رُواْمَاوَا 16 - أَتَّوْرَتْ دَ أَنَّبَاوَا

غَيْسُوَا

¹ إِنَ غَبَاتَرْ مُكُ یَرْعُوَرْمُ ڢِيبِے وَدَّ نَشَيْدَ ثٜىٰوَ عِتَ مَيْ كِرْكِ ثٜىٰ؞ عِتَ كُوَ مَيْ حِدِمَرْ جَمَعَرْ مَاسُبِنْ عِيسَىٰ ثٜىٰ أَ كَنْكِرِيَ؞

² كُكَرْٻٜىٰتَ ثِكِنْ سُونَنْ عُبَنْ‌غِجِ يَدَّ يَدَاثٜىٰ عَكَرْٻِ ڟَرْكَكَا؞ كُكُمَ بَاتَ كُواْوَنٜىٰ إِرِنْ تَيْمَكُوانْ دَتَكٜىٰ بُڧَاتَ دَغَ غَرٜىٰكُ، دُواْمِنْ عِتَ كَنْتَ تَتَيْمَكِ مُتَنٜىٰ دَيَوَ، دُكْ دَ نِے مَا؞

³ كُغَيْ دَ بِرِسْكِلَ دَ عَكِيلَ، أَبُواْكَنْ عَيْكِنَ ثِكِنْ أَلْمَسِيحُ عِيسَىٰ؞

⁴ سُو كُوَ سُنْ بَادَ رَنْسُ حَرْ كُسَنْ مُتُوَ سَبُواْدَنِ؞ بَنِ كَطَيْ نٜىٰ مَيْ غُواْدِيَ أَغَرٜىٰسُبَ، حَرْ مَا دَ دُكَنْ جَمَعَرْ مَاسُبِے تَوَطَنْدَ بَا يَهُودَاوَا بَ؞

⁵ كُغَيْ دَ جَمَعَرْ مَاسُبِے وَطَنْدَ سُكٜىٰ تَارُوَ أَغِدَنْسُ؞ كُغَيْ دَ أَڢَنِتُسْ، أَبُواْكِينَ نَڨُورَيْ، وَنْدَ شِينٜىٰ نَڢَرْكُواْ وَنْدَ يَذَمَ مَيْبِنْ أَلْمَسِيحُ أَدُكْ ڧَسَرْ أَسِيَ؞

⁶ كُغَيْ دَ مَرْيَمُ وَدَّ تَشَا ڢَامَرْ عَيْكِ سُواْسَيْ سَبُواْدَكُو؞

⁷ كُغَيْ دَ أَنْدَرُواْنِكُسْ دَ يُنِيَ، وَطَنْدَ يَهُودَاوَا نٜىٰ كَمَرْنِ، وَطَنْدَ كُمَ عَكَ طَوْرٜىٰسُ عَكُرْكُكُ تَرٜىٰدَنِ؞ سُو كُوَ مُتَنٜىٰنٜىٰ دَ أَنْسَنْسُ سُواْسَيْ عَثِكِنْ مَنْذَنِّے، كُمَ سُنْ رِغَانِ بَادَ غَسْكِيَ ثِكِنْ أَلْمَسِيحُ؞

⁸ كُغَيْ دَ أَمْڢِيلِيَتُسْ، أَبُواْكِينَ نَڨُورَيْ ثِكِنْ زُمُنْثِنْ عُبَنْ‌غِجِ؞

⁹ كُغَيْ دَ عُرْبَنُسْ أَبُواْكِنْ عَيْكِنْمُ ثِكِنْ أَلْمَسِيحُ دَ كُمَ أَبُواْكِينَ سِتَكِسْ؞

¹⁰ كُغَيْ دَ أَڢَلِسْ وَنْدَ أَمِنْثِنْسَ ثِكِنْ أَلْمَسِيحُ تَبَّتَاثّٜىٰ نٜىٰ؞ كُغَيْ دَ عِيَلِنْ أَرِسْتُواْبُلُسْ؞

¹¹ كُغَيْ دَ هِرُدِيَنْ وَنْدَ شِے مَا بَيَهُودٜىٰ نٜىٰ؞ كُغَيْ دَ وَطَنْدَ سُكٜىٰ ثِكِنْ عُبَنْ‌غِجِ أَ عِيَلِنْ نَرْكِسُسْ؞

¹² كُغَيْ دَ تِرَيِڢِنَ دَ تِرَيِڢُسَ، مَاتَنَّنْ مَاسُ ڢَامَ ثِكِنْ عَيْكِنْ عُبَنْ‌غِجِ؞ كُغَيْ دَ ڢَرْسِسْ، أَبُواْكِيَتَ دَ نَكٜىٰ ڧَوْنَ، وَدَّ كُمَ تَشَا ڢَامَرْ عَيْكِ سُواْسَيْ سَبُواْدَ عُبَنْ‌غِجِ؞

¹³ كُغَيْ دَ رُڢُسْ وَنْدَ لَلَّيْ شِ سَنَنّٜىٰ نٜىٰ عَثِكِنْ عُبَنْ‌غِجِ؞ كُكُمَ غَيْ دَ مَامَرْسَ وَدَّ تَطَوْكٜىٰنِ كَمَرْ طَنْتَ؞

¹⁴ كُغَيْ دَ أَسِنْكِرِتُسْ دَ ڢِلِغُواْنَ دَ هٜىٰرْمٜىٰسْ دَ ڢَتُرُواْبَسْ دَ هَرْمَسْ دَ كُمَ دُكَنْ یَنْعُوَنْ دَسُكٜىٰ تَرٜىٰدَسُو؞

¹⁵ كُغَيْ دَ ڢِلُواْلُواْغُسْ دَ يُلِيَ دَ نِرِيُسْ دَ یَرْعُوَرْسَ دَ عُواْلِمْڢَسْ دَ دُكْ ڟَرْكَكَنْ دَسُكٜىٰ تَرٜىٰدَسُو؞

¹⁶ كُغَيْ دَ جُونَ دَ سُمْبَرْ ڧَوْنَ مَيْ ڟَرْكِے؞ دُكَنْ جَمَعَرْ مَاسُبِنْ أَلْمَسِيحُ سُنَ غَيْ دَكُو؞

¹⁷ یَنْعُوَنَ، إِنَ دَيْ ضُواْڧُوانْكُ كُمَيْدَ حَنْكَلِ دَ مَاسُ كَٰوُاْ رَبٜىٰ رَبٜىٰ ڟَكَانِنْكُ، وَطَنْدَ سُكٜىٰسَاكُ دَلِيلِنْ تُنْتُٻٜىٰ، سُنَ كُمَ غَابَادَ كُواْيَرْوَرْ دَ كُكَ كَرْٻَ؞ كُيِنٜىٰسَ دَسُو!‏

¹⁸ دُوانْ كُوَ إِرِنْ وَطَنَّنْ مُتَنٜىٰبَ أَلْمَسِيحُ عُبَنْ‌غِجِنْمُ سُكٜىٰ بَوْتَاوَابَ، سَيْدَيْ ثِكِنْسُ؞ تَوَجٜىٰنْ دَاطِنْ بَاكِنْسُ دَ يَبُوانْ ڧَضْيَا سُكَنْ رُوطِ مَاسُ جِنْسُ؞ مَاسُ جِنْسُ كُوَ مَاسُ تُنَانِنْ يَارَا نٜىٰ؞

¹⁹ كُواْوَ يَجِ لَابَرِ يَدَّ كُكٜىٰيِنْ بِيَيَّ، وَنَّنْ كُوَ يَسَا إِنَ ڢَضٍ ثِكِ سَبُواْدَكُو؞ عَمَّا إِنَ سُواْ كُذَمَ مَاسُ حِكِمَ غَ أَبِنْدَ يَكٜىٰ مَيْݣَوْ، كُكُمَ ذَمَ مَرَسَ لَيْڢِے غَ دُكْ أَبِنْدَ يَشَاڢِ مُغُنْتَا؞

²⁰ اللَّهْ مَيْ بَادَ سَلَمَ كُوَ ذَيْ تَتَّاكَ شَيْطَنْ، يَكُمَ بَاكُ إِيكُواْ عَكَنْسَ، بَدَ دَطٜىٰوَبَ؞ أَلْحٜىٰرِنْ عُبَنْ‌غِجِنْمُ عِيسَىٰ يَكَسَنْثٜىٰ تَرٜىٰدَكُو؞

²¹ تِمُواْتِ، أَبُواْكِنْ عَيْكِنَ، يَنَ غَيْشٜىٰكُ، حَكَمَا لُشِيُسْ دَ يَسُوانْ دَ سُواْسِڢَتَ، وَطَنْدَ سُو مَا يَهُودَاوَا نٜىٰ؞

²² نِے تَرْتِيُسْ، مَيْ رُبُوتَ وَنَّنْ وَسِيڧَ، إِنَ غَيْشٜىٰكُ ثِكِنْ عُبَنْ‌غِجِ؞

²³ غَايُسْ، وَنْدَ يَكَرْٻٜىٰنِ أَغِدَنْسَ، كُمَ مَيْ كَرْٻَرْ دُكَنْ جَمَعَرْ مَاسُبِے أَغِدَنْسَ، يَنَ غَيْشٜىٰكُ؞ أَرَسْتُسْ، مَعَجِنْ غَرِ دَ كُمَ طَنْعُوَنْمُ ݣُورْتُسْ سُنَ غَيْشٜىٰكُ؞

²⁴ بَرِ أَلْحٜىٰرِنْ عُبَنْ‌غِجِنْمُ عِيسَىٰ أَلْمَسِيحُ يَكَسَنْثٜىٰ تَرٜىٰدَكُو دُكَ؞ أَمِينْ؞

أَدُّعَرْ ڧَرْشٜىٰ

²⁵ بَرِ طَوْكَكَ تَتَبَّتَا غَ اللَّهْ وَنْدَ يَكٜىٰدَ إِيكُواْ يَكَڢَكُ ثِكِنْ بَنْ‌غَسْكِيَ بِسَغَ لَابَرِ مَيْ دَاطِنَّنْ دَ نَكٜىٰ وَعَظِنْسَ عَكَنْ عِيسَىٰ أَلْمَسِيحُ؞ لَابَرِ مَيْ دَاطِنْ كُوَ أَسِيرِ نٜىٰ وَنْدَ عَكَ ٻُواْيٜىٰ تُنْ ذَامَانَنْ دَا،

²⁶ عَمَّا عَيَنْظُ أَنْڢِتَرْ دَشِ أَ ڢِيلِ تَوَجٜىٰنْ رُبُوثٜىٰ رُبُوثٜىٰنْ أَنَّبَاوَا؞ بِسَغَ عُمَرْنِنْ اللَّهْ مَدَوَّمِ كُمَ أَنْ بَيَّنَشِ غَ دُكَنْ أَلْعُمَّيْ، دُواْمِنْ سُبَادَ غَسْكِيَ سُكُمَيِ بِيَيَّ؞

²⁷ بَرِ طَوْكَكَ تَتَبَّتَا غَ اللَّهْ، وَنْدَ شِينٜىٰ كَطَيْ مَيْ حِكِمَ، تَوُرِنْ عِيسَىٰ أَلْمَسِيحُ حَرْ أَبَدَا!‏ أَمِينْ؞