رُعُيَرْ دَ عَكَيِ وَ يَحْيَى 6 - أَتَّوْرَتْ دَ أَنَّبَاوَا

طَنْ ضَغُواْ يَا ٻَلّٜىٰ هَاتِمَنْ لِتَّڢِنْ

¹ سَعَنً نَغَ طَنْ ضَغُواْنَّنْ يَا ٻَلّٜىٰ طَيَ دَغَ ثِكِنْ هَتِمَنَّنْ بَݣَويْ؞ سَيْنَجِ طَيَ دَغَ ثِكِنْ حَلِتُّو مَاسُ رَيْ غُدَا حُطُنَّنْ يَتَادَ وَتَ مُرْيَ مَيْ كَمَ دَ ڟَاوَ يَثٜىٰ ‏«‏ذُواْ!‏»‏

² دَنَدُوبَ سَيْغَا وَنِ ڢَضٍ دُواْكِ؞ مَيْ هَوَنْسَ يَنَ رِڧٜىٰ دَ بَكَ، عَكَ كُمَ بَاشِ هُولَرْ مُلْكِ؞ يَا كُمَ ڢِتَ كَمَرْ مَيْ نَصَرَا دُواْمِنْ يَڧَارَ ثِنْ نَصَرَا؞

³ دَ طَنْ ضَغُوانْ يَٻَلّٜىٰ هَاتِمِ نَبِيُ، سَيْنَجِ حَلِتَّ تَبِيُ دَغَ ثِكِنْ حَلِتُّو مَاسُ رَيْ تَثٜىٰ ‏«‏ذُواْ!‏»‏

⁴ سَيْ وَنِ دُواْكِ يَڢِتُواْ جَاوُرْ؞ عَكَبَا مَيْ هَوَنْسَ إِيكُواْ يَكَوَرْدَ سَلَمَ دَغَ دُونِيَا، دُواْمِنْ مُتَنٜىٰ سُكَشٜىٰ جُونَ؞ عَكَ كُمَ بَاشِ بَبَّنْ تَكُواْبِے؞

⁵ دَ طَنْ ضَغُوانْ يَٻَلّٜىٰ هَاتِمِ نَعُكُ، سَيْنَجِ حَلِتَّ تَ عُكُ دَغَ ثِكِنْ حَلِتُّنْ مَاسُ رَيْ تَثٜىٰ ‏«‏ذُواْ!‏»‏ دَنَدُوبَ، سَيْغَا وَنِ بَڧِنْ دُواْكِ؞ مَيْ هَوَنْسَ يَنَ رِڧٜىٰ دَ مَعَوْنِ أَ حَنُّنْسَ؞

⁶ سَيْ نَجِ وَنِ أَبُ مَيْ كَمَ دَ مُرْيَ تَنَ ڢِتُواْوَ دَغَ ثِكِنْ ڟَكِيَرْ حَلِتُّو مَاسُ رَيْ غُدَا حُطُنَّنْ تَنَ ثٜىٰوَ ‏«‏مُودُنْ حَڟِنْ أَلْكَمَ نَيَوَنْ كُطِنْ دَ لٜىٰبُرَ ذَيْسَامُ نَعَيْكِنْ يِنِ طَيَ، مُودُ عُكُ نَهَڟِنْ بَلٜىٰ نَيَوَنْ كُطِنْ دَ لٜىٰبُرَ ذَيْسَامُ نَعَيْكِنْ يِنِ طَيَ، عَمَّا ڢَا كَدَ كَلَلَتَرْدَ مَنْ ظَيْتُنْ دَ كُمَ ضُوً إِنَبِے!‏»‏

⁷ دَ طَنْ ضَغُوانْ يَٻَلّٜىٰ هَاتِمِ نَهُطُ، سَيْنَجِ حَلِتَّ تَهُطُ دَغَ ثِكِنْ حَلِتُّنْ مَاسُ رَيْ تَثٜىٰ ‏«‏ذُواْ!‏»‏

⁸ دَنَدُوبَ، سَيْغَا وَنِ دُواْكِ وَنْدَ كَلَرْسَ تَكُواْطٜىٰ؞ سُونَنْ مَيْ هَوَنْسَ كُوَ مُتُوَ ثٜىٰ، وُرِنْ ذَمَنْ مَتَتُّو كُمَ يَنَ بِيٜىٰ دَشِ؞ عَكَبَاسُ إِيكُواْ عَكَنْ كَشِ طَيَ بِسَ حُطُ نَمَذَوْنَنْ دُونِيَا، دُواْمِنْ سُكَشٜىٰسُ تَوُرِنْ تَكُواْبِے دَ يُنْوَ دَ بَلَعِ دَ كُمَ نَمُواْمِنْ دَاجِ؞

⁹ دَ طَنْ ضَغُوانْ يَٻَلّٜىٰ هَاتِمِ نَبِيَرْ، سَيْ نَغَ عَڧَرْڧَشِنْ بَغَدٜىٰنْ رَايُكَنْ وَطَنْدَ عَكَ كَشٜىٰ سَبُواْدَ كَلْمَرْ اللَّهْ دَ كُمَ شَيْدَرْ دَسُكَيِ؞

¹⁰ سَيْ سُكَتَادَ بَبَّرْ مُرْيَ سُكَثٜىٰ ‏«‏يَا عُبَنْ‌غِجِ مَيْ إِيكُواْ دُكَ، مَيْ ڟَرْكِے دَ كُمَ مَيْ غَسْكِيَ، سَيْ يَوْشٜىٰ ذَاكَ شَرْعَنْتَ مَذَوْنَنْ دُونِيَا، كَكُمَ حُكُنْتَسُ سَبُواْدَ سُنْ كَشٜىٰمُ؟»‏

¹¹ سَيْ عَكَبَا كُواْوَنّٜىٰنْسُ ڢَرَرْ رِغَا، عَكَ كُمَ ڢَطَا مُسُ سُهُوتَ كَطَنْ، سَيْ أَنْثِكَ يَوَنْ أَبُواْكَنْ عَيْكِنْسُ، وَتُواْ یَنْعُوَنْسُ وَطَنْدَ ذَاعَ كَشٜىٰ كَمَرْ يَدَّ سُو مَا عَكَ كَشٜىٰسُ؞

¹² سَعَنً نَكُمَغَ طَنْ ضَغُوانْ يَا ٻَلّٜىٰ هَاتِمِ نَشِدَ؞ سَيْ عَكَيِ وَتَ بَبَّرْ ضَوَرْ ڧَسَا، رَانَ كُمَ تَكُواْمَ بَڧَ كَمَرْ بَڧِنْ يَدِ، وَتَ كُمَ غَبَاطَيَ يَا جُويَا جَاوُرْ كَمَرْ جِنِ؞

¹³ تَوْرَرِ كُمَ سُكَ ڢَڢَّاطِ عَڧَسَا كَمَرْ يَدَّ یَیَنْ ٻَوْرٜىٰنْ دَ بَسُ نُونَبَ سُكٜىٰ ڢَاطُوَ دَغَ إِتَاثٜىٰ عِدَنْ إِسْكَ مَيْ ڧَرْڢِے تَهُورَشِ؞

¹⁴ سَيْ سَرَرِنْ سَمَ يَٻَثٜىٰ كَمَرْ يَدَّ عَكٜىٰ نَطِنْ تَبَرْمَ، عَكَ كُمَ ثِرٜىٰ كُواْوَنٜىٰ دُوڟٜىٰ دَ كُواْوَنٜىٰ ڟِبِرِے دَغَ وُرِنْ دَيَكٜىٰ؞

¹⁵ سَيْ سَرَاكُنَنْ دُونِيَا دَ مَاسُ مُلْكِ دَ مَنْيَنْ سُواْجُواْجِ دَ مَاسُ أَرْزِڧِ دَ مَاسُ إِيكُواْ دَ دُكَنْ سَوْرَنْ مُتَنٜىٰ، بَايِ دَ وَطَنْدَ بَبَايِبَ، سُكَ ٻُواْيٜىٰ كَنْسُ عَثِكِنْ كُواْڠُونِّ دَ كُمَ ثِكِنْ دُووَڟُنْ تُدَّيْ؞

¹⁶ سُنَ كِرَا مَنْيَنْ تُدَّيْ سُنَثٜىٰ مُسُ ‏«‏كُڢَاطُواْ عَكَنْمُ كُكُمَ ٻُواْيٜىٰمُ دَغَ ڢُسْكَرْ وَنَّنْ دَيَكٜىٰ ظَوْنٜىٰ عَكُجٜىٰرَرْ مُلْكٍ دَ كُمَ دَغَ ڢُشِنْ طَنْ ضَغُوانْ؞

¹⁷ غَمَا بَبَّرْ رَانَرْ ڢُشِنْسُ تَذُواْ، وَنٜىٰنٜىٰ كُوَ ذَيْ عِيَ ڟَيَاوَا؟»‏