رُواْمَاوَا 14 - أَتَّوْرَتْ دَ أَنَّبَاوَا

كَدَ كَطُواْرَ وَطَنْعُوَنْكَ لَيْڢِ

¹ كُكَرْٻِ مُتُمِنْ دَ بَنْ‌غَسْكِيَرْسَ بَتَيِ ڧَرْڢِيبَ، عَمَّا كَدَ كُنٜىٰمٜىٰشِ دَ لَيْڢِے عِدَنْ رَعَيِنْسَ دَبَمْ يَكٜىٰدَ نَاكُ؞

² بَنْ‌غَسْكِيَرْ وَنِ مُتُمْ ذَاتَ يَرْدَ مَسَ يَثِ دُكْ أَبِنْدَ يَغَ دَامَ، عَمَّا مُتُمِنْ دَ بَا شِ دَ ڧَرْڢِے ثِكِنْ بَنْ‌غَسْكِيَرْسَ، سَيْ كَايَنْ لَمْبُو كَوَيْ يَكٜىٰثِ؞

³ مُتُمِنْ دَيَكٜىٰ ثِنْ دُكْ إِرِنْ عَبِنْثِنْدَ يَغَ دَامَ كَدَ يَرٜىٰنَ شِے وَنْدَ بَايَ ثِنْ كُواْوَنٜىٰ إِرِنْ عَبِنْثِ؞ كُمَ وَنْدَ بَايَ ثِنْ كُواْوَنٜىٰ إِرِنْ عَبِنْثِ، كَدَ يَطُواْرَ لَيْڢِے عَكَنْ وَنْدَ يَكٜىٰ ثِنْ كُواْوَنٜىٰ إِرِنْ عَبِنْثِ، دُوانْ اللَّهْ يَارِغَا يَكَرْٻٜىٰشِ؞

⁴ كَيْ وَنٜىٰنٜىٰ دَ ذَاكَ طُواْرَ لَيْڢِے عَكَنْ بَاوَنْ وَنِ؟ كُواْ بَاوَنْ يَيِ عَيْكِ مَيْݣَوْ، كُواْ يَكَاسَ، أَيْ، وَنَّنْ ضُوً مَيْغِدَنْسَ نٜىٰ؞ حَڧِيڧَ ذَاعَ ڧَرْڢَڢَ شِ يَڟَيَ، غَمَا عُبَنْ‌غِجِ يَ عِيَ سَا شِ يَيِنَصَرَا؞

⁵ وَنِ يَكَنْ غَ وَتَرَانَ دَ مُهِمَّنْثِ ڢِيٜىٰدَ سَوْرَنْ رَانَكُو؞ أَغَنِنْ وَنِ كُوَ دُكَنْ رَانَكُو دَيْدَيْنٜىٰ؞ كُواْوَ دَيْ يَسَامِ نَاسَ ثِكَكّٜىٰنْ تَبَّثِ عَثِكِنْ ذُوثِيَارْسَ؞

⁶ دُكْ مَيْ غَنِنْ وَتَرَانَ دَ مُهِمَّنْثِ يَنَ يِنْ حَكَنٜىٰ دُواْمِنْ أَغِرْمَمَ عُبَنْ‌غِجِ؞ دُكْ مَيْ ثِنْ كُواْوَنٜىٰ إِرِنْ عَبِنْثِ يَنَ يِنْ حَكَنٜىٰ دُواْمِنْ أَغِرْمَمَ عُبَنْ‌غِجِ، غَمَا يَكَنْ بَادَ غُواْدِيَ غَ اللَّهْ سَبُواْدَ عَبِنْثِنْ؞ دُكْ وَنْدَ بَايَ ثِنْ كُواْوَنٜىٰ إِرِنْ عَبِنْثِ شِے مَا يَنَ يِنْ حَكَنٜىٰ دُواْمِنْ أَغِرْمَمَ عُبَنْ‌غِجِ، غَمَا شِيمَا يَكَنْيِ وَ اللَّهْ غُواْدِيَ؞

⁷ عَثِكِنْمُ، بَ دُواْمِنْ أَمْڢَانِنْ كَنْسَ مُتُمْ يَكٜىٰ رَايُوَا بَ؞ بَا دُواْمِنْ أَمْڢَانِنْ كَنْسَ كُمَ يَكٜىٰ مُتُوَبَ؞

⁸ عِدَنْ مُنَ رَايُوَا، سَبُواْدَ عُبَنْ‌غِجِ نٜىٰ مُكٜىٰيِ، إِنْكُمَ مُتُوَ ذَامُيِ، سَبُواْدَ عُبَنْ‌غِجِ نٜىٰ مُكٜىٰيِ؞ سَبُواْدَ حَكَ كُواْ رَايُوَا نٜىٰ مُكٜىٰيِ كُواْ مُتُوَ، مُو نَ عُبَنْ‌غِجِ نٜىٰ؞

⁹ غَمَا أَلْمَسِيحُ يَامُتُ يَاكُمَ تَاشِ دَ رَيْ دُواْمِنْ يَذَمَ عُبَنْ‌غِجِ نَوَطَنْدَ سُكٜىٰ مَتَتُّو دَ كُمَ نَوَطَنْدَ سُكٜىٰ مَاسُ رَيْ؞

¹⁰ كَيْ ڢَا، مٜىٰيَسَا كَكٜىٰ غَنِنْ طَنْعُوَنْكَ دَ لَيْڢِے؟ كَيْ كُمَ مٜىٰيَسَا كَكٜىٰ رٜىٰنَ طَنْعُوَنْكَ؟ دُكَنْمُ دَيْ ذَامُ ڟَيَ أَغَبَنْ اللَّهْ وَنْدَ شِينٜىٰ مَيْيِ مَنَ شَرِيعَ؞

¹¹ غَمَا أَرُبُوثٜىٰ يَكٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ ‏«‏حَڧِيڧَ دَ يَكٜىٰ نِنٜىٰ عُبَنْ‌غِجِ اللَّهْ مَيْ رَيْ، نَاثٜىٰ، ‏‹‏كُواْوَثٜىٰ ڠُوِوَ ذَاتَ دُرْڧُسَ أَغَبَنَ، كُواْوَنٜىٰ هَرْشٜىٰ ذَيْ شَيْدَ ثٜىٰوَ نِنٜىٰ اللَّهْ؞›‏ »‏

¹² تُواْ، كُواْوَنٜىٰ طَيَنْمُ ذَيْبَادَ لِسَّڢِنْ رَايُوَرْسَ غَ اللَّهْ؞

كَدَ كَسَا وَطَنْعُوَنْكَ أَبِنْ تُنْتُٻٜىٰ

¹³ سَبُواْدَ حَكَ سَيْ مُدَيْنَ حَلِنَّنْ نَغَنِنْ لَيْڢِنْ جُونَ؞ أَ مَيْمَكُوانْ حَكَ سَيْ كُواْوَ يَطَوْكِ نِيَّ ثٜىٰوَ بَذَيْ ذَمَ دَلِيلِنْ تُنْتُٻٜىٰ كُواْ أَبِنْسَا ذُنُوبِ غَ طَنْعُوَنْسَبَ؞

¹⁴ نَا سَنِ، إِنَ كُمَ دَ ثِكَكّٜىٰنْ تَبَّثِ ثِكِنْ عُبَنْ‌غِجِ عِيسَىٰ ثٜىٰوَ بَابُوَنِ أَبُ وَنْدَ يَكٜىٰدَ ڧَظَنْتَا أَعَسَلِنْسَ؞ عَمَّا عِدَنْ وَنِ يَطَوْكَ ثٜىٰوَ وَنِ أَبُ مَيْ ڧَظَنْتَا نٜىٰ، تُواْ، أَغَرٜىٰشِنٜىٰ أَبِنْ يَكٜىٰدَ ڧَظَنْتَا؞

¹⁵ عِدَنْ أَبِنْدَ كَنَثِ يَكَٰوُاْ وَطَنْعُوَنْكَ دَامُوَ، بَذَمَنْ ڧَوْنَ كَكٜىٰيِبَ كٜىٰنَنْ؞ كَدَ عَبِنْثِنْ دَ كَكٜىٰ ثِ يَذَمَ حَنْيَرْ لَلَتَرْدَ طَنْعُوَنْكَ وَنْدَ أَلْمَسِيحُ يَمُتُ دُواْمِنْسَ؞

¹⁶ كَدَ أَبِنْدَ يَكٜىٰ مَيْݣَوْ أَغَنِنْكَ يَذَمَ أَبِنْ زَرْغِ غَ وَطَنْسُ؞

¹⁷ غَمَا مُلْكٍ اللَّهْ بَذَنْثٜىٰنْ ثِ دَ شَا بَنٜىٰ، عَمَّا ذَنْثٜىٰنْ أَدَلْثِے نٜىٰ دَ سَلَمَ دَ ڢَضٍ ثِكِ عَثِكِنْ رُوحُ مَيْ ڟَرْكِے؞

¹⁸ كُمَ دُكْ وَنْدَ يَكٜىٰيِ وَ أَلْمَسِيحُ بَوْتَا تَوَنَّنْ حَنْيَ، شِے مَيْ ڢَرَنْتَاوَا اللَّهْ رَيْ نٜىٰ، مَيْ سَامُنْ يَرْدَ كُمَ أَوَجٜىٰنْ مُتَنٜىٰ؞

¹⁹ سَبُواْدَ حَكَ بَرِ مُيِ إِيَاكَثِنْ ڧُواْڧَرِنْمُ دُوانْ مُعَيْكَتَ أَبِنْدَ ذَيْ كَٰوُاْ سَلَمَ دَ ڧَرْڢَڢَاوَرْ جُونَ؞

²⁰ كَدَ كُرُشٜىٰ عَيْكِنْ اللَّهْ سَبُواْدَ شَعَنِنْ ثِنْ عَبِنْثِ؞ لَلَّيْ كُواْوَنٜىٰ إِرِنْ عَبِنْثِ مَيْ ڟَرْكِے نٜىٰ، عَمَّا مُوغُنْ أَبُ نٜىٰ عِدَنْ عَبِنْثِنْ دَ عَكٜىٰ ثِ يَذَمَ أَبِنْ سَا وَوَنِ تُنْتُٻٜىٰ؞

²¹ يَڢِ ݣَوْ كَدَ كَثِ نَامَ، كُواْ كَشَا ضُوً إِنَبِے، كُواْ كَعَيْكَتَ كُواْوَنٜىٰ إِرِنْ أَبُ عِدَنْ ذَيْسَا طَنْعُوَنْكَ يَڢَاطِ؞

²² بَرِ دُكْ رَعَيِنْ دَ كَكٜىٰ دَشِ غَمٜىٰدَ وَنَّنْ شَعَنِ يَكَسَنْثٜىٰ ڟَكَانِنْكَ دَ اللَّهْ؞ مَيْ أَلْبَرْكَ نٜىٰ وَنْدَ ذُوثِيَارْسَ بَتَبَا شِ لَيْڢِے بَ غَمٜىٰدَ أَبِنْدَ شِے دَ كَنْسَ يَطَوْكَ ثٜىٰوَ مَيْݣَوْ نٜىٰ؞

²³ عَمَّا مُتُمِنْ دَ يَكٜىٰدَ شَكَّ عَكَنْ أَبِنْدَ يَكٜىٰثِ، يَنَ جَٰوُاْ وَكَنْسَ حُكُنْثِنْ اللَّهْ نٜىٰ عِدَنْ يَا ثِ، دُوانْ حَلِنَّنْ دَ يَكٜىٰيِ بَيْ دُواْغَضَ غَ بَنْ‌غَسْكِيَابَ؞ كُمَ دُكْ أَبِنْدَ بَيْ دُواْغَضَ غَ بَنْ‌غَسْكِيَابَ، ذُنُوبِ نٜىٰ؞