رُعُيَرْ دَ عَكَيِ وَ يَحْيَى 9 - أَتَّوْرَتْ دَ أَنَّبَاوَا

ڧَهُواْ نَبِيَرْ

¹ مَلاَىِٕكَ نَبِيَرْ يَبُوسَ ڧَهُوانْسَ؞ سَيْ نَغَ تَوْرَرُواْ يَا ڢَاطُواْ دَغَ سَمَ ذُوَا دُونِيَا، عَكَ كُمَ بَاشِ مَبُوطِنْ مُرْڢِنْ رَامِ مَيْ ظُرْڢِنَّنْ؞

² تَوْرَرُوانْ كُوَ يَبُوطٜىٰ رَامِنْ مَيْ ظُرْڢِنَّنْ، سَيْ وَنِ هَيَاڧِے يَڢِتُواْ كَمَرْ دَغَ بَبَّرْ مَتُواْيَ، حَرْ هَيَاڧِنْ يَسَا رَانَ دَ سَرَرِنْ سَمَ سُكَيِ دُهُ؞

³ سَيْ ڢَارِ سُكَ ڢِتُواْ دَغَ ثِكِنْ هَيَاڧِنْ، سُكَ سَوْكُواْوَ دُونِيَا، عَكَ كُمَبَاسُ إِيكُوانْ هَرْبِے إِرِنَّكُنَمَيْ؞

⁴ عَكَ عُمَرْثٜىٰسُ كَدَ سُيِ وَثِيَوَرْ ڧَسَا ٻَرْنَ، كُواْ وَنِ إِتَاثٜىٰ، كُواْ كُمَ وَنِ ڟِرُواْ، سَيْدَيْ مُتَنٜىٰ وَطَنْدَ بَاسُ دَ هَاتِمِ نَ اللَّهْ أَغُواْشِنْسُ؞

⁵ بَعَكُوَ يَرْدَ مُسُ سُكَشٜىٰ مُتَنٜىٰنَّنْبَ، سَيْدَيْ سُڠُودَ مُسُ عَذَابَ نَوَتَا بِيَرْ؞ ذَاڢِنْ وَنَّنْ عَذَابَرْ كُوَ يَيِ كَمَ دَ ذَاڢِنْ هَرْبِنْ كُنَمَ؞

⁶ ثِكِنْ ݣُونَكِنَّنْ كُوَ مُتَنٜىٰ ذَاسُ سُواْ سُمُتُ، عَمَّا بَذَاسُ سَامُ بَ، ذَاسُيِ مَرْمَرِنْ مُتُوَ، عَمَّا مُتُوَ ذَاتَڧِ ذُوَا؞

⁷ كَمَنِّنْ ڢَارِنَّنْ كَمَرْ دَوَكِنٜىٰ وَطَنْدَ عَكَ شِرْيَ دُواْمِنْ يَاڧِ، سُنَدَ وَنِ أَبُ كَمَرْ هُولُنَنْ مُلْكِ نَظِينَارِيَ عَكَنْسُ، كُمَ ڢُسْكُواْكِنْسُ سُنْيِ كَمَ دَ نَمُتَنٜىٰ؞

⁸ غَاشِنْسُ يَيِ كَمَ دَ نَكَنْ مَثٜىٰ، هَڧُواْرَنْسُ كُمَ سُنْيِ كَمَ دَ نَذَاكِ؞

⁹ أَنْ رُڢٜىٰ ڧِرْجِنْسُ دَ وَنِ أَبُ مَيْ كَمَ دَ رِيغُنَنْ بَڧِنْ ڧَرْڢٜىٰ، ڢِكَڢِكَنْسُ سُنَ ڧَارَ كَمَرْ مُواْڟِنْ دَوَكِ مَاسُ كٜىٰكُنَنْ دُواْكِنْ دَسُكٜىٰ غُدُ ذُوَا يَاڧِ؞

¹⁰ سُنَدَ وُڟِيَ، سُنَ هَرْبِے كَمَرْ كُنَمَيْ، سُنَدَ إِيكُوانْيِ وَمُتَنٜىٰ ثِيوُاْ حَرْ وَتَا بِيَرْ؞ وَنَّنْ إِيكُواْ كُوَ أَوُڟِيَرْسُ يَكٜىٰ؞

¹¹ سُنَدَ سَرْكِنْ دَيَكٜىٰ مُلْكِ عَكَنْسُ، شِينٜىٰ مَلاَىِٕكَنَّنْ دَ عَكَ بَاشِ إِيكُواْ عَكَنْ رَامِ مَيْ ظُرْڢِنَّنْ؞ سُونَنْسَ دَ إِبْرَانِيَنْثِ ‏«‏أَبَدُّوانْ»‏ نٜىٰ دَ هٜىٰلٜىٰنَنْثِ كُوَ ‏«‏أَڢُواْلِّيُوانْ»‏ وَتُواْ ‏«‏مَيْ ٻَرْنَ»‏؞

¹² كَيْتُوانْ بَلَعِ نَڢَرْكُواْ يَا وُثٜىٰ، غَاشِ، غُدَا بِيُ سُنَ ذُوَا؞

ڧَهُواْ نَشِدَ

¹³ سَعَنً مَلاَىِٕكَ نَشِدَ يَبُوسَ ڧَهُوانْسَ؞ سَيْنَجِ وَتَ مُرْيَ تَنَ ڢِتُواْوَ دَغَ ݣُونَ حُطُ نَبَغَدٜىٰنْ ظِينَارِيَ وَنْدَ يَكٜىٰ أَغَبَنْ اللَّهْ؞

¹⁴ مُرْيَرْ تَثٜىٰ وَمَلاَىِٕكَ نَشِدَنَّنْ ‏«‏كَسَكِ مَلاَىِٕكُ غُدَا حُطُنَّنْ دَسُكٜىٰ أَطَوْرٜىٰ عَبَبَّنْ كُواْغِنْ يُڢِرٜىٰتِسْ!‏»‏

¹⁵ سَيْ عَكَ سَكِ مَلاَىِٕكُ حُطُنَّنْ وَطَنْدَ عَكَ شِرْيَ دُواْمِنْ وَنَّنْ أَوَ دَ وَنَّنْ رَانَ دَ وَنَّنْ وَتَ دَ كُمَ وَنَّنْ شٜىٰكَرَا دُواْمِنْ سُكَشٜىٰ كَشِ طَيَ بِسَ عُكُ نَدُكَنْ یَنْ أَدَمْ؞

¹⁶ سَيْغَا سُواْجُواْجِ مَاسُيَوَ عَكَنْ دَوَكِ؞ أَنْ سَنَرْ دَنِے يَوَنْ سُواْجُواْجِنَّنْ، سُنْ كَيْ مِلِيَنْ طَرِے بِيُ؞

¹⁷ عَثِكِنْ رُعُيَتَ كُمَ، نَغَ دَوَكِ دَ كُمَ مَاسُ هَوَنْسُ، سُنَ سَنْيٜىٰ دَ رِيغُنَنْ ڧَرْڢٜىٰ مَاسُ كَلَرْ جَا كَمَرْ وُتَادَ كَلَرْ ضُوً بُلَ كَمَرْ سَڢَّيَ دَ كُمَ كَلَرْ ضُوً ڨُويْ؞ كُواْوَنٜىٰ دُواْكِ كُوَ يَنَدَ كَيْ كَمَرْ نَذَاكِ، وُتَا كُمَ دَ هَيَاڧِے دَ ڢَرَرْ وُتَا مَيْ وَرِ سُنَ ڢِتُواْوَ دَغَ بَاكِنْسُ؞

¹⁸ دَ وَطَنَّنْ بَلَعِ عُكُ عَكَ كَشٜىٰ كَشِ طَيَ بِسَ عُكُ نَیَنْ أَدَمْ، وَتُواْ دَ وُتَادَ هَيَاڧِے دَ كُمَ ڢَرَرْ وُتَا مَيْ وَرِ وَدَّ تَكٜىٰ ڢِتُواْوَ دَغَ بَاكِنْ دَوَكِنَّنْ؞

¹⁹ غَمَا إِيكُوانْ دَوَكِنَّنْ يَنَ عَبَاكِنْسُ نٜىٰ دَ كُمَ وُڟِيَرْسُ؞ وُڟِيَرْسُ كُوَ كَمَرْ مَثِيظَيْ مَاسُ كَيْنٜىٰ، سُنَ كُمَيِنْ أَمْڢَانِ دَسُو دُواْمِنْ سُيِ وَمُتَنٜىٰ ثِيوُاْ؞

²⁰ سَوْرَنْ یَنْ أَدَمْ وَطَنْدَ بَعَكَشٜىٰ دَ وَطَنَّنْ بَلَعِبَ كُوَ، بَسُ تُوبَ سُنْ رَبُ دَ أَبُبُوَنْ دَ سُكَيِ دَ حَنُّنْسُبَ؞ وَتُواْ، بَسُ دَيْنَيِ وَ أَلْجَنُ سُجَّدَبَ، بَسُ كُوَ دَيْنَ يِنْ سُجَّدَ وَغُمَكَنْ دَ عَكَيِ دَ ظِينَارِيَ، كُواْ أَظُرْڢَا، كُواْ تَغُلَّ، كُواْ دُوڟٜىٰ، كُواْ إِتَاثٜىٰبَ، وَطَنْدَ بَاسَ عِيَ غَنِ، كُواْ سُجِ، كُواْ سُيِ تَڢِيَ؞

²¹ بَسُ كُمَ تُوبَ دَغَ كِسَنْ كَيْ وَنْدَ سُكٜىٰيِبَ، كُواْ سِحِرِنْسُ، كُواْ هَلَيٜىٰنْ لَلَتَرْسُ، كُواْ سَاثٜىٰ سَاثٜىٰنْسُبَ؞