رُعُيَرْ دَ عَكَيِ وَ يَحْيَى 7 - أَتَّوْرَتْ دَ أَنَّبَاوَا

مُتَنٜىٰ دُبُو طَرِے دَ دُبُو أَرْبَعِنْ دَ حُطُ نَ إِسْرَٰٓءِيلَ

¹ بَايَنْ وَنَّنْ، سَيْ نَغَ مَلاَىِٕكُ حُطُ سُنَ ڟَيٜىٰ عَكُواْوَثٜىٰ ݣُونَ حُطُ تَدُونِيَا، سُكَ حَنَ إِسْكُواْكِ حُطُنَّنْ نَدُونِيَا هُورَاوَ عَكَنْ ڧَسَا، كُواْ عَكَنْ تٜىٰكُ، كُواْ عَكَنْ وَنِ إِتَاثٜىٰ؞

² سَيْ نَغَ وَنِ مَلاَىِٕكَ يَنَ هَوَ دَغَ غَبَسْ، يَنَ رِڧٜىٰ دَ هَاتِمِ نَ اللَّهْ مَيْ رَيْ؞ دَ بَبَّرْ مُرْيَ يَكِرَا غَ مَلاَىِٕكُنَّنْ حُطُ وَطَنْدَ اللَّهْ يَبَاسُ إِيكُواْ سُلَلَتَرْدَ ڧَسَا دَ كُمَ تٜىٰكُ؞

³ مَلاَىِٕكَنْ يَثٜىٰ ‏«‏كَدَ كُلَلَتَرْدَ دُونِيَا، كُواْ تٜىٰكُ، كُواْ عِتَتُوَ، سَيْ مُنْ سَا وَبَيِنْ اللَّهْ نْمُ هَاتِمِ أَغُواْشِنْسُ؞»‏

⁴ سَيْنَجِ يَوَنْ وَطَنْدَ عَكَسَا مُسُ هَاتِمِ دَغَ ظُرِيُواْيِ غُواْمَشَا بِيُ نَ إِسْرَٰٓءِيلَ، سُنْ كَيْ دُبُو طَرِے دَ دُبُو أَرْبَعِنْ دَ حُطُ؞

⁵ أَنْيِ وَظُرِيُواْيِنْ إِسْرَٰٓءِيلَ هَاتِمِ حَكَ؞ دَغَ ذُرِيَرْ يَهُودَ، دُبُو غُواْمَشَا بِيُ، دَغَ ذُرِيَرْ رَعُبَيْنُ، دُبُو غُواْمَشَا بِيُ، دَغَ ذُرِيَرْ غَدْ، دُبُو غُواْمَشَا بِيُ،

⁶ دَغَ ذُرِيَرْ أَشٜىٰرْ، دُبُو غُواْمَشَا بِيُ، دَغَ ذُرِيَرْ نَڢْتَلِ، دُبُو غُواْمَشَا بِيُ، دَغَ ذُرِيَرْ مَنَسّٜىٰ، دُبُو غُواْمَشَا بِيُ،

⁷ دَغَ ذُرِيَرْ سِمٜىٰيُوانْ، دُبُو غُواْمَشَا بِيُ، دَغَ ذُرِيَرْ لَوِ، دُبُو غُواْمَشَا بِيُ، دَغَ ذُرِيَرْ إِسَّكَرْ، دُبُو غُواْمَشَا بِيُ،

⁸ دَغَ ذُرِيَرْ ظٜىٰبُلُنْ، دُبُو غُواْمَشَا بِيُ، دَغَ ذُرِيَرْ يُوسُڢَ، دُبُو غُواْمَشَا بِيُ، دَغَ ذُرِيَرْ بِلِيَامِنُ، دُبُو غُواْمَشَا بِيُ؞

بَبَّنْ تَرُوانْ ڟَرْكَكَا أَسَمَ

⁹ بَايَنْ وَنَّنْ، نَدُوبَ سَيْ نَغَ وَنِ بَبَّنْ تَارُواْ نَڟَرْكَكَا دَيَوَ وَنْدَ يَڢِ غَبَنْ ڧِرْغٜىٰ؞ سُنْ ڢِتُواْ دَغَ كُواْوَثٜىٰ أَلْعُمَّ دَ ذُرِيَ دَ ڧَبِيلَ دَ يَرٜىٰ، سُنَ ڟَيٜىٰ أَغَبَنْ كُجٜىٰرَرْ مُلْكٍ دَ كُمَ أَغَبَنْ طَنْ ضَغُوانْ؞ سُنَ سَنْيٜىٰ دَ ڢَرَرٜىٰنْ رِيغُنَ، كُمَ سُنَ رِڧٜىٰ دَ رَسَّنْ إِتَاثٜىٰنْ دَبِينُواْ أَ حَنُّنْسُ؞

¹⁰ سُكَتَادَ بَبَّرْ مُرْيَ سُنَ ثٜىٰوَ ‏«‏ثٜىٰتُواْ يَا ڢِتُواْ دَغَ وُرِنْ اللَّهْ نْمُ نٜىٰ، وَنَّنْ دَيَكٜىٰ أَ ظَوْنٜىٰ عَكُجٜىٰرَرْ مُلْكِ دَ كُمَ دَغَ وُرِنْ طَنْ ضَغُوانْ!‏»‏

¹¹ دُكَنْ مَلاَىِٕكُنْ كُوَ سُنَ ڟَيٜىٰ كٜىٰوَيٜىٰ دَ كُجٜىٰرَرْ مُلْكٍ دَ دَتَّاوَنْ دَ كُمَ حَلِتُّو مَاسُ رَيْ حُطُنَّنْ؞ سَيْ سُكَ ڢَاطِ أَغَبَنْ كُجٜىٰرَرْ مُلْكٍ، سُكَيِ وَ اللَّهْ سُجَّدَ،

¹² سُنَ ثٜىٰوَ ‏«‏أَمِينْ!‏ يَبُواْ دَ طَوْكَكَ، دَ حِكِمَ دَ غُواْدِيَ دَ غِرْمَ، دَ إِيكُواْ دَ ڧَرْڢِے سُتَبَّتَا غَ اللَّهْ نْمُ حَرْ أَبَدَا أَبَدِنْ!‏ أَمِينْ!‏»‏

¹³ سَعَنً طَيَ دَغَ ثِكِنْ دَتَّاوَنَّنْ يَتَمْبَيٜىٰنِ يَثٜىٰ ‏«‏سُو وَنٜىٰنٜىٰ وَطَنَّنْ دَسُكٜىٰ سَنْيٜىٰ دَ ڢَرَرٜىٰنْ رِيغُنَ حَكَ؟ كُمَ دَغَ إِنَا سُكَ ڢِتُواْ؟»‏

¹⁴ سَيْ نَثٜىٰمَسَ ‏«‏يَا شُوغَبَا، أَيْ، كَيْ كَاسَنِ؞»‏ سَيْ يَثٜىٰ مِنِ ‏«‏سُونٜىٰ وَطَنْدَ سُكَ ڢِتُواْ دَغَ عَذَابَرْ نَنْ مَيْ ذَاڢِ؞ سُنْ وَنْكٜىٰ رِيغُنَنْسُ دَ جِنِنْ طَنْ ضَغُوانْ، سُكَ ذَمَ ڢَرَرٜىٰ؞

¹⁵ شِے يَسَا، ‏«‏سُكٜىٰ ڟَيٜىٰ أَغَبَنْ كُجٜىٰرَرْ مُلْكٍ اللَّهْ، سُنَيِ مَسَ حِدِمَ دَرٜىٰ دَ رَانَ عَثِكِنْ هَيْكَلِنْسَ؞ شِے وَنْدَ يَكٜىٰ ظَوْنٜىٰ عَكَنْ كُجٜىٰرَرْ مُلْكٍ ذَيْ ڟَرٜىٰسُ دَ تٜىٰنْتِنْ كَسَنْثٜىٰوَرْسَ؞

¹⁶ بَذَاسُ ڧَارَجِنْ يُنْوَبَ، بَذَاسُ ڧَارَجِنْ ڧِشِبَ، بَذَاسُ ڧَارَجِنْ ذَاڢِنْ رَانَ كُواْ وَنِ ڧُونَبَ سَمْ!‏

¹⁷ غَمَا طَنْ ضَغُوانْ دَيَكٜىٰ ڟَكِيَرْ كُجٜىٰرَرْ مُلْكٍ ذَيْ ذَمَ مَكِيَايِنْسُ، ذَيْبِيدَسُو ذُوَا مَٻُٻُّغَرْ ضُوَ مَيْبَادَ رَيْ؞ اللَّهْ ذَيْ شَارٜىٰ دُكَنْ هَوَيٜىٰ دَغَ عِدَنُونْسُ؞»‏