رُواْمَاوَا 12 - أَتَّوْرَتْ دَ أَنَّبَاوَا

هَدَايَ مَيْ رَيْ

¹ سَبُواْدَ حَكَ إِنَ ضُواْڧُوانْكُ، یَنْعُوَ، سَبُواْدَ يَوَنْ جِنْڧَنَّنْ نَ اللَّهْ، كُمِيڧَ كَنْكُ هَدَايَ وَدَّ تَكٜىٰ مَيْ رَيْ، مَيْ ڟَرْكِے دَ كُمَ أَبِنْ كَرْٻَ غَ اللَّهْ؞ وَنَّنْ كُوَ عِتَثٜىٰ حَنْيَرْ دَ ذَاكُيِ وَ اللَّهْ حِدِمَ تَعَّيْنِحِ؞

² كَدَ كُيَرْدَ تُنَانِ إِرِنْ نَظَامَانِنَّنْ يَبِے دَ حَنْكَلِنْكُ، عَمَّا كُيَرْدَ اللَّهْ يَثَنْجَكُ يَسَابُنْتَ تُنَانِنْكُ دَ حَنْكَلِنْكُ؞ تَهَكَ ذَاكُ عِيَ تَبَّتَرْ دَ أَبِنْدَ يَكٜىٰ نُڢِنْ اللَّهْ، وَتُواْ أَبِنْدَ يَكٜىٰ مَيْݣَوْ، أَبِنْ كَرْٻَ غَ اللَّهْ دَ كُمَ أَبِنْدَ يَكٜىٰ ثِكَكّٜىٰ؞

³ بِسَغَ أَلْحٜىٰرِنَّنْ دَ عَكَيِ مِنِ، إِنَيِ وَكُواْوَنٜىٰ طَيَنْكُ غَرْغَطِے ثٜىٰوَ كَدَ كُواْوَ يَطَوْكِ كَنْسَ دَ غِرْمَ ڢِيٜىٰدَ يَدَّ يَا كَمَاتَ يَيِ؞ أَ مَيْمَكُوانْ حَكَ كُواْوَ يَمَيْدَ حَنْكَلِ غَمٜىٰدَ يَدَّ يَكٜىٰ غَنِنْ كَنْسَ، وَتُواْ يَدِنْ‌غَ غَنِنْ كَنْسَ دَيْدَيْ ڠُورْڠُودُوانْ بَنْ‌غَسْكِيَرْ دَ اللَّهْ يَبَاشِ؞

⁴ مُنَدَ غَٻُواْٻِ دَيَوَ ثِكِنْ جِكِے غُدَا، كُمَ دُكْ غَٻُواْٻِنَّنْ سُنَدَ عَيْكِنْسُ دَبَمْ دَبَمْ؞

⁵ حَكَكُمَ، مُو دَمُكٜىٰ مُتَنٜىٰ مَاسُيَوَ، مُنْ ذَمَ جِكِے طَيَ ثِكِنْ أَلْمَسِيحُ، كُواْوَنٜىٰ طَيَنْمُ كُوَ غَٻَرْ طَنْعُوَنْسَ نٜىٰ؞

⁶ دَيَكٜىٰ مُنَدَ بَيٜىٰ بَيٜىٰنَّنْ إِرِ إِرِ دَيْدَيْ ڠُورْڠُودُوانْ أَلْحٜىٰرِنْ دَ اللَّهْ يَيِ مَنَ، تُواْ، سَيْ مُيِ أَمْڢَانِ دَسُو؞ عِدَنْ بَيْوَرْمُ تَيِنْ أَنَّبْثِ ثٜىٰ، سَيْ مُيِ أَنَّبْثِ دَيْدَيْ ڠُورْڠُودُوانْ بَنْ‌غَسْكِيَرْمُ؞

⁷ عِدَنْ بَيْوَرْمُ كُوَ تَيِنْ حِدِمَ ثٜىٰ، سَيْ مُيِ حِدِمَ؞ عِدَنْ تَيِنْ كُواْيَرْوَا ثٜىٰ، مُيِ كُواْيَرْوَا؞

⁸ عِدَنْ تَڧَرْڢَڢَوَرْ جُونَ ثٜىٰ، بَرِ مُكَسَنْثٜىٰ مَاسُ ڧَرْڢَڢَاوَا؞ عِدَنْ كُمَ بَيْوَرْمُ تَبِيَنْ بُڧَاتَرْ یَنْعُوَ ثٜىٰ، سَيْ مُيِ حَكَ طِنْ حَنُّ سَكٜىٰ؞ عِدَنْ تَشُوغَبَنْثِ ثٜىٰ، سَيْ مُيِشِ دَ ڨُوذُواْ؞ عِدَنْ تَنُونَ تَوْسَيِ ثٜىٰ، سَيْ مُيِ حَكَ دَ ڢَضٍ ثِكِ؞

يَدَّ ذَعَ غَانٜىٰ دَ مَيْبِے نَغَسْكٜىٰ

⁹ يَا كَمَاتَ ڧَوْنَرْكُ تَذَمَ تَغَسْكِيَ؞ كُڧِ دُكْ أَبِنْدَ يَكٜىٰ مُوغُ، عَمَّا كُرِڧٜىٰ أَبِنْدَ يَكٜىٰ مَيْݣَوْ دَ ڧَرْڢِے سُواْسَيْ؞

¹⁰ كُبَادَ كَنْكُ غَ جُونَ دَ ڧَوْنَ إِرِنْ تَیَنْعُوَ؞ كُواْوَ يَيِ سَوْرِنْ غِرْمَمَ وَنِ ڢِيٜىٰدَ كَنْسَ؞

¹¹ كَدَ كُتَٻَ ذَمَ دَ رَشِنْ ڨُوذُواْ، عَمَّا كُطَوْكِ نِيَّ سُواْسَيْ أَ ظُكَاتَنْكُ كُنَيِ وَ اللَّهْ حِدِمَ؞

¹² كُيِ ڢَضٍ ثِكِ عَثِكِنْ سَا ذُوثِيَارْكُ، كُيِ حَڧُرِ عَثِكِنْ عَذَابَ، كُيِ أَمِنْثِ كُمَ عَثِكِنْ أَدُّعَرْكُ؞

¹³ كُدِنْ‌غَ رَبَ أَبِنْدَ كُكٜىٰ دَشِ دَ ڟَرْكَكَنْ اللَّهْ وَطَنْدَ سُكٜىٰ دَ بُڧَاتَ؞ كُدِنْ‌غَ كَرْٻَرْ بَاڧِ حَنُّ بِيُ بِيُ؞

¹⁴ كُسَا وَ وَطَنْدَ سُكٜىٰ ڟَنَنْتَ مُكُ أَلْبَرْكَ؞ كُسَا مُسُ أَلْبَرْكَ، كَدَ كُلَعَنْتَسُ؞

¹⁵ كُيِ ڢَضٍ ثِكِ تَرٜىٰدَ مَاسُ ڢَضٍ ثِكِ، كُيِ كُوكَا تَرٜىٰدَ مَاسُ كُكَ؞

¹⁶ كُيِ ذَمَنْ لَاڢِيَ دَ جُونَ؞ كَدَ كُنُونَ حَلِنْ طَغَ كَيْ، عَمَّا كُمَيْدَ كَنْكُ أَبُواْكَيْ غَ وَطَنْدَ بَعَطَوْكٜىٰسُ عَبَاكِنْ كُواْمٜىٰبَ؞ كَدَ كُطَوْكِ كَنْكُ كَمَرْ كُنْڢِے سَوْرَنْ مُتَنٜىٰ وَيُواْ؞

¹⁷ عِدَنْ وَنِ يَيِمُكُ مُغُنْتَا، كَدَ كُسَاكَ مَسَ دَ مُغُنْتَا؞ كُلُورَ دُوانْ كُعَيْكَتَ أَبِنْدَ كُواْوَ ذَيْ عِيَ غَنِ ثٜىٰوَ دَيْدَيْنٜىٰ؞

¹⁸ كُيِ إِيَاكَرْ ڧُواْڧَرِنْكُ، إِنْ ذَيْ يِوُ، كُيِ ذَمَنْ لَاڢِيَ دَ كُواْوَ؞

¹⁹ كَدَ كُذَمَ مَاسُ رَامُوَا، یَنْعُوَنَ، سَيْدَيْ كُبَرْ وَ اللَّهْ يَرَامَ مُكُ دَ ڢُشِنْسَ؞ دُوانْ كُوَ أَرُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ ‏«‏رَامُوَا تَاوَ ثٜىٰ، نِے كُوَ ذَنْ رَامَ، إِنْجِ عُبَنْ‌غِجِ؞»‏

²⁰ رُبُوتَثِّيَرْ مَغَنَرْ اللَّهْ تَسَاكٜىٰ ثٜىٰوَ ‏«‏عِدَنْ أَبُواْكِنْ غَابَنْكَ يَنَ جِنْ يُنْوَ، سَيْ كَبَاشِ عَبِنْثِ؞ عِدَنْ يَنَ جِنْ ڧِشِنْ ضُوَ، سَيْ كَبَاشِ ضُوً شَا؞ تَيِنْ حَكَ كَنَ تَارَ غَرْوَشِنْ وُتَا عَكَنْسَ نٜىٰ؞»‏

²¹ كَدَ كُبَرْ مُغُنْتَا تَيِ نَصَرَا عَكَنْكُ، أَمَيْمَكُوانْ حَكَ كُيِ نَصَرَا عَكَنْ مُغُنْتَا تَوُرِنْ عَيْكَتَ أَبِنْدَ يَكٜىٰ مَيْݣَوْ؞