَوْرِنْ ڢُشِنْ دَ يَكٜىٰيِ غَرٜىٰكَ؟ أَشٜىٰ، بَكَ سَنِ ثٜىٰوَ نُڢِنْ أَلْحٜىٰرِنْ اللَّهْ شِينٜىٰ يَنَ جَٰوُاْكَ غَ تُوبَبَ؟

⁵ عَمَّا تَدَلِيلِنْ تَوْرِ كَنْ دَ كَكٜىٰيِ دَ تَوْرِنْ ذُوثِيَارْدَ كَكٜىٰ دَشِ، كَنَ تَارَ وَكَنْكَ حُكُنْثِ وَنْدَ يَكٜىٰ جِضَانْكَ أَ رَانَرْ ڢُشِنْ اللَّهْ، أَ لُواْكَثِنْ دَ ذَاعَ بَيَّنَ حُكُنْثِنَّنْ دَيَكٜىٰ بِسَغَ أَدَلْثِنْ اللَّهْ؞

⁶ اللَّهْ ذَيْسَاكَ وَكُواْوَ بِسَغَ أَيُّكَنْسَ؞

⁷ أَݣَويْ وَطَنْدَ سُكٜىٰ نٜىٰمَنْ طَوْكَكَ دَ دَرَجَ دَ رَيْ مَرَرْ ڧَارٜىٰوَ تَوُرِنْ نَاثِيَرْسُ غَ عَيْكَتَ أَلْحٜىٰرِ ثِكِنْ حَڧُرِ، سُونٜىٰ كُمَ اللَّهْ ذَيْسَاكَ مُسُ دَ رَيْ نَهَرْ أَبَدَا؞

⁸ عَمَّا وَطَنْدَ سُكٜىٰ مَاسُ سُوانْكَيْ، وَطَنْدَ سُكٜىٰ ڧِنْ غَسْكِيَ سُكٜىٰ كُمَيِنْ مُغُنْتَا، ذَاعَ سَاكَ مُسُ دَ ڢُشِے دَ كُمَ هَوْشِ؞

⁹ عَذَابَ دَ وَهَلَ سُونٜىٰ سُكٜىٰ جِضَانْ كُواْوَنٜىٰ مُتُمْ مَيْ عَيْكَتَ مُغُنْتَادَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞

¹⁰ عَمَّا دُكْ مَيْ عَيْكَتَ نَغَرْتَا ذَيْسَامِ طَوْكَكَ دَ غِرْمَ دَ سَلَمَ دَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞

¹¹ غَمَا اللَّهْ بَمَيْ نُونَ بَمْبَنْثِ بَنٜىٰ؞

¹² دُكْ مَاسُ يِنْ ذُنُوبِ بَاتَرٜىٰدَ سَنِنْ كُواْيَرْوَرْ مُوسَٰى بَ، ذَاسُ هَلَّكَ بَاتَرٜىٰدَ كُواْيَرْوَرْ بَ، عَمَّا دُكْ مَاسُ يِنْ ذُنُوبِ ثِكِنْ سَنِنْ كُواْيَرْوَرْ، ذَاعَ حُكُنْتَسُ بِسَغَ كُواْيَرْوَرْ؞

¹³ غَمَا بَجِنْ كُواْيَرْوَرْ كَوَيْ شِينٜىٰ يَكَنْسَا مُتَنٜىٰ سُذَمَ دَ أَدَلْثِے أَغَبَنْ اللَّهْ بَ، عَمَّا يِنْ بِيَيَّ دَ كُواْيَرْوَرْ شِينٜىٰ يَكَنْسَا أَ عِيَثٜىٰ دَسُو مَاسُ أَدَلْثِے؞

¹⁴ وَطَنْدَ بَا يَهُودَاوَا بَ بَاسُدَ كُواْيَرْوَرْ مُوسَٰى؞ دُكْدَهَكَ وَنِ لُواْكَثِ سُنَيِنْ أَبِنْدَ كُواْيَرْوَرْ تَعُمَرْتَ، بِسَغَ أَبِنْدَ ظُكَاتَنْسُ سُنْبَاسُ؞ أَشٜىٰ كُوَ، مَرَسَ كُواْيَرْوَرْ نَنْ سُنَدَ كُواْيَرْوَا تَاسُ كٜىٰنَنْ؞

¹⁵ أَيُّكَنْسُ سُنْ نُونَ ثٜىٰوَ أَبِنْدَ كُواْيَرْوَرْ تَثٜىٰ عَيِ يأَنَانً أَرُبُوثٜىٰ ثِكِنْ ظُكَاتَنْسُ؞ عَثِكِنْ تُنَانِنْ ظُكَاتَنْسُ كُوَ أَݣَويْ شَيْدَ غَمٜىٰدَ وَنَّنْ، غَمَا تُنَانِنْسُ يَكَنْ سَامٜىٰسُ دَ لَيْڢِے أَوَنِ لُواْكَثِ، أَوَنِ لُواْكَثِ كُمَ بَايَ سَامُنْسُ دَ لَيْڢِے؞

¹⁶ سَبُواْدَ حَكَ، كَمَرْ يَدَّ لَابَرِ مَيْ دَاطِنَّنْ دَ نَكٜىٰ وَعَظِنْسَ يَكٜىٰ ڢَطَا، حَكَ ذَيْ ذَمَ أَ رَانَرْ دَ اللَّهْ تَوُرِنْ أَلْمَسِيحُ عِيسَىٰ ذَيْ شَرْعَنْتَ دُكَنْ أَبُبُوَنْ دَسُكٜىٰ عَٻُواْيٜىٰ عَتُنَانِنْ مُتَنٜىٰ؞

يَهُودَاوَا دَ كُواْيَرْوَرْ مُوسَٰى

¹⁷ تُواْ، كَيْ مَيْثٜىٰ دَكَنْكَ بَيَهُودٜىٰ ڢَا؟ كَنَ دُواْغَضَ غَ كُواْيَرْوَرْ مُوسَٰى، كَنَ كُمَ تَاڧَمَ دَ دَنْ‌غَنْتَكَرْكَ دَ اللَّهْ،

¹⁸ كَنَ ثٜىٰوَ وَيْ كَسَنْ نُڢِنْ اللَّهْ، كُمَ كَنَدَ غَانٜىٰوَ بِسَغَ كُواْيَرْوَرْ مُوسَٰى يَدَّ ذَاكَ ذَاٻِ أَبِنْدَ يَكٜىٰ دَيْدَيْ؞

¹⁹ كَاأَمِنْثٜىٰ كَيْ كَنْكَ كَيْ مَيْ جَغُواْرَنْ مَكَاڢِنٜىٰ، حَصْكٜىٰ غَ وَطَنْدَ سُكٜىٰ ثِكِنْ دُهُ،

²⁰ مَيْكُواْيَرْ دَ وَوَيٜىٰ كُمَ مَلَمِ غَ مَاسُ تُنَانِنْ يَارَا؞ غَمَا كَا تَبَّتَرْ ثٜىٰوَ عَثِكِنْ كُواْيَرْوَرْ مُوسَٰى نٜىٰ كَنَدَ ثِكَكّٜىٰنْ سَنِ دَ عَيْنِحِنْ غَسْكِيَ؞

²¹ تُواْ، كَيْ مَيْكُواْيَاوَ وَطَنْسُ، كَكُواْيَ وَكَنْكَ مَنَ!‏ كَيْ مَيْيِنْ وَعَظِ ثٜىٰوَ كَدَ عَيِسَاتَا، كَيْ بَاكَسَاتَا؟

²² كَيْ مَيْ ثٜىٰوَ كَدَ عَيِ ظِنَ، بَاكَيِنْ ظِنَ؟ كَيْ مَيْ ڨَمَرْ غُمَكَ، بَاكَسَاتَادَغَ هَيْكَلِنْ غُمَكَ؟

²³ كَيْ مَيْ تَاڧَمَ دَ كُواْيَرْوَرْ مُوسَٰى، بَكَ ٻَاتَ سُونَنْ اللَّهْ تَوَجٜىٰنْ كَرْيَ كُواْيَرْوَرْسَبَ؟

²⁴ كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ ‏«‏سَبُواْدَكُو يَهُودَاوَا عَكٜىٰيِنْ مَغَنَرْ صَاٻُواْ غَمٜىٰدَ سُونَنْ اللَّهْ عَثِكِنْ وَطَنْدَ بَا يَهُودَاوَا بَ؞»‏

²⁵ عِدَنْ كَنَ بِيَيَّ دَ كُواْيَرْوَرْ مُوسَٰى، كَاثِيَرْكَ تَنَدَ أَمْڢَانِ كٜىٰنَنْ؞ عَمَّا عِدَنْ رَشِنْ بِيَيَّ كَكٜىٰيِ غَ كُواْيَرْوَرْ مُوسَٰى، ذَيْ ذَمَ كَمَرْ بَعَيِ مَكَ كَاثِيَبَ؞

²⁶ أَشٜىٰ عِدَنْ وَطَنْدَ بَا مَاسُ كَاثِيَبَ سُنَ عَيْكَتَ أَبِنْدَ كُواْيَرْوَرْ مُوسَٰى تَثٜىٰ عَيِ، اللَّهْ بَذَيْ طَوْكٜىٰسُ كَمَرْ مَاسُ كَاثِيَ كٜىٰنَنْ بَ؟

²⁷ وَطَنْدَ سُو بَا مَاسُ كَاثِيَ بَنٜىٰ أَجِكِے عَمَّا سُنَ عَيْكَتَ أَبِنْدَ كُواْيَرْوَرْ تَثٜىٰ عَيِ، ذَاسُيِ مَكَ حُكُنْثِ، كَيْ دَ كَكٜىٰ دَ كُواْيَرْوَرْ مُوسَٰى أَرُبُوثٜىٰ، مَيْ كَاثِيَ كُمَ، عَمَّا كَنَ كَرْيَ كُواْيَرْوَرْ؞

²⁸ غَمَا بَيَهُودٜىٰ نَغَسْكٜىٰ بَمُتُمْنٜىٰ وَنْدَ يَكٜىٰ بَيَهُودٜىٰ بِسَغَ جِكِے كُرُمْ بَ، كُمَ كَاثِيَ تَعَّيْنِحِ بَبِسَغَ عَلَمَرْ جِكِے تَكٜىٰ كُواْ تَيَنْكَنْ ڢَتَبَ؞

²⁹ أَ مَيْمَكُوانْ حَكَ، بَيَهُودٜىٰ نَغَسْكٜىٰ شِينٜىٰ وَنْدَ يَكٜىٰ بَيَهُودٜىٰ أَ ذُوثِيَا، كُمَ كَاثِيَ تَغَسْكٜىٰ عِتَثٜىٰ كَاثِيَ تَذُوثِيَا، وَتُواْ أَبِنْدَ رُوحُ نٜىٰ يَيِ، بَتَوُرِنْ كُواْيَرْوَرْ دَ عَكَ رُبُوتَ بَ؞ إِرِنْ وَنَّنْ مُتُمْ كُوَ اللَّهْ نٜىٰ يَكَنْيِ مَسَ يَبُواْ، بَطَنْ أَدَمْ بَ؞